Ахмети: Во Гошинце не се нападнати Албанци
Нападот на караулата кај Гошинце, населено село со Албанци, според Али Ахмети, лидерот на ДУИ, не претставува напад на албанско населено место и следствено ниту на албанското население во тој дел, туку само напад врз полициската станица. Ова и покрај фактот дека тројца од нападнатите полицајци биле Албанци, а еден Македонец.
Ова Ахмети го изјавил на средба со претседателот на Иницијатива за Косово, Фатмир Лимај, со кого разговарале околу актуелната политичка состојба во Македонија и Косово, како и во регионот, соопшти ДУИ
- Не е нападнато ниту едно албанско населено место, ниту има било каков напад. Локалната полиција е албанско мнозинство која управува со инцидентот што се случи. Не може да се скрие фактот дека е нападата полициската станица, во која тројца од полицајците биле Албанци и еден Македонец. Окупирани биле соодветни средства на станицата и сигурно дека полицијата сега веќе ги извршува своите обврски и ние сме побарале институционална соработка меѓу двете земји, Македонија и Косово, за расветлување на случајот, без да манипулираме и да дадеме проценки пред да излезат надлежните органи соодветни за овие прашања - нагласил лидерот на ДУИ.
Стабилноста, безбедноста, унапредувањето во демократските процеси е од интерес за целиот регион, но и за Албанците општо. Ние сакаме што подемократска, побезбедна Македонија и што позадоволна и зголемување на благосостојбата на Албанците во Македонија. Ова е во интерес на Косово, ова е од интерес за целиот регион - рекол Лимај.
______________________
Si vis pacem, para bellum
