АРМ - новости

Frogfoot напиша:

Бидејќи знам дека протестот е непартиски, и се плукаат сите партии од прва до последна, ќе присуствувам. Ако иде некој кажете да се организираме

Па нормално...
Министерот Џафери и амбасадорот Чејку ја потврдија одличната соработка во областа на одбраната помеѓу Македонија и Албанија



http://www.morm.gov.mk/content/?DDE0072E8F0749EACCE8808D84A6C5C2C0F6E95C

АРМ ангажирана во Свети Николе.

http://www.mkd.mk/galerii/ne-kurtuli-ni-svetinikolsko-poplavata-nosi-sje-pred-sebe#5

Донација од пСО

По повод 1-ви март Денот на Полкот за специјални операции (пСО) на АРМ, денес (26-ти февруари 2013 година), припадниците на пСО донираа еднодневен сув оброк и облека. Хуманитарната акција со која беа донирани над четиристотини оброци и значителна количина на облека, пСО ја организираше во координација со Центарот за социјални работи на град Скопје, преку кој помошта беше доставена во социјално загрозени семејства во Скопје и околните општини.
Утре, во чест на Денот на пСО во Домот на АРМ во Скопје, ќе биде отворена изложба на рачно изработени уметнички предмети од дрво на која со свои уметнички дела ќе се претстави капетанот Роберт Коцев кој е припадник на пСО. Изложбата наредните денови граѓаните ќе можат да ја посетат во Домот на АРМ, секој ден од 09.00 до 19.00 часот.











http://www.morm.gov.mk/content/?0FBBE6565F2F7DAE26E4841784B9AA6CB027E2B1

Министерот и заменик-министерот Димитриев оддадоа почит на трагично загинатиот претседател на Република Македонија, Борис Трајковски









http://www.morm.gov.mk/content/?EF70D7739050B148CBFBA389DA16FDED957A1D24

Презентиција на приоритетите, трансформацијата на АРМ, буџетот за одбраната и регионалната соработка во Домот на АРМ во Скопје

Придонесот на Република Македонија во меѓународните мировни мисии, трансформацијата на Армијата на Република Македонија, регионалните проекти и соработка, како и буџетот алоциран во областа на одбраната и безбедноста се темите кои денеска беа дел од „Презентацијата на приоритетите на Министерството за одбрана и Армијата на Република Македонија, процесот на трансформација и буџетот на МО за 2013 година“ во Домот на АРМ во Скопје.

Во таа пригода, пред присутните одбранбени аташеи акредитирани во Република Македонија и претставниците на Министерството за одбрана и на АРМ, државниот секретар во Министерството, Сашо Стефаноски, истакна дека „Република Македонија посветено работи за исполнување на евроатлантската агенда“ и тоа токму во контекст на споменатите теми.

„Придонесот на Република Македонија кон глобалната безбедност, мирот и стабилноста е првично рефлектирана преку инвестирањето во домашниот безбедносен капацитет за достигнување на заедничките вредности и интереси“, додаде државниот секретар Стефаноски, посочувајќи дека Република Македонија останува посветена на партиципацијата во мировните мисии и во 2013 година.

Во контекст на трансформацијата на Армијата на Република Македонија, беше истакнато дека станува збор за процес кој ќе овозможи креирање на поефикасни сили кои се целосно интероперабилни со силите на НАТО-алијансата. Воедно, потенцирано беше дека развојот на регионалната соработка, согледана преку имплементацијата на концептот „паметна одбрана“, останува да биде еден од столбовите на интегративните процеси на сите земји од регионот.

Развојот на одбраната, во очи на светската финансиска и економска криза се согледува во напорите за ефикасно и ефективно искористување на средствата алоцирани во оваа област, заедно со подобреното планирање, приоеритазацијата и мултилатералната соработка, беше посочено на денешната Презентација.

Презентацијата на приоритетите на Министерството за одбрана и Армијата на Република Македонија, процесот на трансформација и буџетот на Министерството за одбрана за 2013 година“ е дел од Програмата за соработка со Асоцијацијата на одбранбени аташеи акредитирани во Република Македонија за 2013 година.

http://www.morm.gov.mk/content/?1EBBBE1187498F48792B730CBEF598446E734B9F

Паметна Одбрана = Немаме Пари.

Самите си го бараме на следниот самит на НАТО да бидеме блокирани, и тоа не затоа што го немаме решено спорот со Грција туку затоа што не ги исполнуваме критериумите за влез во однос на соодветно вооружување. Овие од владата 'си го имаат врзано во крпче' тоа дека сите услови за влез во НАТО се исполнети, се е цакум пакум и повеќе пари за одбраната не требаат.

АРМ им дава на војниците српско млеко „Моја кравица“, тие одбиваат да пијат

И покрај скандалот со зголеменото ниво на канцерогениот афлатоксин во голем дел од увозното млеко,особено од Србија и Хрватска, Армијата на Република Македонија како дел од оброкот на војниците кои одат на терен, им дели од српското млеко „Моја кравица“, за кое исто така беше објавено дека е со зголемено ниво на афлатоксин. Војници од АРМ се обратија до нашата редакција со барање да се провери зошто тоа се прави, а ваквите информации ги потврдуваат и од Синдикатот на професионалните војници.
-Точно е дека се дели млеко „Моја кравица“, но на војниците им се кажува дека тоа не било од спорното млеко. Ова млеко што сега ни го делат е со рок на употреба до април. Некои војници одбиваат да пијат од млекото затоа што гледаме во медиумите дека тоа е токсично. Има и други проблеми со храната. Имаше случаи кога ни беа делени и продукти со поминат рок- вели Веле Крбалески, претседател на Синдикатот на професионалните војници.
Војниците се чудат и зошто наместо да се форсираат македонските производи, АРМ набавува продукти од увоз, иако се знае дека кај нас има многу поквалитетни производи од тој тип. Покрај српското млеко, војниците јадат и косовски тортички и кекси, од извесна фирма Амо. Од Министерството за одбрана денеска не беа достапни за коментар.
http://brif.mk/makedonija/arm-im-dava-na-vojnicite-srpsko-mleko-moja-kravica-tie-odbivaat-da-pijat/