АРМ - новости

Оддадено признание на македонскиот контингет во мисијата ИСАФ за успешно извршување на задачите

На ден 09.07.2014 година во базата на Главниот Штаб на ИСАФ на свечена церемонија од страна на командантот на командата за поддршка на базата полковникот Пол Џонсон, на најстариот национален претставник, командантот на контингентот и на главниот наредник им беа доделени медали на Соединетите Американски Држави “Медал на американската кампања во Авганистан”.

Воедно на целокупниот персонал од контингентот се доделија сертификати за покажаните извонредни резултати во текот на извршувањето на мировната мисија во Авганистан во периодот од јануари до јули 2014 година.

На церемонијата покрај клучниот персонал од командата за поддршка на базата присуствуваа и претставници од контингентите на Република Хрватска и Република Албанија.

Претходно како благодарност за постигнатите резултати, од страна на Началникот на Штаб на мисијата ИСАФ генерал потполковникот Кенан Хасаноглу на најстариот национален претставник, полковникот Азим Нуредин и командантот на македонскиот контингент, потполковник Блаже Николовски им беа вречени соодветни признанија и писма на благодарност при што беше нагласена одличната работа на македонскиот контингент .

http://www.arm.mil.mk/vesti/zok/2014/07/odadeno_priznanie_isaf.html

Македонските мировници од шеснаесеттата ротација од мисијата ИСАФ во Авганистан се вратија во Македонија

Денес, 21-ви Јули, на аеродромот „Александар Велики“ во Петровец, пристигнаа мировниците на АРМ кои учествуваа во мисијата ИСАФ во Авганистан.

Мировниците од составот на Првата механизирана пешадиска бригада, (1.мпбр), во оваа прилика, срдечно беа пречекани од Министерот за одбрана д-р Зоран Јолевски, началникот на ГШ на АРМ генерал – потполковник Горанчо Котески, Заменик командантот на Здружената оперативна команда на АРМ бригаден генерал Мухамед Рацај и Командантот на 1.мпбр бригаден генерал Павле Арсоски.

Во шеснаесеттата ротација на мировната мисија ИСАФ во која АРМ учествуваше со механизирана пешадиска чета, во Авганистан заминаа 150 припадници на 1. мпбр кои заедно со најстариот национален претставник беа распоредени во главната команда на ИСАФ во Кабул.

Припадниците на АРМ во контингентот за мисијата ИСАФ, во изминатите шест месеци задачите ги извршуваа во рамките на контингентот на Армијата на Обединетото Кралство, каде беа задолжени за обезбедување на главната команда на силите на ИСАФ во Кабул.

За досегашното беспрекорно и професионално извршување на задачите, покажаната компатибилност и интероперативност со силите на Алијансата во мисијата ИСАФ, припадниците на АРМ од командата на ИСАФ и од високите командни структури на Алијансата, изминативе години во континуитет добиваат највисоки оценки, заради што уживаат висок рејтинг.

http://www.arm.mil.mk/vesti/pocetna/2014/07/vrakanje_misija_16_rotacija.html

Утре, во касарната „НХ Кузман Јосифовски Питу“ во Тетово, со почеток во 10.00 часот ќе се одржи свеченост по повод враќањето на контингентот на АРМ од мисијата ИСАФ во Авганиста.
http://www.arm.mil.mk/

Свеченост по повод враќањето на контингентот на АРМ од мисијата ИСАФ во Авганистан

Денес, 25-ти јули во касарната „НХ Кузман Јосифовски Питу“ во Тетово, се одржа свеченост по повод враќањето на контингентот на АРМ од составот на Првата механизирана пешадиска бригада (1.мпбр), кој учествуваше во мировната мисија ИСАФ во Авганистан.


На свеченоста по повод враќањето на контингентот на АРМ од мисијата ИСАФ присуствуваа: министерот за одбрана д-р Зоран Јолевски, началникот на ГШ на АРМ генерал-потполковник Горанчо Котески, заменик-министерот за одбрана Арбен Лабеништа, државниот секретар во МО Сашо Стефаноски, високи претставници од МО и АРМ, претставници од локалната самоуправа, роднините на припадниците од контингентот и други гости.


„Вие успешно се справивте со обврските и предизвиците кои ги носи оваа мировна мисија во која ние учествуваме повеќе од една деценија. Резултатите кои ги постигнавте во изминатите шест месеци се должат на вештините и способностите, но и на колективниот дух, врвниот професионализам и патриотизмот, кои уште еднаш потврдија дека станува збор за посветени и горди припадници на нашата Армија“ - изјави министерот за одбрана на Република Македонија, д-р Зоран Јолевски, на денешната свеченост во тетовската касарна.


Началникот на генералштабот на АРМ, генерал потполковник Горанчо Котески нагласи дека со учеството во мировните операции, АРМ не само што се стекнува со огромно искуство при изведување на борбени задачи, туку веќе и ја докажува интероперативноста и интероперабилноста со членките на НАТО, семејство во кое ние заслужуваме да бидеме член. Во својата изјава, генералот Котески наведе дека АРМ останува во Авганистан по завршувањето на мисијата ИСАФ и ќе земе учество во новата мисија „Одлучна поддршка“.


Во шеснаесеттата ротација на мировната мисија ИСАФ во која АРМ учествуваше со механизирана пешадиска чета, во Авганистан учествуваа 151 припадник на АРМ и заедно со најстариот национален претставник беа распоредени во главната команда на ИСАФ во Кабул.

http://www.arm.mil.mk/vesti/pocetna/2014/07/docek_isaf_tetovo.html

БМП-то коска!   

Секоја чест за јунаците...ама кој врски за одење на мисија се бркаја то е неверојатно нешто....

Заменик-началникот на армијата на НР Кина, генерал-потполковник Ванг Гуанзонг во посета на Република Македонија

Министерот за одбрана на Република Македонија, Зоран Јолевски, денеска оствари средба со заменик-началникот на Генералштабот на Народноослободителната армија на НР Кина, генерал-потполковник Ванг Гуанзонг, кој престојува во посета на Република Македонија.

На средбата министерот Јолевски истакна дека целосно го поддржува процесот на уште поголемо зацврстување на меѓусебната одбранбена соработка, за која тој оцени дека е одлична. „Имаме одлична политичка соработка која треба да се рефлектира и во сите други области“, потенцираше министерот Јолевски кој во оваа пригода потпиша и Протокол за донација од НР Кина за АРМ.

Генералот Гуанзонг се заблагодари за можноста да се сретне со челниците во Министерството и во Армијата, и додаде дека политичката соработка, но и соработката на армиско ниво има позитивен моментум и се движи во нагорна линија. Армијата на НР Кина високо ја цени соработката со АРМ и таа е многу важна за нас, додаде генералот, кој посочи дека оваа година се навршува десетгодишнината од потпишувањето на Спогодбата за соработка во областа на одбраната помеѓу двете земји. Истовремено, генералот Гуанзонг упати и покана до министерот Јолевски за посета на НР Кина, што беше прифатена со задоволство.

Заменик-началникот на Народноослободителната армија на НР Кина,  генерал-потполковник Гуанзонг оствари и одвоена средба со началникот на Генералштабот на Армијата на Република Македонија, генерал-потполковник Горанчо Котески на која стана збор за можностите за проширување на билатералната соработка помеѓу двете земји, идните планови за соработка, а пред делегацијата на НР Кина беа прикажани и презентации за трансформацијата на АРМ која треба да заврши во 2015 година, како и за учеството на АРМ во мировните мисии. Воедно, генералите на состанокот се согласија да го одржат контактот и добрата комуникација, со интенција средбите на високо ниво да продолжат да се реализираат и во иднина.

Делегацијата од НР Кина во рамки на посетата на Република Македонија оствари средба и со својот домаќин, заменик-началникот на Генералштабот на АРМ, генерал-потполковник Насер Сејдини, додека во текот на утрешниот ден ќе оствари и посета на Полкот за специјални операции каде во чест на десетгодишнината од воспоставувањето на воената соработка ќе биде изведена показна вежба со содржини од обуката на припадниците на Полкот.

http://www.arm.mil.mk/vesti/pocetna/2014/08/poseta_zngs_kina.html

Показната вежба ќе биде отворена за јавноста или нема такви информации?

Висока делегација од НР Кина го посети полкот за специјални намени
Денес, 08.08.2014 година во посета на полкот за специјални операции беше делегација на Вооружените сили на Народна Република Кина предводена од Заменикот на Началникот на Генералштабот (ЗНГШ) генерал-потполковник Ванг Гуанзонг.
Делегацијата ја пречека Заменикот на Командантот на пСО полковникот Орце Јордев со потесниот дел од командата.
Посетата продолжи со брифинг на делегацијата во кој беа презентирани мисијата на единицата, структурата, опремата како и стекнатите искуства од мисиите каде учествувала единицата, а потоа преку тактичко техничкиот збор беа презентирани дел од опремата и вооружувањето кои ги користи единицата.
Припадниците од пСО, своите вештини и знаења пред гостите ги демонстрираа преку две показни вежби „Демонстрација на употреба на повеќенаменска алпинистичка кула“ и боречки вештини.
На крајот од посета генерал Гуанзонг и претставниците на делегацијата преку кратка средба се поздравија и им доделија подароци на припадниците на пСО кои биле на обука во НР Кина.
Гостите во разговор со заменикот на командантот ја изразија својата благодарност, потенцирајќи го високото ниво на спремност кое беше демонстрирано од страна на припадниците на пСО.

https://www.facebook.com/permalink.php?story_fbid=335933133241060&id=127495410751501

Не сум ја видел датата, за денес било тоа...

Јолевски: За ефикасноста на АРМ важно е модерното оружје и опрема, но и одржување на постојното

Министерот за одбрана Зоран Јолевски и началникот на Генералштабот на Армијата на Република Македонија генерал-потполковник Горанчо Котески денеска извршија обиколка на одделот за дијагностика, за вулканизирање и на главниот ремонтен хангар во Техничко-ремонтниот центар на Армијата на Република Македонија во Скопје.

Информирајќи дека Техничко-ремонтниот центар е наменет за логистичка поддршка на единиците на АРМ, началникот на ГШ на АРМ Котески нагласи дека неговата основна мисија е одржување на борбените и неборбените возила во армијата, како и одржување на вооружувањето во АРМ.

Според него, исклучителната важност на центарот, како единствен во АРМ, налага да се вложат напори тој практично да биде поддржан во однос на обезбедување резервни делови, но и обучен персонал што треба да ги извршува основните мисии на центарот.

- Придонесот на овој центар од самото формирање на АРМ е од исклучителна важност и ќе настојуваме не само на развојот на кадарот, обезбедување на деловите за центарот, туку и да го следиме техничко-технолошкиот развој со новата модерна техника во армиите на НАТО, па и во нашата армија, рече генерал-потполковник Котески.

При моето преземање на функцијата, потсети министерот Јолевски, нагласив дека многу е важно за ефикасноста на АРМ да имаме современо модерно оружје и опрема, но исто така е значајно, подвлече, и постојната опрема да се одржува навремено и ефикасно.

- Сите НАТО армии имаат вакви центри. Ќе продолжиме да инвестираме како во луѓето што работат тука, така и во обезбедување соодветна опрема. Многу е значајно и постојната опрема што ја има АРМ да биде постојано во функција и ефикасно да може да се поправа, изјави Јолевски.

На новинарско прашање дали ќе се зголеми буџетот за одбраната, министерот Јолевски најави дека се подготвува предлог-буџетот, во кој се планира да има сериозно зголемување на средствата, како за модернизација, така и за подобрување на стандардот на припадниците на АРМ. Целта е, истакна, припадниците на АРМ да бидат целосно подготвени да го заштитат територијалниот интегритет и суверенитет на земјава, но и да бидеме подготвени со НАТО партнерите и другите земји партнери да учествуваме во одредени мировни мисии во светот.

- Зголемувањето го правиме плански. Нема да бараме зголемување на буџетот само за идната година, туку најмалку за три години однапред, така што и набавките ќе бидат испланирани за следните 3 до 5 години за АРМ, појасни министерот за одбрана.

Во врска со донациите за армијата, началникот на ГШ на АРМ генерал-потполковник Котески нагласи дека АРМ континуирано добива донации од пријателските земји. Последната донација, информира, треба да се добие од Турција, и тоа комуникациска опрема и униформи - комплети кои следуваат за еден припадник на АРМ односно 10 илјади пара чизми и пет илјади комплети униформа.
http://www.sitel.com.mk/jolevski-za-efikasnosta-na-arm-vazhno-e-modernoto-oruzhje-i-oprema-no-i-odrzhuvanje-na-postojnoto