http://vecer.mk/sekogash-eden-chekor-pred-siteMarjan e prviot komandant od osnovanjeto na RANGERite
РЕНЏЕРИ-СПЕЦИЈАЛНИ СИЛИ НА АРМ
Секогаш еден чекор пред сите!
29 април 2007 - 19:19
Одлучни да скокнат од хеликоптер во лет со полна воена опрема, вооружени до заби спремни за воздушен десант, но истовремено и совладувачи на водени препреки, подготвени за сите временски услови и зиме и лете на секаков терен, тоа се Ренџерите - единица за специјални операции, дел од составот на полкот за специјални операции во АРМ.
Одлучни да скокнат од хеликоптер во лет со полна воена опрема, вооружени до заби спремни за воздушен десант, но истовремено и совладувачи на водени препреки, подготвени за сите временски услови и зиме и лете на секаков терен, тоа се Ренџерите - единица за специјални операции, дел од полкот за специјални операции во АРМ.
Водени од мотото "Секогаш еден чекор пред сите", мисијата на Ренџерите е да го поддржува баталјонот за специјални намени. Тие се оспособени за изведување операции за поддршка на надворешната безбедносна политика на Македонија и другите редовни задачи во насока на зголемена ефикасност на армијата.
Совладуваат секаков терен, снежни, водени и планински препреки. Изработуваат привремени живеалиша на територија на непријателот во воени услови без да бидат забележани, притоа преживуваат хранејќи се со продуктите што ги нуди природата.
Единицата е формирана на 8 декември 2003 година и е составена од припадници на бившиот извидувачки баталјон, 501 падобрански одред како и дел од "волците". Составот е мешовит - Македонци, Албанци, Турци, Срби, Бошњаци и Роми. Бројот на овие високостручни припадници на македонската војска е строго доверлива тајна. Меѓу овие неколкумина без идентитет кои секојдневно живеат во сенка на обичните смртници, составен дел се и три девојки. Паралелно со момците, девојките рамо до рамо ги извршуваат зададените работни задачи со огромен успех.
Синџирот на командата во хиерархијата на оваа воена формација е составен од врвни стручни лица со соодветна експертиза секој во своето поле. Тие се грижат сите зададени наредби од претпоставените на генералштабот да бидат извршени глатко и беспрекорно. Секој од раководните кадри е со соодветно индивидуално искуство и образование стекнато во земјата и со учество на мноштвото курсеви, вежби и воени академии на земјите-сојузнички од Нато пактот.
"Следејќи го развојот на Нато армиите, а пред се армијата на САД и користејќи ги нивните искуства, се наметна потребата за поинаква организациска структура и способност на полкот за специјални операции. Така се формирани "Ренџерите" како составен дел од ПСО - појасни Марјан Јачевски, командант на Ренџерите.
Што е Ренџер?
Ренџер може да биде војник на АРМ со чин подофицер и офицер до максимално наполнети 29 години. Исто така и секој оној цивил кој сака да биде составен дел на оваа специјална единица на АРМ треба да има најмногу 26 години. Што се однесува за цивилите, треба да се има најмалку средно образование со завршен четврти степен, и висока психофизичка подготвеност. Покрај лекарските прегледи и безбедносната проверка, идниот ренџер треба да освои 206 бодови, што значи да истрча 3.200 метри, да исплива дадена цел со препреки и други кондициони задачи, објасни Марјан Јачевски, командант на Ренџерите. Командантот објаснува дека најважен услов да се биде Ренџер е кандидатот успешно да го помине 24- дневниот селективен курс.
