АРМ - новости

Вечна слава. Нека почива во мир.

Стационарно логорување, реализација на вежби и гаѓања со четата ЕУБГ 2014-2

Во деновите од 31.03 до 04.04.2014 година со декларираната чета за Заштита на Сили од составот на борбената група ЕУБГ 2014 - 2 од 4.механизиран пешадиски баталјон - Кичево на АП „Криволак“, ќе се организираат и изведат планирани вежбовни активности и гаѓања со оклопен транспортер „Хермелин“ (ОТ Хермелин).
Во истиот период на АП „Криволак“ се реализира и Главната Планирачка конференција за претстојната ситуационо-тактичка вежба на терен „Брз Рис 14“ која ќе се изведе во касарната „Чеде Филиповски-Даме“ во Кичево на која ќе биде оценета декларираната чета која е дел од ЕУБГ 2014-2 од составот на 1. механизирана пешадиска бригада.
На стационарното логорување ќе се изведуваат борбени постапки во очекувачки реон, училишни и подготвителни гаѓања со вооружувањето на ОТ Хермелин и изведување на тактичка вежба со боеви гаѓања на механизиран пешадиски одделенија и вод.

Посебен акцент ќе се даде на оспособување и организирање на животот и работата во логорски услови, зголемување на степенот на обученоста на единиците за извршување на борбено-огнените задачи, усогласеноста на движење на боиштето и извршување на задачи во услови на употреба на вооружувањето со користење на боева муниција и огнена поддршка.

http://www.arm.mil.mk/vesti/zok/2014/04/stacionarno_logoruvanje_eubg.html

Свеченост по повод заминување во пензија на персонал од Здружената оперативна команда

Денес, 01.04.2014 година во Здружената Оперативна Команда (ЗОК) со постројување на персоналот од командата и пригодна свеченост се одбележа завршувањето на воената кариера и заминување во пензија на полковникот Миле Давчевски и капетан Стојчо Веселинов.
Од страна на командантот на ЗОК генерал мајор Методија Величковски беше истакнато дека секој поединец во текот на својата воена кариера остава дел од себе и го вградува во воената организација со што дава сопствен придонес во процесот на остварувањето на целите кои ги има Армијата на Република Македонија.
Од страна на целокупниот персонал на полковникот Миле Давчевски и капетан Стојчо Веселинов им беа врачени пристојни поклони кои ќе ги потсетуваат на времето кое го имаат поминато во сите единици и команди на АРМ во текот на извршувањето на својата офицерска професија.
На овој начин недвосмислено и јасно се изразуваат етичките вредности и се оддава признание на персоналот кој во целиот свој работен век преку посветеноста во извршување на задачите има дадено придонес во сите досегашни предизвици и успеси на Армијата на Република Македонија.

http://www.arm.mil.mk/vesti/zok/2014/04/zaminuvanje_vo_penzija.html

Обука со хеликоптери

На ден 01.04.2014 година со персоналот од извидувачката чета од составот на Средната пешадиска баталјонска група (СПБГ) во касарната „Чеде Филиповски Даме“ во Кичево се организира и изведе обука со хеликоптер Ми 8/17.
Тежиште на обуката беше дадено на процедурите за влез и излез од воздухоплов (хеликоптер) под борбена опрема во различни услови, одбележување и обезбедување на летечки зони и обука на маршалери за наведување на хеликоптери.

Реализираната активност претставува дел од планирачкиот процес за претстојната вежба: „Македонски Блесок 10“ која ќе се реализира во првата половина на месец април на АП „Криволак“. Обуката и вежбата овозможија трансфер на знаење, стекнување на нови искуства и пристап до најновите тактики, техники и процедури за конфликтните подрачја.

http://www.arm.mil.mk/vesti/zok/2014/04/obuka_so_heliopteri.html

Тромесечен брифинг за обука и Тромесечно реферирање за состојбата на поддршката на КОД во изградбата на борбената готовност на АРМ

На ден 03.04.2014 година во касарната „Алексо Демниевски - Бауман “ во Велес пред командантот на Команда за обука и доктрини полковник Љупчо Костовски, во присуство на целокупниот штаб од командата, командантите на потчинетите единици и началникот на Центарот за странски јазици (ЦСЈ) се одржа Тромесечен брифинг за обуката (ТБО) и Тромесечно реферирање за состојбата на поддршката на КОД во изградбата на борбената готовност на АРМ, за првото тромесечје на 2014 година.
Од страна на командантите на потчинетите единици и началникот на ЦСЈ се презентираа состојбите во единиците со акцент на одржувањето на материјално-техничките средства, опремата и приоритетите за второто тромесечје.
Како дел од ТБО беше изведена методско-показна вежба пред присутните на тема: „Користење на повеќенаменскиот интегриран ласерски систем за симулација“ (MILES).
Повеќенаменскиот интегриран ласерски систем за симулација е систем кој работи врз основа на ласери кои симулираат ефекти на жив оган од мало оружје на полигонот за вежбање. Тоа му дава на корисникот реална слика и чувство при користење на оружјето во вежба во која има две страни. Во исто време, се овозможува преглед за ефективноста на сопствената позиција, вештините и користење на засолништа за време на обуката.

http://www.arm.mil.mk/vesti/kod/2014/04/tromesecen_brifing_bg.html

Шуќур и ние нешто современо да користиме...

„Студентите од Факултетот за безбедност- Скопје во посета на полкот за специјални операции“

Денес 04.04.2014 година студентите од Факултетот за безбедност во Скопје при Универзитетот „Св. Климент Охридски “ од Битола беа во посета на полкот за специјални операции.
Педесетина редовни и вонредни студенти кои го следат предметот Безбедносни стратегии и менаџмент и Современи безбедносни системи со интерес го следеа брифингот за единицата каде беа презентирани мисијата на единицата, структурата, опремата и стекнатите искуства од мисиите каде учествувала единицата. Студентите имаа можност од блиску да се запознаат со карактеристиките и можностите на вооружувањето, борбените и неборбени возила и опрема која се користи во единицата низ тактичко техничкиот збор. Низ методско огледна вежба „Брзо спуштање и рапелинг“ гостите од Факултетот за безбедност се запознаа со капацитетите што ги нуди мултифункционалната алпинистичка кула како и процесот на алпинистичка обука низ која поминуваат припадниците на полкот за специјални операции. За гостите беше организирана и демострација на боречки вештини кои се користат од единицата во процесот на обука и тренинг.
Студентите не го криеа своето воодушевување од она што беше прикажано од припадниците на полкот, притоа потенцирајќи ги заедничките точки од она што тие го изучуваат во теорија и она што практичко се работи во една единица на АРМ.

http://www.arm.mil.mk/vesti/pso/2014/04/poseta_fakultet_za_bezbednoost.html

„Леопардите“ продолжуваат со обуката и вежбите

Персоналот од 4.механизиран пешадиски баталјон (4.мпб) - Кичево од 1.механизирана пешадиска бригада ги реализираше планираните вежбовни активности и гаѓања со оклопен транспортер „Хермелин“ на АП Криволак, со декларираната чета за Заштита на сили од составот на борбената група на Европската Унија (ЕУБГ 2014-2).
На стационарното логорување, обуката се реализираше на неколку различни локации, а на секоја од нив персоналот се запозна со предностите, ограничувањата и можностите кои ги нуди теренот на АП Криволак.
Како и секогаш „Леопардите“ од 4.мпб постигнаа одлични резултати и ги исполнија бараните критериуми и стандарди во борбените постапки и изведување на тактичките вежби со боеви гаѓања на механизираните пешадиски одделенија и водови.
Вежбовните активности продолжуваат со персоналот од извидувачката чета од составот на Средната пешадиска баталјонска група (СПБГ) на претстојната вежба „Македонски Блесок 10“ која ќе се реализира во период од 05-12.04. 2014 година на АП Криволак.

http://www.arm.mil.mk/vesti/zok/2014/04/obuka_ceta_eubg.html

Хермалиниве бар да беа БТР-80 или ПАТРИЈА ПАСИ .

Добро е што во последно време почнаа полека, полека да работат на промоција на АРМ, со навремени соопштенија проследени со фото материјал.
Ми се допаѓа и што има чести посети на единиците од страна на основните и средните училишта, како и од факултетите.
Но сепак, треба малку да вложат во едукација на оние кој фотографираат, како и во поквалитетна фото опрема. Така ќе има квантен скок во презентацијата на АРМ и нејзините единици.
Не е на одмет да си отворат и страна на Flickr каде би ги ставале фотографиите во орегинална големина, овие од страната на МОРМ и АРМ се премногу мали.

Пример:
https://www.flickr.com/photos/idfonline/
https://www.flickr.com/photos/augustinfotos/
https://www.flickr.com/photos/defenceimages/
https://www.flickr.com/photos/marine_corps/
https://www.flickr.com/photos/soldiersmediacenter/
https://www.flickr.com/photos/usairforce
https://www.flickr.com/photos/usnavy
https://www.flickr.com/photos/armee_de_terre/
https://www.flickr.com/photos/nzdefenceforce
https://www.flickr.com/photos/nznavy/