АРМ - новости

Претседателот Иванов во посета на касарната Мирче Ацев во Прилеп.

Министерот Фатмир Бесими им ја честита Новата 2013 година на македонските мировници преку видео-конференциска врска со Авганистан, Либан и Босна и Херцеговина.

Посета на Началникот на ГШ на АРМ на националниот контингент во мисијата АЛТЕА

Денес 09-ти јануари Началникот на ГШ на АРМ генерал-мајор Горанчо Котески во Сараево, Босна и Херцеговина ги посети припадниците на АРМ кои се дел од националниот Контингент во мисијата АЛТЕА.
За време на посетата генералот Котески оствари средба со Началникот на штабот во командата на ЕУФОР бригадниот генерал Ерно Петер Сипош каде уште еднаш беше потенциран допринесот кој Република Македонија го дава во етаблирањето на демократските вредности, мирот и еднаквоста во светски рамки.
Посетата на националниот контингент во мисијата АЛТЕА беше искористена за одбележување на петгодишнината од трагичниот настан во хелихоптерската несреќа во кој загинаа македонските мировници. Генералот Котески, Началникот на штабот во командата на ЕУФОР и Амбасадорот на Република Македонија во БиХ Н.Е. г-дин Рами Реџепи во присуство на најстарите национални претставници од сите земји учеснички во мисијата АЛТЕА положија венец со свежо цвеќе на споменикот на загинатите припадници на АРМ.
Началникот на ГШ на АРМ на средбата со припадниците на контингентот ја поздрави посветеноста и професионализмот кој нашите мировници го покажуваат во секојдневната работа, како дел од мултинационални сили.
















http://www.morm.gov.mk/content/?BC9A39F01396A204502318634CAF8CC46451F572

„Опел корса“ усмрти воен лабрадор

Утринава во 9 и 15 часот, автомобилот „опел корса“ удрил и усмртил воено куче од раса „лабрадор“ на Булеварот „Осми Сптември“, кај мостот кај хотелот Александар Палас.
Кучето, кое е специјализирано и обучено за безбедносни задачи, било удрено на коловозот.

Се уште не е познато како кучето се нашло на местото.
Увид извршија сообраќајната и воената полиција.
http://kanal5.com.mk/default.aspx?mId=37&egId=13&eventId=103500

Бесими-Гунагли: Интензивирање на македонско-кинеската соработка

Продлабочување и интензивирање на меѓусебната соработка, како и потврда за меѓусебната почит и поддршка беа темите на кои денеска разговараа министрите за одбрана на Република Македонија Фатмир Бесими и на НР Кина Лианг Гуангли, кој се наоѓа во прва официјална посета на нашата земја.

На средбата на која присуствувал и началникот на Генералштабот на АРМ, генерал-мајор Горанчо Котески, Бесими се заблагодарил за принципиелниот став на НР Кина во однос на стратегиските ориентации на Република Македонија, што е одраз на кинеската генерална политика која поаѓа од почитување на природното право на секоја земја самостојно да се води од своите интереси за национална безбедност и непречен развој.

- Благодарност беше искажана и за безусловната поддршка и признавањето на Република Македонија под нејзиното уставно име, подвлекувајќи дека НР Кина е значајна земја на светско ниво, постојана членка на Советот за безбедност на ОН, како од економски аспект, така и од аспект на одбраната и безбедноста. За Република Македонија, Министерството за одбрана и за АРМ привилегија е да се има соработка со моќна армија како што е кинеската со над 2,5 милиони војници и со буџет од 22 милијарди долари, со еден збор еден од партнерите за респект за сите, како и за Северноатланската алијанса, соопшти Министерството за одбрана.

Ова е прва посета на министер за одбрана на НР Кина на Република Македонија, што укажува на континуираното продлабочување на пријателството помеѓу двете земји, како и меѓусебното почитување и разбирање.

АРМ ќе продолжи со соработката со кинеската армија, особено во областа на размена на искуства во мировните операции и во обуката на специјалните единици. Инаку, соработката со вооружените сили на НР Кина бележи забележителен развој и таа се остваруваше на полето на воената едукација, меѓународни студии и обука на инструктори за боречки вештини.

Со цел интензивирање на соработката меѓу двете земји, Република Македонија планира да испрати одбранбено аташе во НР Кина согласно донесената Стратегија за одбранбена дипломатија.

Претходно, претседателот на Република Македонија Ѓорге Иванов го прими кинескиот министер за одбрана, генерал Гунагли. Иванов изразил задоволство од нивото на политички дијалог меѓу двете земји, што придонесува кон постојано унапредување и продлабочување на меѓусебната соработка. Тој упатил и благодарност за континуираната поддршка што Министерството за одбрана на Република Македонија ја добива од кинеското Министерство за одбрана.

Кинескиот министер Гунагли искажал интерес за продолжување на билатералната соработка во областа на одбраната и во сите сфери од заеднички интерес, како и подготвеност за натамошна мултилатерална соработка во рамки на меѓународните организации.

На средбата биле разменети мислења и за можностите за интензивирање на економската соработка, при што претседателот Иванов изразил подготвеност за зголемување на трговската размена и соработката во областа на инвестициите, поздравувајќи ја воспоставената правна рамка меѓу двете земји.

Македонскиот министер за одбрана Фатмир Бесими во декември 2011 година ја имаше првата средба со неговиот кинески колега Гунагли во Пекинг. Зајакнување на позитивната соработка и отворање нови можности за нејзино продлабочување, размена на искуствата во однос на реформите во областа на одбраната и поддршка во меѓународните мировни мисии, беа во фокусот на разговорите на разговорите на Бесими со Гунагли, како и со потпретседавачот на Централниот воен комитет, генерал Гуо Боксиан, во рамки на официјалната посета на Пекинг.

Министерот Бесими тогаш најави отворање на позицијата воено аташе на Република Македонија во НР Кина, како исклучително важно за зајакнување на билатералните односи на двете министерства за одбрана.

Македонскиот министер за одбрана го посети и Националниот универзитет за одбрана и Центарот за обука за операции за чување на мирот.

Во рамки на билатералната соработка еден војник од АРМ ја посетувал кинеската командно штабна академија, еден бил во школата за народна одбрана, тројца македонски војници ја посетувале Академијата за боречки вештини и тоа во период од една година, еден војник го посетувал курсот за специјалните сили, додека пак од кинеската армија двајца инструктори шест месеци престојувале во АРМ.
http://kurir.mk/makedonija/vesti/98950-Besimi-Gunagli-Intenziviranje-na-makedonsko-kineskata-sorabotka

Потврда за соработката и меѓусебното разбирање – посета на министерот за одбрана на НР Кина, Лианг Гуангли, на Република Македонија и средба со министерот Бесими

Продлабочувањето и интензивирањето на меѓусебната соработка, како и потврдата за меѓусебната почит и поддршка беа темите на кои, при денешната посета на Република Македонија, разговараа министерот за одбрана на НР Кина, Лианг Гуангли и неговиот македонски колега, министерот, Фатмир Бесими.

При средбата на која присуствуваше и началникот на Генералштабот на АРМ, генерал-мајор Горанчо Котески, министерот Бесими се заблагодари за принципиелниот став на НР Кина во однос на стратегиските ориентации на Република Македонија, кој е одраз на генералната политика на НР Кина која поаѓа од почитувањето на природното право на секоја земја самостојно да се води од своите интереси за национална безбедност и непречен развој.

Воедно, благодарност беше искажана и за безусловната поддршка и признавањето на Република Македонија, под нејзиното уставно име, подвлекувајќи дека НР Кина е значајна земја на светско ниво, постојана членка на Советот за безбедност на ОН, како од економски аспект, така и од аспект на одбраната и безбедноста. За Република Македонија, Министерството за одбрана и за АРМ привилегија е да се има соработка со моќна армија како што е кинеската со над 2,5 милиони војници и со буџет од 22 милијарди долари, со еден збор еден од партнерите за респект за сите, како и за Северноатланската алијанса.

Оваа посета претставува прва посета на министер за одбрана на НР Кина на Република Македонија, што укажува на континуираното продлабочување на пријателството помеѓу двете земји, како и меѓусебното почитување и разбирање.

АРМ ќе продолжи со соработката со кинеската армија, особено во областа на размена на искуства во мировните операции и во обуката на специјалните единици. Инаку, соработката со вооружените сили на НР Кина бележи забележителен развој и таа се остваруваше на полето на воената едукација, меѓународни студии и обука на инструктори за боречки вештини.

Со цел интензивирање на соработката помеѓу двете земји, Република Македонија планира да испрати одбранбено аташе во НР Кина согласно донесената Стратегија за одбранбена дипломатија.











http://www.morm.gov.mk/content/?39C4F97760FB5150BE1276D65185AD79FB6E77AC

Какви капути им се овие на гардијциве? првпат гледам..

Frogfoot напиша:

Какви капути им се овие на гардијциве? првпат гледам..

Ношпал мода.

Министерот Бесими пред мировниците: „АРМ со НАТО споделува исти одговорности„

Денеска 14.01.2013 година (понеделник), во касарната ,,Јане Сандански” во Штип, се одржа свеченост по повод испраќањето на контингент на АРМ од составот на Првата механизирана пешадиска бригада (1.мпбр) во мировната мисија ИСАФ во Авганистан.
На свеченоста свое обраќање имаше министерот за одбрана на Република Македонија, Фатмир Бесими кој воедно разговараше со припадниците на контингентот за нивната подготвеност да одговорат на задачите кои им престојат во текот на мисијата.
„Многупати досега е повторувано огромното значење на мисијата во Авганистан, пред сè за меѓународниот углед и за позицијата на нашата земја, за нејзиното евроатлантско интегрирање и за општите консеквенци по светскиот и регионалниот мир и безбедност. Историјата на нашите миротворци во Авганистан ги потврдува одличните резултати кои ги постигнуваат припадниците АРМ со својот професионализам и одговорност кон задачите што од нив ги бара благородната мисија, оцени министерот Бесими.
Меѓу другото нагласи „екстремно сложените, безбедносно-ризични и воено-чувствителни услови во кои тие дејствуваат во рамките на меѓународната мисија ИСАФ во тој нестабилен регион, ми дава апсолутно право да ги наречам светски миротворци и најголеми репрезенти на Република Македонија надвор од границите на нашата држава„.
Министерот за одбрана искажа уверување дека со преставниците од Армиите на земјите членки на НАТО „рамо до рамо„ војниците на АРМ споделуваат исти одговорности далеку од своите родни домови, и ги исполнуваат предвидените задачи и ќе се вратат побогати за уште едно успешно искуство во вашата воена биографија.
„Многупати до сега истакнав дека од земја „увозник на мир“ станавме земја која го „извезува мирот“. Научените лекции кои нашите мировници ги стекнаа за време на десет годишната посветеност во Авганистан едноставно се поклопуваат со заклучоците кои официјалните политички претставници на земјите членки на НАТО, но и експертите ги втемелија во Новиот стратешки концепт од ноември 2010та година. Имено, согледувајќи ја комплексноста на современите закани, на земјите членки, покрај останатото им стана јасно (а тоа недвосмислено го подвлекоа и во новиот стратешкиот документ) дека за да се даде ефективен одговор потребен поинаков и сеопфатен пристап„.
Прво, фактот дека НАТО ја препознава важноста од соработката со земјите партнери, јасно изразена преку рамките и насоките поставени во т.н. „кооперативна безбедност“-една од трите нови основни мисии на НАТО. И второ, во склад со стекнатото искуство и потребата од поинаков пристап кон современите безбедносни закани, важноста на цивилно - воената соработка за оперативниот успех се пораките упатени од Штип од министерот Бесими.
Според него „од научените лекции стана јасно дека без разлика на се крајната цел и напорите во Авганистан НАТО и партнерите нема да ја остварат доколку не успеат да ја задржат лојалноста на населението. Не се согласувам со некои ставови дека патот во Авганистан е загубен во маглата на пост – конфликтното дејствување. Напротив, статистиката за успехот на Авганистанската полиција и Авганистанската национална армија, упатуваат на поинаков заклучок„.
Во мисијата ИСАФ ќе учествува персонал во вкупна бројка од 156 старешини и професионални војници. Исто така составот на овој контингент е од мешан етнички и полов состав , во него се застапени преставици од сите заедници, меѓу нив над 40-тина од албанската заедница, потоа од влашката , српската, ромската националност, како и 5 (пет) припаднички од понежниот пол. За време на траење на мисијата составот ќе извршува најразлични должности од кои најзначајната и најодговорната е обезбедувањето на главниот штаб на мисијата ИСАФ, патролирање во зоната на одговорност во Кабул, борбено обезбедување на комуникации и области во зависност и од потребата на мисијата, итн. На испраќањето на контингентот на АРМ за мисијата ИСАФ присуствуваа високи претставници од државниот и воен врв како и претставници од локалната самоуправа и други цивилни авторитети од зоната на одговорноста на бригадата, роднините на припадниците од контингентот и други гости.













http://www.morm.gov.mk/content/?E6B6F4600AE4FE76262B0338451B5C2BBF6A2F91

Нека не паламуди ова клетово, неможам да го сварам. Инаку од 156 души , дури 40 албанци?!?!