АРМ - новости

Ја не очекувам ништо да биде купено, па затоа би бил задоволен со било што.

Наводно и неофицијално АРМ својте хеликоптери Ми-24 и Ми-8/17 ќе ги ремонтира во Унгарија,поради ситуацијата во Украина,затоа на високо ниво е деновиве дочекана делегацијата на Унгарското ГШ,и при тоа учествуваа на показната вежба над вода на Воздухопловната бригада...


Посета на началникот на ГШ на ВС на Унгарија генерал Тибор Бенко

Од денес во дводневна официјална посета на Република Македонија и АРМ претстојува делегација на Вооружените сили (ВС) на Унгарија, предводена од началникот на ГШ на ВС на Унгарија, генерал Тибор Бенко. Делегацијата во ГШ на АРМ беше пречекана со високи воени почести, каде домаќин му е началникот на ГШ на АРМ генерал-потполковник Горанчо Котески.

Генералот Котески искажа благодарност до Унгарија и ВС на Унгарија за безрезервната поддршка која Република Македонија и АРМ ја добиваат во напорите за полноправно членство во НАТО. Тој истакна дека посетата на генералот Бенко која е прва посета на еден началник на ГШ на ВС на Унгарија, ќе биде искористена за изнаоѓање нови патишта и форми за проширување на билатералната меѓуармиска соработка. Началникот на ГШ на АРМ посочи на остварување на конкретна соработка со НАТО Центарот за совршенство по воено-медицинска обука, кој е дел од ВС на Унгарија, а како можности за проширување на соработката, ги наведе и капацитетите на Центарот за обука на пилоти во АРМ, како и останатите капацитети за обука во АРМ.

Генералот Бенко го искажа задоволството од посетата на Република Македонија и АРМ, при што тој нагласи дека АРМ и Република Македонија ги имаат достигнато стандардите за членство во НАТО, што се огледа во нашето учество во мировните мисии и вежби на НАТО. Тој беше имресиониран од реформите на АРМ и учеството во мисиите предводени од НАТО и ЕУ и потенцираше дека и во иднина АРМ ќе ужива голема поддршка од ВС на Унгарија.

На средбата во ГШ на АРМ, гостите од ВС на Унгарија беа запознаени со реформските процеси во одбраната, трансформацијата на АРМ, новата организациско-формациска структура и учеството на АРМ во меѓународните мировни мисии.

За време на престојот во ГШ на АРМ, генералот Бенко беше примен од Министерот за одбрана д-р Зоран Јолевски.

НГШ на ВС на Унгарија, ќе има можност да ги посети Центарот за обука на пилоти и Воено-медицинскиот центар на АРМ каде ќе биде запознаен со капацитетите и можностите за обука на овие центри.

Билатералната соработка на полето на одбраната со Унгарија официјално е воспотавена во октомври 2002 година, со потпишување на Меморандум за соработка помеѓу министерствата за одбрана. Во изминативе години, соработката на АРМ со ВС на Унгарија се одвива на полето на јазичната обука, експертски разговори и едукација во различни области, како и реализација на заеднички вежби од военото воздухопловство.

http://www.arm.mil.mk/vesti/pocetna/2014/06/ngs_ungarija_precek.html

Можеби се уште е рано да има ставови и планови за набавка на опрема,но некако ја одбегнува таа тема за разговарање „министеров“

Интервју со новиот министер за одбрана Jолевски
http://www.alfa.mk/News.aspx?id=78941#.U67wukCVpCk

Контингент на АРМ заминува за Кабул

По повод испраќањето на контингентот на АРМ од составот на Првата механизирана пешадиска бригада, (1.мпбр) кој учествува во мировната мисија ИСАФ во Авганистан денеска во касарната „Боро Менков“ во Куманово ќе се одржи свеченост на која ќе присуствува министерот за одбрана Зоран Јолевски и началникот на ГШ на АРМ генерал-потполковник Горанчо Котески.

Во седумнаесеттата ротација на мировната мисија ИСАФ, во која АРМ учествува со механизирана пешадиска чета, во Авганистан ќе заминат 150 припадници на 1. мпбр кои заедно со најстариот национален претставник ќе бидат распоредени во главната команда на ИСАФ во Кабул.

Припадниците на АРМ кои се дел од контингентот за мисијата ИСАФ, во наредните шест месеци задачите ќе ги извршуваат во рамките на контингентот на Армијата на Обединетото Кралство, каде што ќе бидат задолжени за обезбедување на главната команда на силите на ИСАФ во Кабул.

За досегашното беспрекорно и професионално извршување на задачите, покажаната компатибилност и интероперативност со силите на Алијансата во мисијата ИСАФ, припадниците на АРМ од командата на ИСАФ и од високите командни структури на Алијансата, изминативе години во континуитет добиваат највисоки оценки, заради што уживаат висок рејтинг, се наведува во соопштението од ГШ на АРМ.

http://a1on.mk/wordpress/archives/352792?utm_source=dlvr.it&utm_medium=facebook

Свечено испраќање на седумнаесетата ротација на АРМ во мировната мисија ИСАФ во Авганистан

Денес, 3-ти јули (четврток) 2014 година, во касарната ,,Боро Менков“ во Куманово, се одржа свеченост по повод испраќањето на контингентот на АРМ од составот на Првата механизирана пешадиска бригада, (1.мпбр) кој учествува во мировната мисија ИСАФ во Авганистан.

На свеченоста по повод испраќањето на контингентот на АРМ за мисијата ИСАФ ќе присуствуваа: Министерот за одбрана д-р Зоран Јолевски, Началникот на ГШ на АРМ генерал-потполковник Горанчо Котески, Државниот секретар во МО Сашо Стефаноски, високи претставници од МО и ГШ на АРМ, претставници од локалната самоуправа, роднините на припадниците од контингентот и други гости.

Во обраќањето пред стројот, министерот Јолевски нагласи дека Република Македонија дванаесет години успешно учествува во мисијата ИСАФ и ние сме горди со сите досегашни учества во неа, со сите војници кои досега учествуваа и со кои сега одат во Авганистан. Тој додаде дека со тоа покажавме дека Република Македонија заслужува да биде дел од Алијансата и дека нашата армија и нашата држава се подготвени целосно да ги преземат одговорностите од членството во НАТО. Министерот Јолевски истакна дека дека учеството во оваа меѓународна мисија е уште една можност да се потврдат и покажат вештините, знаењата и професионалниот однос кон секоја дадена задача, истакнувајќи дека „Констатацијата за вашата врвна обученост не е само наша – тоа го потврдуваат сите наши партнери во силите ИСАФ, партнери во НАТО-алијансата“.

Командантот на контингентот, потполковникот Али Хајро, во своето обраќање пред присутните рече дека пред припадниците на оваа ротација е една одговорна задача кон која треба сериозно да се пристапи, ветувајќи дека како припадници на АРМ, доследно и чесно ќе го претставуваат ликот на АРМ.

Во седумнаесеттата ротација на мировната мисија ИСАФ во која АРМ учествува со механизирана пешадиска чета, во Авганистан ќе заминат 150 припадници на 1. мпбр кои заедно со најстариот национален претставник ќе бидат распоредени во главната команда на ИСАФ во Кабул.

http://www.arm.mil.mk/vesti/pocetna/2014/07/isprakanje_isaf_kumanovo.html

Пустинскава униформа е речиси како зимска.

Momak od Gjorce напиша:

Нови чизми, чиво производство се?

Униформава е свесно правена така светла..за по некоја година биде ефективна единствено в снег!  

70-ве одавна ги немаме видено во акција...