Не коментирам политика ама оваа ситуација ќе ја искоментирам од безбедносна гледна точка.
Прво: Едните ( СДСМ ) тврдеа дека е ова крај, дека е ова најлошото за Македонија, дека назад нема, дека ќе банкротираме итн. Зошто ако е така не отидоа до крај да го запрат ова па макар и по цена на своите животи. Напротив по сите драми си отидоа дома на топло. Другите ( ДПМНЕ ) кои се претставуваа како стечајци чии деца немаат леб да јадат, од друга страна фрлаат со јајца, компири, јаболки??????? Која иронија!!!!! Згора на се професори, административци и еден куп партиски војници од двете страни беа регрутирани едни против други.
Тука доаѓаме до второто: Едни против други- Македонци против македонци!!!! Разликата помеѓу овие е нивното политичко убедување ( сепак не сум сигурен за сите дека знаат каква политика застапуваа ). Застанаа едни против други, луѓе чии дедовци се бореле на иста страна во НОБ, чии татковци заедно крвареа во 2001.
Факт е дека опозицијата немаше јасна идеја за тоа што да направат вчера. Ако сакаа да го спречат донесувањето на буџетот требаше да го направат тоа по секоја цена не затоа што јас сакам така, туку за да докажат дека веруваат во она што го прават . Од друга страна факт е дека сме сведоци на најгрубо кршење на демократијата од страна на власта.
Тука доаѓам до безбедноста. Опозицијата која и да и беше идејата не требаше да ја подгрева атмосферата со очигледното драматизирање во собранието. Овде мислам на претераното реагирање кога ги носеа на раце и тоа пред камерите.
Поголемо внимание ќе посветам на власта. Во нејзини раце се комплетно сите безбедносни институции. Полицијата има капацитет да се справи и со многу поголема маса на народ од онаа која беше вчера на страната на СДСМ. Она што власта не смееше никако да го направи е да ги злоупотреби полициските надлежности во видот на контрола на возилата и праќање на вонреден технички преглед. Овој потег ќе го разберам доколку не беше селективно изведен. Што сакам да кажам. Еве да речеме постоела безбеносна проценка дека доколку се собере повеќе народ состојбата може да излезе од контрола, па поради тоа да се превземат овие мерки. Но ако е тоа причината во тој случај требало да бидат запрени и возилата на спротивниот табор. Најголемата грешка на власта е регрутирањето на народот да застане на спортивната страна. Немаше зошто тие луѓе да го бранат Собранието од опозицијата затоа што полицијата е доволна да го стори тоа. На овој начин само се зголеми јазот помеѓу Македонците што им оди во прилог на душманите. За односот кон пратениците на опозицијата е бесмислено да образложувам затоа што сите знаеме дека највисоката власт во РМ е Законодавната која е во раце на пратениците, а владата со министерствата е само извршител и затоа се нарекува извршна. Овде видовме спортивна ситуација.
И за крај ќе споделам две мисли кои ни се добро познати:
Додека вие од ДПМНЕ и СДСМ продавате демагогија, другите ја остваруваат својата идеологија!
Јас не познавам друг народ кој повеќе страдал од предавствата на своите синови - изроди како македонскиот. Историјата не памети друг таков пример кога еден ист народ по традиција, јазик и вера се разделува на разни спротивни страни, една од друга потуѓа. - Гоце Делчев
______________________
Потта штеди крв!
