АРМ - новости

Обука за воведување на падобранци во состојба „подготвен“

Во период од 05.03. до 21.03.2014 година во касарната „Илинден“ во Скопје се реализира обука за воведување на падобранци во состојба подготвен.
На обуката присуствуваат 30 припадници на полкот за специјални операции. Учесниците во текот на обуката поминаа неколку фази кои опфаќаат теми како што се: „Начини и методи на излез од авион“, „Пакување на падобран“, „Теоретска земска обука“ и физичко воспитување, каде особено внимание беше дадено на видовите и начините на доскокнување.
Целта на оваа обука е припадниците на единицата кои веќе имаат завршено падобранска обука да се кондицираат и да бидат во постојана готовност и подготеност за извршување на борбени скокови.
Оваа обука е задолжителна според стручното упатство за изведување на падобрански скокови во АРМ и истата ја реализираат двајца сертифицирани инструктори кои се во составот на полкот за специјални операции.



















http://www.arm.mil.mk/vesti/pso/2014/03/obuka_padobranci.html

Посета на министерот Џафери и генералот Котески на основната борбена обука на професионалните војници
http://www.morm.gov.mk/?mainnews=%D0%BF%D0%BE%D1%81%D0%B5%D1%82%D0%B0-%D0%BD%D0%B0-%D0%BC%D0%B8%D0%BD%D0%B8%D1%81%D1%82%D0%B5%D1%80%D0%BE%D1%82-%D1%9F%D0%B0%D1%84%D0%B5%D1%80%D0%B8-%D0%B8-%D0%B3%D0%B5%D0%BD%D0%B5%D1%80%D0%B0%D0%BB&lang=mk

...

















Едно не ми е јасно зашто на обукава за ПФВ идат со 96-ка униформа кога имаат од новата...

Дислокација на цистерни и контејнер со помош на транспортен хеликоптер Ми-17

Денес (19.03.2014) година во водухопловната бригада се изврши дислокација на цистерни и контејнер од објектот „Бански Рид“, со помош на хеликоптер Ми-17 од составот на сквадронот за транспортни хеликоптери.
Поради сложеноста на задачата, најпрвин се одржа брифинг на кој се планираше рутата по која ќе се лета, мерките за безбедност кои треба да се почитуваат, како и временските услови кои се многу важни при летањето.
На брифингот се разработуваа повеќе сценарија кои би можеле да се случат во текот на летовите како и постапките во дадени ситуации.
Летовите се реализираа под раководство на командантот на воздухопловната бригада и командантот на сквадронот за транспортни хеликоптери поради искуството во летови каде надворешниот товар е закачен за трупот на хеликоптерот преку сајла.
Задачата беше реализирана успешно при што сите цистерни и контејнерот беа дислоцирани во касарната НХ „Страшо Пинџур“.
Извршувањето на вакви задачи е дел од обуката на помладите пилоти, како и одржување во кондиција на поискусните. Во понатамошниот период ќе се продолжи со ваква и слична обука и дообука на летечкиот персонал.

http://www.arm.mil.mk/vesti/zok/2014/03/dislokacija_kontejneri.html

Види го на првата слика Пешев него одат со неа пошто новава не му е за валкање   

Обука со снајперисти во гарнизонот во Тетово

Во период од 17.03 до 21.03.2014 година во гарнизонот Тетово беше реализирано обука за снајперисти со војниците кои се поставени на формација. Истата беше реализирана од страна на инструктори од составот на полк за Специјални Операции (пСО).
Обуката започна со прикажување на наставен филм за историската важност на снајперистот во борба, за истата да продолжи на полигонот за обука во касарната „Кузман Јосифовски-Питу“ каде што беа реализирани следните теми: намена, борбени особини, ТТ-карактеристики на снајперската пушката, маскирање, селекција и детекција на цели, наблудување и скицирање.
Темите за слушателите на курсот предизвика голем интерес и истите се вклучија максимално во обуката што резултираше со усвојување на нови вештини и знаења како и потврдување и надградување на претходно стекнатите.
Обуката беше крунисана со реализација на гаѓање кое беше на гарнизонското стрелиште „Еребино“ во Тетово.

http://www.arm.mil.mk/vesti/zok/2014/03/obuka_snajperisti_tetovo.html

Командите и единиците на Здружената оперативна команда во подршка на акцијата „Ден на Пролетта“ и „Македонија земја на цвеќето“

На ден 21.03.2014 година во гарнизоните: Куманово, Скопје, Штип, Тетово, Кичево и Прилеп припадниците од Здружената Оперативна Команда (ЗОК) и првопотчинетите команди и единици (ппе) традиционално ја подржаа еколошката акција „Ден на пролетта“ која оваа година се оддржува и под мотото: „Македонија земја на цвеќето - земја на розите“.
Во еколошките активности се засадија повеќе стотина садници од рози, други видови на цвеќиња но и млади садници од чемпрес на повеќе локации во касарните, особено во деловите кои се наоѓаат покрај фрекфентните улици каде што се движат голем број возила.
Во пресрет на оваа кампања чија цел е заштитата и унапредувањето на животната средина и природа веќе неколку дена во сите касарни каде се лоцирани единиците од составот на ЗОК се изведуваше и чистење и средување на круговите на касарните.
Исто така припадници од составот на 1.механизиран пешадиски баталјон (1.мпб) од Куманово активно се вклучија во проектот за пошумување на опожарени и оголени површини организиран од ЈП „Македонски Шуми“ подружница Куманово, во реонот на општина Липково при што беа засадени околу 25 000 садници.
Ова е показател и дополнителен мотив за понатамошна подршка на акции од ваков тип бидејки заштитата и унапредувањето на животната средина и природа се повеќе се наметнува како синоним на стратегијата на човековиот опстанок и зачувување на квалитетот на нашето живеење.


Во изминатите години припадниците на Армијата на Република Македонија активно се вклучуваат во сите акции од доменот на екологијата и заштитата на животната средина и даваат активен придонес во зачувување на животната средина воопшто.

http://www.arm.mil.mk/vesti/zok/2014/03/den_na_proletta.html

Основното училиште „Браќа Миладиновци“ во посета на касараната „Илинден“ и полкот за специјални операции

На ден 20.03.2014 година во касарната „Илинден“ и полкот за специјални операции се реализираше посета од страна на основното училиште „Браќа Миладиновци“.
         На почетокот од посетата учениците имаа можност од блиску да се запознаат со работа и постапките на гардиската единица кои им демострираа дел од своите секојдневни активности. Учениците својата посетата ја продолжија со разгледување на тактичко техничкиот збор кој го организираа припадниците на полкот за специјални операции. На оваа точка беа изложени моторните возила и вооружувањето со кои располага единицата. Потоа за посетителите беше демонстриран дел од санитетската обука со припадниците на пСО. Припадниците на баталјонот за врски за учениците представија дел од опремата за врски со кои располага единицата.
         Целокупното дружење на најмладите со припадниците од касарната „Илинден“ се заврши на видиковецот во касарната каде децата ги поделија своите импресии од виденото.

http://www.arm.mil.mk/vesti/pso/2014/03/poseta_na_uciliste.html

Momak od Gjorce напиша:

Ми се допаѓа оваа, се маскирал во ѓубре... што за наши услови е одлична камуфлажа. 

И онака на приватен и професионален план е ѓубре.Респект за останатите 3 ца .