Наскоро воени аташеи во Русија и во Кина Одбранбената дипломатија треба да биде дефинирана во закон и да стане составен дел од надворешната политика на Македонија, а тоа го предвидува Стратегијата за зајакнување на воената дипломатија, која беше најавена на крајот на 2010 година од кабинетот на врховниот командант и претседател на државата Ѓорге Иванов
Воената дипломатија работи на сите фронтови
Интензивирањето на активностите на Министерството за одбрана и воопшто на надлежното министерство е да се зајакне воената дипломатија дефинирана во 2010 година како приоритет во Стратегијата за одбранбена дипломатија. Целта е, освен министерот, на оваа државна стратегија да работат и десетина воени аташеи и исто толку цивилни и воени претставници на одбраната.
Овие армиски претставници стратегиски се распоредени на неколку битни локации, и тоа во здружената врховна команда на НАТО во Брисел, во Вашингтон, Турција, Франција, Велика Британија, Северна Ирска, Германија, а во иднина се очекува да бидат поставени воени аташеи во Кина и во Русија.
Според информациите од Министерството за одбрана, армиски лобисти ги убедуваат претставниците на сојузничките армии да лобираат за нашата држава и за нејзино поскоро приклучување кон НАТО. Но притоа се работи на тоа Македонија да има пријателски односи со сите сили на меѓународната сцена.
Одбранбената дипломатија треба да биде дефинирана во закон и да стане составен дел од надворешната политика на Македонија, предвидува стратегијата со која Министерството за одбрана сака да ја развие таа област. Токму оваа армиско-дипломатска акција ги опишува целите, инструментите, дипломатската мрежа и треба да служи како водич во работата на воените аташеи, кои треба да ја промовираат Македонија и нејзините интереси, особено кај земјите-членки на Советот за безбедност и земјите со кои имаме значајна соработка во одбраната.
Промени
Познавачите на оваа проблематика велат дека парите потребни за дипломатските активности на одбраната треба да станат посебна ставка во буџетот на Министерството, а од нив ќе зависат и ротациите на одбранбените аташеи.
Со законски и подзаконски одредби треба се дефинира и начинот на избор и подготовка на воените претставници, кои ќе се обучуваат во соработка со Воената академија и Министерството за надворешни работи.
Стратегијата треба да стане и водич за работа на македонските претставници во меѓународни организации, меѓународни воени и цивилни мисии за поддршка на мирот, воени штабови, команди и мултинационални воени сили предводени од колективните системи за безбедност.
На АРМ ѝ требаат „летачки“ аташеи
Специјални безбедносни експерти, испратени од претседателот или од премиерот, е-дипломатија или зголемување на бројот на нерезидентни аташеи се само некои од идеите од соседството што Македонија може да ги искористи за намалување на трошоците во воената дипломатија. Буџетот на Министерството за одбрана е драстично скратен, а тоа е негативен тренд, кој се задржа во практика веќе неколку години.
За мала земја, како што е нашата, која се стреми кон зачленување во евроатлантските организации, постоењето на воените аташеи е исклучително битно, но истовремено и скапо. Токму затоа е потребно да се направи процена и соодветна ситуација и да се изврши рационализација на сите дипломатски армиски операции, велат познавачите на проблематиката.
Докторот на воено-политички науки Благоја Марковски вели дека, освен резидентните аташеи, Македонија мора да има и нерезидентни воени дипломати, кои ќе се акредитирани во некои земји, но редовно ќе се стационирани во Скопје и оттука ќе ги покриваат кога ќе се јави потреба за тоа или, пак, ќе бидат стационирани во една земја, а оттаму ќе ги покриваат земјите со кои се граничи домаќинот што го примил нашиот воен дипломат.
- Ова треба да се направи како во времето на ЈНА или, пак, можеби како во првите години од нашата независност. Како и да е, и во двата случаја имавме воени дипломати стационирани, на пример, во Унгарија, а оттаму ги „покриваа“ соседните земји - вели Марковски.
Според него, евентуално решение може да биде и т.н. е-дипломатија, односно електронска дипломатија доколку постои разбирање од земјата со која соработуваме по ова прашање. И тој, а и другите познавачи, се едногласни во повикот дека е крајно време идеите да се остварат.
Со него се согласува и пензионираниот генерал Митре Арсовски, кој вели дека Македонија требаше да се реши на ваков чекор многу порано.
- Уште за времето на независноста ние имавме обид, но кратко траеше. Нашите тогашни воени аташеи во Загреб и во Софија, генералите Драган Андреевски и Илија Николовски, со својата работа во услуга на заштеда на финансии ги покриваа сите соседни држави онаму каде што беа стационирани - објаснува генералот.
Генералот смета дека сите мали држави или, пак, оние што имаат послаби буџети на армијата, како нас, не треба да си дозволуваат постојани аташеи (освен онаму каде што е неопходно), туку да си имаат „летачки“ мисии и воени дипломати, кои покриваат од една до неколку земји.
Тој објаснува дека поради кризата дури и најбогатите држави и велесили го намалиле бројот на амбасадите. Ако тоа важи за велесилите, што останува за нас
http://www.novamakedonija.com.mk/NewsDetal.asp?vest=31132127286&id=9&prilog=0&setIzdanie=22819весра е од пред дваесетина дена,ама интерсна,и мислам дека е не објавена...
