АРМ - новости

Примопредавање на должност, командант на 2. логистички баталјон

Денес, 9-ти јуни во касарната „Чеде Филиповски-Даме“, во Кичево, се одржа свеченост по повод примопредавањето на должноста командант на 2. логистички баталјон (2.логб).
На примопредавањето присуствуваше командантот на Бригадата за логистичка поддршка, потполковник Кенан Рахиќ, кој во своето обраќање му се заблагодари на потполковник Гоце Стојаноски за досегашните постигнати резултати, а од новоназначениот командант честитајќи му ја должноста, побара максимално посветување на специфичноста и предизвиците на единицата.
Потполковник Гоце Стојановски истакна дека во стројот стои колектив, кој се одликува со истрајност и доследност, а своето знаење и енергија несебично ги вградува во многу објекти на АРМ, со што 2.логб го прави препозналив во насока на подобрување на условите за живот и работа на припадниците на армијата.
Новоназначениот командант, мајор Ванчо Ташев нагласи дека ќе ги искористи знаењата и искуствата од досегшното работење во овој баталјон, но исто така очекува поддршка и ангажирање од сите припадници на единицата, во реализација на мисијата и задачите на единицата, со што ќе ја оправда дадената доверба за раководење со оваа исклучително динамична единица.

http://www.arm.mil.mk/vesti/zok/2014/06/primopredavanje_dolznost_2lb.html

Одбележување на годишнина на трагично загинати припадници од оклопниот баталјон

На ден 10.06.2014 година во касарната „Чојлија“ во Петровец се одбележа тринаесет годишнина од загинувањето на припадниците од оклопниот баталјон (окб), капетан Синиша Стоилов и војник Џеладиновски Фејзо.

Со постројување на единицата, во присуство на семејствата на загинатите припадници, командантот на окб пред присутните одржа пригоден говор.

Потоа пред спомен одбележјето во касарната положија свежо цвеќе делегации од прва механизирана пешадиска бригада предводена од командантот бригаден генерал Павле Арсоски, од окб, од Бригада за логистичка подршка, семејства на загинатите припадници, пензионирани колеги, како и делегација од општина Петровец.

Претходно на ден 09.06.2014 година во родното место на капетанот Синиша Стоилов, с. Зрновци, Кочанско, делегација од окб оддаде почит и положи свежо цвеќе пред спомен одбележјето во ОУ „Синиша Стоилов“ кое го носи неговото име и го одбележува денешниот ден како патронатот на училиштето.

http://www.arm.mil.mk/vesti/zok/2014/06/godisnina_zaginuvanje_okb.html

Обука за противпожарна заштита со Територијалната противпожарна едница од град Кичево

На 10 јуни 2014 година во касарната „Чедо Филиповски - Даме“ во Кичево припадниците од 4.механизиран пешадиски баталјон (4.мпб) од составот на 1. механизирана пешадиска бригада, во соработка со територијалната противпожарна единица (ТППЕ) од градот Кичево организираа и реализираа обука за противпожарна заштита.

Обуката се спроведе во два дела и тоа теоретски и практичен дел.

Во текот на обуката од страна на професионалните пожарникари, беа покажани и објаснети причините за настанување на пожарите, превземање на противпожарно - превентивните мерки и активностите кои треба да се превземат при гасење на пожари со формациските средства со кои располага 4.мпб.

Во реализација на практичниот дел од обуката беше прикажана дел од противпожарната опрема која ја поседува ТППЕ во Кичево и беа демонстрирани нејзините можности.

За време на практичниот дел, од страна на професионалниот тим на ТППЕ беа демонстрирани постапки кои се превземаат за гаснење на пожар и тоа, подготовка и употреба на против пожарно возило за гаснење на пожар, употреба на заштитна опрема при гаснење на пожар и останати процедури.

Иста ваква противпожарна обука во соработка со територијалните противпожарни единици ќе биде спроведена и во останатите гарнизони до крајот на месец Јуни.

http://www.arm.mil.mk/vesti/zok/2014/06/obuka_ppz_kicevo.html

ФОТОГАЛЕРИЈА - Новиот министер за одбрана Зоран Јолевски ја презема функцијата од неговиот претходник Талат Џафери

Ај сега да видиме дали ќе мрднат од мртва точка набавките на нова опрема , пред се мислам на ,оклопни транспортери на тркала , ПВО системи за мали височини и радари .  

Мисли си,убаво е тоа   

Ја сепак мислам дека Зоки ќе почне од млазна авијација... па натака. Значи за почеток, сквадрон F-16.

У размер 1/72 наравно   

Абе сигурен сум дека би почнал, само прашањето е со кои пари?

Па сите очекувате да биде купено нешто скапо како Патрија а не гледате на нешто поевтино како БТР-82 .