За роденденот сите војници во нови униформи!о Денот на АРМ, 18 август, целата македонска војска ќе биде облечена во нови маскирни униформи. Оваа новина ексклузивно за ВЕЧЕР, во интервјуто кое го објавивме во викенд-изданието, ја откри првиот човек на АРМ, генерал-мајор Горанчо Котески. На прашањето ќе ја видиме ли за празникот целата војска подновена, генералот Котески одговори:
- Изработката на униформата не се одвиваше според предвидената динамика, не по вина на МО и АРМ. Но овој проблем веќе е надминат и очекувам дека деновиве ќе почне задолжувањето на војниците со нова униформа. Всушност, јас веќе наредив на Денот на армијата, 18 август, секој припадник на АРМ да биде задолжен и облечен во новата борбена униформа.
Како што дознаваме, досега околу 70 отсто од војниците веќе имаат задолжено нова борбена униформа, која има автентичен крој и дезен по кои припадниците на АРМ ќе бидат препознатливи. Всушност, шарата на униформата е национално обележје на војниците и многу е важно што добивме наш, препознатлив македонски дезен. Сошиени се во тетовската фабрика Тетекс.
- Проблем беа униформите кои беа нарачани со нестандардни величини, но и тоа се надмина така што облека по мерка ќе добијат и оваа категорија војници, вели генералот Котески.
Во АРМ се користат три видови борбени униформи со дигитален принт. Основната е со стандардна темнозелена нијанса, прилагодена за нашето поднебје. Втората е пустинска, која ја носат припадниците на контингентите за мисијата ИСАФ во Авганистан, А третата е универзална, комбинација на претходните две, погодна за урбани средини.
-Веќе две години по ред мировниците ги испраќаме со новата борбена униформа, по што се веќе препознатливи меѓу нивните колеги од армиите кои учествуваат во најголемата мисија на НАТО. Кога зборуваме за униформите, она што треба да се истакне е дека до крајот на годинава, заедно со Министерството, се прават напори да ја промовираме и новата службена униформа, која ќе ја носат офицерите и подофицерите, изјави во интервјуто за ВЕЧЕР, генерал мајор Котески.
Во изминатиов период, војниците беа опремени и со нови чизми, така што и тој проблем во моментов е решен.
Војниците и старешините се задоволни што старите избледени и нестандардизирани униформи ќе ги заменат со нови, што за нив претставува чекор напред во подигањето на моралот и на војничкиот стандард. Процесот за обнова на униформите започна уште во 2006 година.
http://www.vecer.com.mk/?ItemID=2D6181B1D00E7E408B3B0A4CA4FB8CB4Зашто уште треба да се збори за ова,недај боже да купиме транспортери ај што 15 години ке пишуваат по весници,10 години ке ги плаќаме,и 50 години ке се фалат со тоа...
