Бидејќи Ико ќе ни биде отсутен на одредено време, ќе си земам за право да одговорам од негово, а делумно и од мое име. Се надевам нема да ми замери.
Не верувам дека имаше некоја злонамера во неговиот пост... се дружиме со него (а и со другиве дечки) on-line по форумиве веќе доволно време за да знаеме дека не ги тресе работите од ракав, или дека има навика да пецка. Со оглед дека и самиот бил дел од АРМ и МО, како и стажот во години (јас сум малкуцка "помлад"
) има доволно добри познавања и background во состојбите на армијата и безбедносните сили.
Знам дека сите ние подеднакво ги чуствуваме овие негативни настани и трендови кој се случуваат во државава во последно време, на сите ни зоврива крвта кога ќе чуеме дека нешто лошо се случило на некој наш сограѓанин, или пак кога се скрнави некој православен храм, споменик или др.
Ми се чини нема член на форумов кој не ја дели болката на оние кој беа тепани, или пак на оние кој беа убиени... или на оние кои го имаат дадено животот за државава.
Ми се чини и дека нема таков кој кога ќе треба да се застане во одбрана на државата тоа нема да го стори. Сите ние живееме во оваа држава, овде го вадиме и јадеме лебот, тука ни се семејствата и пријателите, тука сме израснале, школувале.
НО, кога гледам на кое дереџе некој "структури" ни ја донесоа државава, на кое ниво спаднавме како народ, нација, земја... понекогаш губам надеж за нас. Ми се чини дека нема да не биде. Толкаво ниво на себе-непочитување, самодеструкција и закрвеност... ми се чини нема на друго место.
Од таму и песимизмот. Народ, кој за половна кола е спремен да си ја смени нацијата и да плукне на своите корења... црно на бело, народ кој за позиција и профит е спремен да отера некого во затвор а потоа неговото да го приграби за свое, народ кој е спремен да се истепа со своите за нечии туѓи интереси, кој нема храброст да стане и да рече "Доста Е!" ... е во таков народ веќе немам доверба.
Видете што се случи денес на годишнината од масакрот во Вејце... дошол на споменикот да запали свеќа само ЕДЕН од преживеаните! На никого во државава не му текна да однесе цвеќе, да се поклони пред споменикот. Срамота! Ми се фати грлото кога ја видов сликата од споменикот.
Видете што им се случува на бранителите... одат лебот да го вадат по Сомалија. Парите со камата им ги зедоа назад. Видете што се случува со професионалните војници... кој ќе има утре лице да ги викне нив ако повторно треба да застанат на бедемот на државава?
