„МОНСТРУМ“ НЕ СМЕЕ ДА ЗАВРШИ КАКО СЛУЧАЈОТ СО ФАЗЛИ ВЕЛИУ
Ангелов: Да не дозволиме втората држава на Албанците да си поигрува со единствената држава на Македонците
Стојанче Ангелов повикува да не дозволиме да ни фрлаат песок во очи со наводното косовско државјанство на обвинетите - што ќе се случеше доколку обвинетите беа Македонци? Што се случи со полицаецот-Македонец од Гостивар што се колнеше дека пукал во самоодбрана?
Политичката партија Достоинство, од министерот за правда Блерим Беџети, но и од целото раководство на ДУИ, бара да извршат силен дипломатски притисок врз косовската влада со цел двајцата терористи против кои има покренато обвинение за петкратното убиство кај Смилковско Езеро, веднаш да бидат испорачани во Македонија.
Алил Демири и Африм Исмаиловиќ, двајцата првообвинети за убиството на петте Македонци кај Смилковско Езеро во Скопје, како што објавивме завчера, немале косовско државјанство, како што претходно изјави Хајредин Кучи, косовскиот министер за правда.
И двајцата се првообвинети за случајот „Монструм“, во кој се осомничени дека ја извршиле егзекуцијата на петте Македонци. Тие беа уапсени во почетокот на март годинава, а косовската полиција во станот во кој престојувале пронашла и поголемо количество оружје и муниција.
„Блерим Беџети, министер за правда од редовите на партијата која настана од УЧК, изјави дека македонската влада ќе чека обвинетите (за убиство на деца ), прво да бидат осудени за илегално носење оружје и распрскувачки материјали на Косово, бидејќи биле косовски државјани, а потоа ќе барал и нивно испорачување во Македонија, бидејќи се и македонски државјани. Ова, според нас од Достоинство, но и според некои наши пријатели, е големоалбански заговор против Македонија, бидејќи, познавајќи го судскиот систем на Косово, обвинетите ќе заглават во лавиринтите наредните две до три години, а во меѓувреме целиот случај во Македонија ќе спласне или ќе се заборави“, оценува Стојанче Ангелов, лидерот на Достоинство.
Поради наведените сомнежи, Достоинство бара обвинетите веднаш да бидат испорачани во Македонија, каде што, во согласност со закон, ќе им се суди за петкратното убиство кај Смилковско Езеро, но и за кривичното дело што го извршиле на Косово. Ваквата постапка е во согласност со меѓународното право.
Достоинство потсетува на една, како што велат, слична игра што се одигра пред воениот конфликт во Република Македонија од 2001 година, во времето кога министри за правда беа Џевдет Насуфи и Изет Мемети, од редовите на Демократската партија на Албанците.
„Некаде во 1999 година, по Фазли Велиу - вујко на Али Ахмети, еден од креаторите на УЧК во Македонија и нејзин политички претставник имаше распишано меѓународна потерница поради учество во терористички напади во Македонија (организатор на повеќе бомбашки напади врз полициски станици). Благодарение на големоалбанската солидарност и свесната неажурност од македонска страна, Фазли Велиу и покрај меѓународната потерница, двапати не беше екстрадиран во Македонија. Прво успеа да куртули од швајцарскиот, а само три месеци подоцна и од германскиот затвор. Затоа, ги повикувам сите македонски експерти од Македонија и од дијаспората, но и сите мои фејсбук-пријатели да ги споредат овие два случаи!!! Да не бидеме пасивни. Историјата ни се повторува. По којзнае кој пат. Редно е да почнеме да учиме од сопствените грешки. Додека ние меѓусебно се обвинуваме, делиме и прогласуваме за предавници, тие непрекинато си работат на каузата“, вели Ангелов.
Тој повикува - да не дозволиме да ни фрлаат песок во очи со наводното косовско државјанство на обвинетите, да не дозволиме тазе формираната косовска држава да си поигрува со изнамачената македонска држава, да не дозволиме втората држава на Албанците да си поигрува со единствената држава на Македонците.
„Што ќе се случеше доколку обвинетите беа Македонци? Што се случи со полицаецот Македонец од Гостивар што се колнеше дека пукал во самоодбрана??? Народе македонски. Зошто секогаш мора да биде вака?“, вели Достоинство.
http://www.mkd.mk/makedonija/politika/stojanche-angelov-da-ne-dozvolime-vtorata-drzhava-na-albancite-da-si-poigruva-so
