АРМ - новости

Од вежбата Immediate Response 13 одржана во Загреб на почетокот од месецов.

Нападнати македонски војници во Авганистан, нема повредени

Министерот Бесими информира дека денеска имало напад во близина на базата на мисијата ИСАФ НАТО во Кабул, каде се сместени и војниците од контингентот на АРМ, пренесе Дневник.

Сите наши војници од контингентот се во ред и нема повредени. Потврда за нападот на базата е добиена од командантот на НАТО во Кабул како и потврдата дека сите наши војници се во одлична состојба и се подготвени за понатамошно вршење на дадените задачи.

http://www.bezpardon.mk/napadnati-makedonski-vojnitsi-vo-avganistan-nema-povredeni/

БЕСИМИ: „НИКОГАШ НЕМА ДА ДОЗВОЛИМЕ ДА СЕ СТАВИ ПОД ЗНАК ПРАШАЛНИК НАШЕТО ЧЛЕНСТВО ВО НАТО ГЛЕДАНО ОД АСПЕКТ НА ПОТРЕБНИОТ БУЏЕТ ЗА РЕАЛИЗАЦИЈАТА НА РЕФОРМИТЕ, УЧЕСТВОТО ВО МЕЃУНАРОДНИ МИРОВНИ МИСИИ И ИСПОЛНУВАЊЕТО НА СТАНДАРДИТЕ НА НАТО“

Во екот на најголемата светска криза во последните сто години и аналогно на тоа ефектите врз домашната економија и буџет, чиј составен дел е и буџетот за одбраната, се работи напорно на реформските и интегративните процеси, на рационализацијата и на приоретизацијата, како дел од концептот „паметна одбрана“. Тоа суштински го поентираше во своето обраќање министерот за одбрана на Република Македонија, Фатмир Бесими, при денешната посета на касарната „Кузман Јосифовски – Питу“ во Тетово.

Целта на посетата на касарната беше продолжување на проектот „Стандард“ со кој се прават максимални напори за подобрување на условите за живот и работа во касарните, како и реферирање од страна на Генералштабот и Здружената оперативна команда на АРМ за процесот на трансформација и преструктуирање на Армијата.

Во контекст на приоритетите за следната година, министерот Бесими истакна дека фокусот ќе биде ставен на одржувањето на борбената готовност на Армијата, одржувањето на пополната на командите и единиците на АРМ со квалитетен воен персонал на ниво околу 85-90%, афирмација на соодветната и правична застапеност во АРМ и МО, спроведувањето на планираната обука, како и продолжување на несомнениот придонес во меѓународни мировни операции предводени од НАТО, ЕУ и ООН.

При посетата на касарната министерот Бесими и началникот на Генералштабот на АРМ, генерал-мајор Горанчо Котески, подетално се запознаа со процесот на трансформација, чии суштински придобивки се поедноставната структура, соодветното групирање на силите, подобрена интеграција на воздухопловните капацитети, постигнување на подобра пополнетост на единиците со персонал и опрема како и воведување на нова категорија на активна резерва.

Имајќи го на ум долготрајното и континуирано учество на Република Македонија, како одговорен член на меѓународната заедница, во напорите за остварување на безбедноста и демократијата во светот министерот Бесими истакна дека „придонесот во 2013 година во сите меѓународни операции (поддршка на КФОР, ИСАФ, ЕУ АЛТЕА и УНИФИЛ) ќе остане на исто ниво како во 2012 година- до 175 воен персонал во ИСАФ, ЕУ АЛТЕА и УНИФИЛ + 13 воен персонал во Координативниот центар за поддршка на КФОР.













http://www.morm.gov.mk/content/?F1E573DCD8C20EE3597253473B5D5A03275EDBDC

Списанието ,,Штит,, дали излегува уште, на колку време излегува , и каде можам да го купам и по која цена .

andrej напиша:

Списанието ,,Штит,, дали излегува уште, на колку време излегува , и каде можам да го купам и по која цена .

Има посебна тема за списанието. Инаку излегува и можеш да го купиш во повеќе трафики. Цената му е 50 денари. Друга алтернатива е да го симнеш од страната на Министерството за одбрана, но со еден месец задоцнување.

Ке може ли да ставите линк за да го симнам списанието !!

Срамота е што и до 2020 година не се планира купување на борбени авиони за армијата како што пишува во белата книга. И за противвоздушната одбрана се планира купување на ракети со максимален домет до 3000 м височина.

andrej напиша:

Ке може ли да ставите линк за да го симнам списанието !!

Повели Андрај, последните 3 броја:

Август:
http://www.morm.gov.mk/data/file/Shtit/36_Shtit.pdf

Септември:
http://www.morm.gov.mk/data/file/Shtit/37%20Shtit%20za%20web.pdf

Октомври:
http://www.morm.gov.mk/data/file/Shtit/38%20Shtit%20za%20web.pdf

andrej напиша:

Срамота е што и до 2020 година не се планира купување на борбени авиони за армијата како што пишува во белата книга. И за противвоздушната одбрана се планира купување на ракети со максимален домет до 3000 м височина.

Пред некој ден министерот изјави дека се надеваат на навремено опремување на војниците со нови униформи и чизми.
Тоа е крајниот дострел на нашата одбрана Андреј, униформи и чизми... за авиони и други работи да не правиме муабет.

БЕСИМИ: ПРОФЕСИОНАЛИЗАЦИЈАТА Е НАЈГОЛЕМИОТ РЕФОРМСКИ ПРОЦЕС

„Република Македонија беше прва во регионот на Југоисточна Европа која постигна целосна професионализација на Армијата. Тоа е најголемиот реформски проект на националната одбрана и во поширока смисла на зборот преставува основа на целокупниот процес на модернизација на Армијата и на интеграцијата кон Евроатлантската заедница“, истакна министерот за одбрана на Република Македонија, Фатмир Бесими на денешната свечена заклетва за доброволно служење воен рок во АРМ во велешката касарна „Алексо Демниевски – Бауман“.

Во обраќањето пред новата, 17-та по ред, генерација војници-доброволци министерот Бесими подвлече дека обврска на Министерството за одбрана е на едно институционално ниво континуирано да се обезбедуваат пристојни и професионални услови за обука на сите оние кои се потенцијална база за пополнување на професионалниот состав на АРМ.
„Наша задача е сега и во иднина да работиме на подобрување на стандардот и имиџот на воените лица, војникот-подофицерот-офицерот на Армијата на Република Македонија“, дополни министерот.

Во контекст на свечената заклетва, началникот на Генералштабот на АРМ, генерал-мајор Горанчо Котески рече дека „согледувајќи ги придобивките кои АРМ и Македонија ги добива со доброволно служење на воениот рок само по себе се наметнува прашањето и размислувањето 10 проценти од активниот состав на АРМ да биде регрутен состав, факт кој нема да ги спречи нашите стратешки определби, туку ќе ја засили нашата одбранбена моќ“.

Свечена заклетва за доброволно служење на воен рок дадоа вкупно 281 војници - граѓани кои се доброволци. Првата генерација на доброволно служење на воен рок започна на 17 јануари 2007 година со вкупно 214 војници-доброволци. Една од суштинските задачи на Командата за обука и доктрини е токму реализацијата на основна воена обука на граѓаните на доброволно служење на воениот рок во АРМ, на питомците и на кандидатите за офицери за службите во АРМ.

Во текот на денешната посета на велешката касарна, Командата за обука и доктрини реферираше пред министерот Бесими за проектите за обука на војниците и подофицерите на АРМ, согласно стандардите на НАТО.

















http://www.morm.gov.mk/content/?96D1C44580204990C4043A2C24A7EDD0956BD29E