СНАЈПЕРИСТ И СНАЈПЕРИЗАМ - ДЕФИНИЦИЈА
Секој снајперист е добар или одличен стрелец, но секој одличен стрелец немора и да биде одличен снајперист. Оној вистинскиот мора да биде исклучително вешт во камуфлирање, стопувањето со природата, прикрадувањето и набљудувањето - да остане невидлив а да гледа и да уништи се што треба.
Снајперистот има посебни способности, обука и опрема. Неговата работа е да дискриминаторно ја елиминира метата со голема огнена моќ, која неможе да биде успешно елиминирана од страна на обични стрелци од повеќе причини.
Снајпингот бара развивање на основната пешадиска уметност до високо ниво или перфекција. Обуката на снајперистот обединува широка разноврсност замислена да ја зголеми неговата вредност и да му осигура опстанот на бојното поле. Уметноста на снајпингот подразбира учење и непрекидно вежбање на овие вештини додека не се доведат до совршенство. Снајперистот мора да биде високо обучен за далекуцелни цели и мора да поседува вештини на снаодливост на теренот како би осигурал максимално ефективно дејство со минимален ризик.
Изразот „снајперист„ , од воен аспект не значи само да стрелецот ја види низ оптиката својата цел, ја елиминира а потоа да има грижа на совест, каење и сл.
Правиот снајперист мора да биде исклучително вешт во своето сокривање и преживување на терен, односно во она што припадниците на германскиот Вермахт го нарекувале „словенска лукавост„ , очајни поради сталните губитоци кои им ги нанесувале советските снајперисти.
МИСИИ
Примарна мисија на снајперистот во борба е да овозможи успешно извршување на мисијата така што со прецизно далекуцелно гаѓање ќе ја елиминира однапред избраната цел.
Со таквото делување, снајперистот предизвикува губитоци помеѓу непријателските редови, го успорува непријателското движење и напредување, внесува страв помеѓу непријателските војници и им го срозува моралот и исто така внесува конфузија односно паника во непријателските трупи и во нивните мисии.
Секундарна мисија на снајперистот е прибирање информации и податоци од бојното поле. Добро обучен снајперист, во комбинација со голема прецизност на неговата пушка и муниција, е продолжена рака во служба на пешадијата. Важноста на снајперистот неможе да се мери со бројот на убиените непријателски војници. Реализацијата на присутноста на снајперистот втерува страв во непријателските линии и делува на нивната одлука за понатамошни делувања и акции на бојното поле. Снајперистот ја зголемува огнената моќ на единиците и додава потреба за тотлана деструкција односно уништување на противникот. Без разлика дали снајперистот е единец односно сам, или е додаден во одредена единица, тој ќе и помогне со своето оружје во секој поглед. Улогата на снајперистот е толку значајна што тој е во состојба да ја елиминира метата таму каде што обичен војник неможе ни да пријде. Оваа улога е уште позначајна доколку метата е помешана со цивилното население или ако е во прашање некаков вид на бунт.
Пукањето од автоматско оружје во таквите ситуации може да резултира ранување или убивање на невини цивили. Снајперистот е ангажиран на сите нивоа на конфликт. Ова продразбира конвенционални офанзивни и дефанзивни борби во се упатуваат прецизни погодоци од поголема оддалеченост.
(Ова е прв дел, ќе продолжиме деновиве и со втор дел , односно ИЗБОР НА ИДНИ СНАЈПЕРИСТИ ).
______________________
Don't underestimate your enemy!
