АРМ - новости

Се самоуби висок функционер на партијата „Достоинство“
Македонија
13.10.2014 - 22:45

Денес, рано наутро, животот си го одзеде Гоце Велковски - Тунтар од Куманово, член на “Достоинство“ од самото формирање, информираше лидерот на „Достоинство“, Стојанче Ангелов.

-Како професионален војник на АРМ учествуваше во одбраната на Република Македонија во 2001 година. Последната година работеше во агенција за обезбедување во Куманово. Зад себе остави 3 малолетни деца.Почивај во мир, македонски бранителу, напиша Ангелов.

Погребот ќе се одржи утре во 14.00 часот, на градските гробишта во Куманово.

http://press24.mk/se-samoubi-visok-funkcioner-na-partijata-dostoinstvo

Бог да го прости.

Признание за Македонскиот контингет во Главната Команда на ИСАФ во Кабул, ИР Авганистан, за успешно изведена вежбовна активност

На ден 15.10.2014 година во базата во Главната Команда на ИСАФ во Кабул од страна на командата за поддршка на базата е оддадено признание на македонскиот контингент за учество и успешно извршена задача на вежбата „Комплексен напад на базата“, организирана од страна на Главната Команда на ИСАФ.

Од страна на командантот на командата за поддршка на базата полковник Пол Џонсон, на македонскиот контингент се доделени сертификати на 23 припадници на македонскиот контингент кои учествуваа во реализација на вежбата.

Во своето обраќање полковникот Пол Џонсон упати пофални зборови до македонскиот контингент за планирањето и реализацијата на вежбата, потенцирајќи дека станува збор за исклучително посветена единица, која во досегашниот период своите обврски и задачи ги извршува совесно, одговорно и максимално професионално.

Командантот на македонскиот контингент се заблагодари на пофалните зборови од страна на командантот на Командата за поддршка на базата и истакна дека и во наредниот период ќе се продолжи со планирање и реализација на комплексни вежби со цел успешно извршување на поставените задачи.

http://www.arm.mil.mk/vesti/zok/2014/10/priznanie_isaf.html

Свечено одбележан денот на Здружената Оперативна Команда

Денес 17 октомври (петок), во касарната „Боро Менков“ во Куманово, се одржа свеченост по повод денот на Здружената Оперативна Команда (ЗОК) на АРМ.

На свеченоста присуствуваа: началникот на генералштабот (НГШ) на АРМ генерал-потполковник Горанчо Котески, заменикот на НГШ на АРМ генерал-потполковник Насер Сејдини, државниот секретар во министерството за одбрана (МО) Сашо Стефановски, директорот на ГШ на АРМ генерал-мајор Димче Петровски, претставници на МО и ГШ на АРМ, поранешни команданти на ЗОК, пензионирани генерали на АРМ, претставници од локалните самоуправи и други гости.

Генералот Котески во своето обраќање пред присутните, го истакна придонесот на ЗОК во дваесет и две годишниот развој на АРМ, потенцирајќи го беспрекорното извршување на задачите од страна на припадниците на ЗОК како најголема оперативна команда на АРМ. НГШ на АРМ ја нагласи улогата на ЗОК во трансформацијата на АРМ, издвојувајќи ги ефикасноста во командувањето и контролата и реализацијата на модерна обука со персоналот, при што подвлече дека ЗОК ја трасира иднината на штабното работење на АРМ.

Пред гостите, пригодно обраќање имаше и професорот Александар Стојчев, кој изнесе историски факти за значењето на Кресненското (Македонско) востание и формирањето на штабот на востанието на 17. октомври 1878 година, како ден кој од денес ЗОК го прославува како свој празник.

Со одлука на претседателот на Република Македонија и врховен командант на вооружените сили д-р Ѓорѓе Иванов, 17.октомври е определен за ден на Здружената Оперативна Команда, како датум со кој се одбележува значаен историски настан, а врз кој, заедно со други важни датуми од историјата, се темелат традициите на АРМ.

По завршување на официјалниот дел на свеченоста, од страна на НГШ на АРМ беше откриено спомен обележјето-печат на штабот на македонското-кресненско востание, а присутните имаа можност да видат повеќе автентични артефакти од овој период на македонската историја.

http://www.arm.mil.mk/vesti/pocetna/2014/10/den_na_zok.html

Утрово приведени се поранешни фунционери од одбраната и актуелни бизнисмени

Рано изутринава во голема полициска акција проведени се поранешни функционери од одбраната и актуелни бизнисмени, јави МРТ. Според првичните информации тие се товарат за криминал тежок неколку милиони долари при сервисирање на хеликоптерите.

Од МВР ја потврдуваат информацијата и повеќе информации најавуваат за подоцна во текот на денот.

http://www.mkd.mk/crna-hronika/utrovo-privedeni-se-poraneshni-funcioneri-od-odbranata-i-aktuelni-biznismeni


Преку офшор-фирми и нерезидентни сметки се правеле злоупотреби при сервисирањето на хеликоптерите на АРМ

Ванчо Георгиев, сопственик на фирмата „Деликатес“ од Кочани и еден од новите поистакнати членови на СДСМ, утрово бил приведен.

Георгиев беше и поранешен пратеник на СДСМ.

Во полициската акција приведени биле и неколкумина поранешни функционери во Министерството за одбрана, меѓу кои е и Нелко Менкиноски, поранешен раководител во секторот за логистика. Тој и во 2007 година беше осомничен за аферата во Министерството за одбрана со продажбата на митралезите кои беа добиени како донација.Приведени биле вкупно девет лица.

Утрово полицијата приведе неколкумина поранешни функционери во Министерството за одбрана и актуелни бизнисмени кои се осомничени за злоупотреби во договорите за сервисирање на хелокоптерите. Според првичните информации се работи за злоупотреби од најмалку еден милион долари извршени преку неколку офшор-фирми и нерезидентни сметки за сервисирање на хеликоптерите во Украина.

МВР за овој случај најави конференција за печатот во 12,30 часот.

http://www.mkd.mk/makedonija/politika/preku-ofshor-firmi-i-nerezidentni-smetki-se-pravele-zloupotrebi-pri

Сопственикот на фирмата „Деликатес“, член на СДСМ и директорот на „Сувенир Самоков“ меѓу уапсените во полициската акција

Се товарат за криминал тежок 2,5 милиони долари односно за перење пари кое што го вршеле преку оф-шор компании...

Меѓу уапсените во големата полициска акција утрово е сопственикот на фирмата Деликатес, поранешен пратеник, актуелен член на Централниот одбор на СДСМ, сега работи со градежниот бизнис.

Уапсени се и членови на неговото семејство. Еден од осомничените е и поранешен вработен во Министерството за одбрана кој беше осуден во аферата „Тенковски делови“ на 2 години затвор, но потоа Апелација казната му ја намали на условно. Меѓу уапсените е и директорот на Сувенир Самоков.

Се товарат за криминал тежок 2,5 милиони долари односно за перење пари кое што го вршеле преку оф-шор компании, при што парите за сервисирање на армиските хеликоптери ги префрлале од една фирма на друга.

Осумтемина се изведени пред судија на претходна постапка во Скопска „единица“.

http://mrt.com.mk/node/15737


Министерството за одбрана ја поддржува акцијата на МВР

Министерството за одбрана на Македонија, целосно ја поддржува истрагата која ја спроведува Министерството за внатрешни работи и целосно е отворено за соработка со оваа институција за расветлување на случајот.

Во интерес на истрагата, Министерството за одбрана ќе се воздржи од натамошни коментари и информации, стои во денешното соопштение од МО, во врска со полициската акција во која се приведени осум поранешни функционери од одбраната и бизнисмени, осомничени дека проневериле неколку милиони долари.

Тие се товарат дека криминалот го направиле при сервисирање на хеликоптери.

Министерството за одбрана, се вели во соопштението, дава високо значење на интегритетот на вработените во Министерството, на припадниците на АРМ и на компаниите со кои соработува.

http://24vesti.com.mk/ministerstvoto-za-odbrana-ja-poddrzhuva-akcijata-na-mvr

И овие ли се прераспоредени од гранична полиција ? униформата не им е иста како на другите плавковци.

Е да и мене овде истото прашање ми е што е со униформата зошто е ваква и која единица на МВР е ова? А исто има нешто гледам на некој му стигаат покани за воена обука што новост е таја? Значи не зборувам за она класично евидентирање што м усе врши на секое машко лице туку ова е ново.

Ај кажи нешто повеќе за ова Цане ако знаеш ? каква обука на кого стига ?