- beowulf напиша:
- На 15ти март пак шиптарите ќе протестирале.
В петок пак, од молитва во џамијата, на протести пред Владата
Слично како и за време на демонстрациите по ланските првомајски апсења за петкратното убиство кај Смилковско Езеро, албанската младина повторно преку социјалните мрежи се организира и најавува нови протести за в петок, 8 март, во Скопје.
И овојпат сценариото е исто, исто како и причините – апсењето на засега осум демонстранти од саботните протести и претепани момчиња. Собирот е закажан по петочната молитва во Јајапашината џамија, по што би требало да следуваат протестите до пред зградата на Владата и назад.
Најголемите политички партии на Албанците во Македонија, ДУИ и ДПА, викендов повикаа на смирување на страстите и меѓусебно се обвинија за организирање на протестите. Ваквите нелогични мотиви на протестите (за поддршка на Талат Џафери, министер во Владата, и фрлање камења по истата таа влада) навистина отвораат многу прашања за вистинските мотиви на организаторите на протестите.
И за најавените протести в петок прашањето е исто: предизвикувањето нереди, мавањето полиција, палењето државен имот, уништувањето приватен имот секаде во светот се казниви дела. Секаде за тоа се апси и полицијата е должна пред граѓаните да ги одржува редот и мирот. Настапот на пратениците на ДПА во Собранието и обидите за глумење на нивните пратеници за големи бранители на албанската кауза во Македонија ја отвора политичката димензија и на протестите против и за Талат Џафери како нов министер за одбрана.
Денеска почна кампањата за локалните избори. Знаеме дека сега се лови во матно за да се добијат политички поени. Но одговорноста токму на политичките партии во вакви случаи е најголема и тие пред своите гласачи и денес и утре и задутре треба да одговорат на многу побитни прашања од тоа кој е поголем бранител на националната гордост. Таа не се брани со палење автобуси, туку напротив со програми за правење на патишта за тие автобуси и отворање на работни места. Тоа треба да бидат вистинските причини за граѓански протести, а не апсењето на неколку хулигани што во петокот и во саботата фрлаа камења по полицајците, по државниот и по приватниот имот.
До петок политичките партии имаат доволно време да ја оладат оваа атмосфера и да си ги канализираат барањата на своите членови и симпатизери.
Низ Скопје последниве два дена е мирно, но со засилено полициско обезбедување по улиците.
http://www.mkd.mk/makedonija/politika/v-petok-pak-od-molitva-vo-dzhamijata-na-protesti-pred-vladata
______________________
Si vis pacem, para bellum
