АРМ во трка по пари за модерно оружјеВојската планира да ги продаде неперспективните ракетни системи за противвоздушна одбрана „Игла“ и „Стрела 10“, оклопните транспортери „М113“ и „Леонидас“, хаубиците од 122 мм и од 105 мм и ракетните системи БМ-21 „Град“ и 128 мм „Пламен“
Според националните стратегиски документи за одбрана, АРМ оваа застарена технологија мора да ја продаде до 2020 г.
СЕ ПРОДАВА ЗАСТАРЕНИОТ АРСЕНАЛРакети, противракетни системи и топови за противвоздушна одбрана, оклопни транспортери и хаубици се само дел од застареното оружје на АРМ што се планира да се продаде за да се обезбеди дел од парите што ќе бидат потребни да се купат нова, модерна опрема и оружје што ѝ недостигаат на војската. Ова за „Нова Македонија“ го тврдат високи воени извори
Во најголем дел ова таканаречено неперспективно оружје на распродажба потекнува од донации што многу сојузнички армии досега ѝ ги подариле на АРМ.
Според националните стратегиски документи за одбрана, АРМ оваа застарена технологија мора да ја продаде до 2020 година, бидејќи на таков начин ќе се присоберат финансии, но и ќе се намалат барањата за складиштен простор на оружјето, негова заштита и парите што се потребни за одржување.
Досега АРМ како неперспективни или застарени ги одреди оклопните транспортери „М113“ и „Леонидас“, хаубиците од 122 мм и од 105 мм, ракетните системи БМ-21 „Град“ и 128 мм „Пламен“ и ракетните системи за противвоздушна одбрана „Игла“ и „Стрела 10“.
Воени извори брифираат дека од АРМ досега биле во контакт со неколку земји, кои се потенцијални купувачи на нашето оружје. Пред сѐ, тоа се земјите во развој, кои во моментов немаат доволно средства за софистицирани системи.
Генералскиот врв планира со ваквата продажба на неперспективните оружени системи и опрема да обезбеди извесен дел од парите и со владина помош и со пари од буџетот да може да се купат модерни оклопни возила.
КомпензацијаМинистерството за одбрана минатата година најави дека во претстојната декада напорите и ресурсите ќе се насочат кон доизградба и докомлетирање на постојните воени способности на армијата.
Идејата ја пласира поранешниот министер за одбрана Фатмир Бесими. Според иницијативата, наместо да се повлечат финансии од буџетот на државата, имајќи ги предвид ограничените ресурси за постигнување на долгорочните развојни цели, Министерството за одбрана планира да примени т.н. офсет-аранжмани, кои практично претставуваат компензација или давање одредени ресурси за ново оружје.
Генерален заклучок на стручната јавност за компензацијата беше овие програми да се внесат во македонската законска регулатива, со што значително ќе се олесни набавката на опрема и оружје, а од друга страна ќе се намалат можностите за нејзина злоупотреба.
Врвни приоритетиНа врвот на приоритетите за набавки во АРМ се 80 оклопни транспортери. Имаше идеја Македонија и Хрватска заеднички да набават вкупно 200 транспортери од финска „Патрија“ во средината на минатата деценија. Хрватска досега купи 126 борбени возила, а Македонија ниту едно.
Набавките на нови оклопни возила за АРМ доцнат веќе осум години.
Првпат беа предвидени во 2004 година. Новите борбени возила на АРМ треба да бидат оклопни, да издржат погодок од оружје со калибар од 14,5 милиметри, а да имаат топ од најмалку 30 милиметри. Оклопните транспортери што АРМ сега ги поседува, во стандардните верзии, немаат такви перформанси.
http://www.novamakedonija.com.mk/NewsDetal.asp?vest=32913838524&id=9&prilog=0&setIzdanie=22842 
