АРМ - новости

Momak od Gjorce напиша:

Вершбоу одушевен од идејата половина АРМ да се вклучи во мисиите на НАТО

Името па членство - добро познатата порака на НАТО уште еднаш, по кој знае кој пат ја слушна македонскиот државен врв, овој пат од заменик генералниот секретар на Алијансата, Александар Вершбоу, по средбата со министерот за надворешни Никола Попоски. Вершбоу иако вели дека НАТО нема план Б за членство на Македонија, со раширени раце и воодушевување ја прими идејата на министерот за одбрана половина од македонските војници да бидат постојано на располагање на мисиите на Алијансата.

Додека Македонија бара искреност во оценката на напорите за членство во НАТО и согледување на грчките опструкции во процесот, пораката од Алијансата останува иста - решете го името, па ќе станете членка. НАТО нема план Б за државата која тринаесетта година по ред ги исполнува зададените задачи, но не може да го освои заслуженото столче во Брисел.

Вершбоу е новоназначен заменик генерален секретар на НАТО, Американец е и во своето излагање наместо Македонија ја употреби референцата поранешна југословенска република.

Неговата порака на средбите со премиерот Груевски, министрите Попоски и Бесими била да укаже дека и по самитот во Чикаго останува отворена врата за членството во НАТО и дека Македонија тој благодет ќе го види откако ќе го реши спорот за името. Од македонска страна му било укажано дека НАТО треба да ги согледа опструкциите од членката Грција кои го оневозможуваат членството на Македонија.

Со ова изјава на министерот се согласи и Вершбоу, но вели очекува храбра стратешка одлука за спорот. Додека за членството во НАТО е резервиран поради името, Вершбоу на средбата со Бесими рекол дека е воодушевувачка идејата, половина од македонските војници да може да бидат распоредени во мисии на НАТО.

http://kanal5.com.mk/%28S%28kvzduae04i05r4455m44rxq5%29%29/default.aspx?mId=37&eventId=94067

А ако избувне војна во Македонија кој ќе војува тука. Само Полицијата?

HolyTemple напиша:

А ако избувне војна во Македонија кој ќе војува тука. Само Полицијата?

И војската,во случај на војна кај нас би се повлекле сите војници кој се во мисии надвор од државава...но прашањето дали ако има војна кај нас НАТО ке дојде да ни помгне...

Промоција на новата химна на АРМ на плоштад “Македонија“

Новата химна на Армијата на Република Македонија (АРМ) и новата униформа на баталјонот за Почести ќе бидат јавно промовирани денеска во 19 часот на плоштад “Македонија“ во Скопје.

Како што соопшти Министерството за одбрана, на промоцијата ќе присуствуваат началникот на Генералштабот на АРМ, генерал-мајор Горанчо Котески, заменикот на началникот на ГШ на АРМ, генерал- мајор, Насер Сејдини и командантот на здружената оперативна команда бригадниот, генерал Методија Величковски и други гости.

Јавната промоција ќе се реализира за време на промената на државното знаме на големиот јарбол на плоштадот “Македонија“.

Колоната на АРМ составена од припадниците на баталјонот за Почести и оркестарот на АРМ ќе се движи од Собранието, преку порта “Македонија“ до плоштадот.

http://grid.mk/read/article/722850/promocija-na-novata-himna-na-arm-na-ploshtad-makedonija

Како звучи новата химна на АРМ

По повод одбележувањето на 20 години од постоењето на македонската Армија, на плоштадот Македонија воениот оркестар денес ја промовираше новата химна на Армијата на Република Македонија.

Во рамки на манифестацијата промовирана беше и новата униформа на баталјонот за Почести. Погледнете го видеото и слушнете како звучи новата армиска химна.

http://www.kurir.mk/makedonija/vesti/78329-Kako-zvuci-novata-himna-na-ARM

Промовирани новата химна на АРМ и новата униформа на баталјонот за Почести

Пред голем број граѓани, а во рамки на одбележувањето на 20 години од формирање на македонската Армија, денес на плоштадот Македонија се одржа јавна промоција на новата химна на Армијата на Република Македонија и новата униформа на баталјонот за Почести.

Од Собранието, преку портата Македонија до плоштадот, припадниците на баталјонот за Почести ја промовираа новата церемонијална униформа, по што следуваше замена на државното знаме на големиот јарбол на плоштадот.

-Химната е промовирана првпат во текот на овие 20 години. Припадниците на армијата ќе се гордеат и со униформата и со химната, а очекувам дека ќе биде прифатена и од граѓаните, изјави началникот на ГШ на АРМ Горанчо Котески.

Новата униформа на почесниот баталјон се состои од 120 церемонијални униформи и по околу 60 свечени и празнични.

http://www.kurir.mk/makedonija/vesti/78327-Promovirani-novata-himna-na-ARM-i-novata-uniforma-na-bataljonot-za-Pocesti

Momak od Gjorce напиша:

HolyTemple напиша:

А ако избувне војна во Македонија кој ќе војува тука. Само Полицијата?

И војската,во случај на војна кај нас би се повлекле сите војници кој се во мисии надвор од државава...но прашањето дали ако има војна кај нас НАТО ке дојде да ни помгне...

Во таков случај се повлекуваат војниците од НАТО мисиите, примерот на Грузија во 2008 и тоа со авион на USAF.
А на вториот дел од прашањето, исто како во 2001 па сега види ти.

Makedon напиша:

Во таков случај се повлекуваат војниците од НАТО мисиите, примерот на Грузија во 2008 и тоа со авион на USAF.
А на вториот дел од прашањето, исто како во 2001 па сега види ти.

Го знам јас одговорот друже...него нашиве политичари изгледа дека не го знаат,чим се спремни да ја дадат пола армија за НАТО улуги беспари...па како после нема да биде воодушевен Вершбоу од оваа одлука на Бесими...спремни се се да потпишат и да дадат се нашиве политичара,абе барем еден договор да се потпишеше доколку дојде до војда во нашата држава да имаме воена помош од НАТО сојузниците,немора кознае колкава...

Началникот на ГШ на АРМ во посета на обуката за несмртоносни оружја

Денес, 19-ти јули (четврток) во касарната „Илинден“ Началникот на ГШ на АРМ генерал-мајор Горанчо Котески ја посети обуката за „Несмртоносни оружја“.

Обуката е дел од воената контакт програма со Соединиетите Американски Држави и истата ја реализираше тим од Маринските сили на САД. Самата обука се реализираше во периодот од 17 до 19 јули со припадниците на баталјонот на Воена Полиција (бВП). Целта на оваа обука беше подготовка на инструкторите од бВП за ракување и изведување на обука со ваков вид на опрема како и незино одржување и чување. Покрај Началникот на ГШ на АРМ во посета на обуката беше Военото Аташе на САД во Република Македонија полковник Тод Браун и шефот на канцеларијата за билатерална одбрамбена соработка при Амбасадата на САД во Република Македонија.

На крајот од тридневната обука припадниците од бВП заеднос со своите инструктори од САД одржаа Тактичко Технички Збор и показна вежба за средствата за кои се обучуваа при што покажаа висок степен на обученост.



















http://www.morm.gov.mk/portal/?mainnews=nacalnikot-na-gs-na-arm-vo-poseta-na-obukata-za-nesmrtonosni-oruzja&lang=mk

Јавна промоција на новата гардиска униформа и химната на АРМ

На 18-ти јули 2012 година (среда), со почеток во 19.00 часот на плоштадот „Македонија“ се одржи јавна промоција на новата химна на Армијата на Република Македонија и новата униформа на баталјонот за Почести.

На јавната промоција присуствуваа Началникот на ГШ на АРМ генерал-мајор Горанчо Котески, Заменикот на Началникот на ГШ на АРМ генерал- мајор Насер Сејдини, Командантот на Здружената оперативна команда бригадниот генерал Методија Величковски, советникот на НГШ Зоран Димов како и командантите на провопотчинетите единици.

Јавната промоција се реализираше за време на промената на државното знаме на големиот јарбол на плоштадот „Македонија“ во Скопје. Колоната на АРМ составена од припадниците на баталјонот за Почести и оркестарот на АРМ се движеше од Собрание на Република Македонија низ порта „Македонија“ па се до плоштадот „Македонија“. Колоната со припадниците на баталјонот за Почести и оркестарот на АРМ и целата свеченост беше следена од голем број на граѓани на Република Македонија.

По завршувањето на промоцијата генералот Котески даде кратка изјава за медиумите во која нагласи дека припадниците на армијата ќе се гордеат и со униформата и со химната , а воедно одчекува истата да биде прифатена и од граѓаните на РМ.











http://www.morm.gov.mk/portal/?mainnews=javna-promocija-na-novata-gardiska-uniforma-i-himnata-na-arm&lang=mk

Во касарната во Тетово денеска се враќа контингент на АРМ од мисијата ИСАФ од Авганистан

Во мисијата ИСАФ во периодот јануари-јули 2012 година, АРМ учествуваше со контингент од 149 припадници на Првата механизирана пешадиска бригада, кои заедно со најстариот национален претставник и штабните офицери, во Авганистан беа распоредени во составот на Британскиот контингент.

Министерот за одбрана, Фатмир Бесими денеска во касарната „Кузман Јосифовски-Питу“ во Тетово ќе присуствува на свеченоста по повод враќањето на контигентот на АРМ од составот на Првата механизирана пешадиска бригада по шестмесечно учество во мисијата ИСАФ во Авганистан.

На свеченоста ќе присуствуваат и заменикот на Началникот на ГШ на АРМ генерал-мајор, Насер Сејдини, Командантот на Здружената оперативна команда бригаден генерал, Методија Величковски, Командантот на Првата механизирана пешадиска бригада полковник, Стојан Димчов, претставници на локалната самоуправа, роднините на припадниците од контингентот и други гости.

Во мисијата ИСАФ во периодот јануари-јули 2012 година, АРМ учествуваше со контингент од 149 припадници на Првата механизирана пешадиска бригада, кои заедно со најстариот национален претставник и штабните офицери, во Авганистан беа распоредени во составот на Британскиот контингент.

Контингентот на АРМ во изминатите шест месеци беше ангажиран за извршување на сложени задачи, како што се целосно обезбедување на командата на ИСАФ во Кабул, обезбедување на објекти од витално значење за животот на населението во Авганистан, борбено обезбедување на комуникации и области во зоната на одговорност и друго.

Од страна на командата на ИСАФ и надлежните високи команди на НАТО, ангажирањето на припадниците на АРМ, во повеќе наврати беше високо оценето, што се должи на високиот степен на обученост, но и на покажаната храброст, компатибилност и оперативна способност за време на извршувањето на мисијата.
http://www.libertas.mk/vest/31545/Vo-kasarnata-vo-Tetovo-deneska-se-vrakja-kontingent-na-ARM-od-misijata-ISAF-od-Avganistan

Свеченo пречекан контингент на АРМ по шестмесечната мисија во силите ИСАФ во Авганистан

Министерот за одбрана Фатмир Бесими денеска присуствуваше на свеченоста по повод враќањето на контингентот на Првата механизирана пешадиска пригада во гарнизонот Тетово по завршувањето на нивната шестмесечна мисија во меѓународните мировни сили на ИСАФ во Авганистан.

„Како дел и од одбележувањето на јубилејот 20 години АРМ, јубилеј што со себе носи голем број успеси и моменти и предизвици кои го градат имиџот на АРМ, ликот на војникот на АРМ и секој граѓанин на Република Македонија. Вие градите слика на една земја која знае да биде пријател и знае да инвестира во универзални вредности, една земја и граѓани кои го сакаат мирот, знаат што значи соживот и знаат тоа да го пренесат и во светски рамки“, истакна министерот Бесими во своето обраќање.

Воедно, министерот Бесими истакна дека со оваа мисија бројот на војници на АРМ што учествувале во ИСАФ во Авганистан надмина 2.000 војници, а вкупно во мисии надвор од Република Македонија бројката достигна 2.800 војници и старешини или 35 отсто од составот на АРМ кои учествувал во мисии рамо до рамо со останатите армии од НАТО, ОН и ЕУ и дале свој придонес за глобалниот мир.

„Денеска се навршува и една година откако јас сум министер за одбрана и контингентот што се врати може да ги види промените во армијата со новата формациска поставеност според стандардите на НАТО што овозможува развој и унапредување на кариерата на секој војник и старешина со цел изградба на модерна и ефикасна армија поблиска до граѓаните“, дополни министерот Бесими.

Началникот на Генералштабот на АРМ генерал-мајор Горанчо Котески истакна дека е среќен и горд затоа што мисијата беше извршена во најдобар ред и што сите нејзини припадници се вратија живи и здрави назад во Македонија и кај своите семејства.

„И овој контингент на АРМ го даде својот придонес за глобален мир и безбедност и уште еднаш покажа дека нашето место е во НАТО“, потенцираше генералот Котески.

Свое видување на предизвиците на оваа ротација на мисијата ИСАФ во Авганистан имаа и командантот на контингентот мајор Мухарем Мухареми, постариот водник Али Шабани и водникот Маја Угриновска.

„Пред шест месеци од ова исто место реков дека заминуваме на многу значајна и тешка задача. Нема посреќен член на единицата од мене поради фактот што сите се вративме живи и здрави. Имавме многу предизвици и моменти што беа опасни по живот, но со нашата професионалнот и малку среќа успеавме да немаме никакви загуби. Фактот што 10 години рамноправно и паралелно со припадниците на војниците од другите земји членки на НАТО ги извршуваме задачите зборува сам по себе. Ние де факто иако не и де јуре сме членка на НАТО, рече мајор Мухареми.

Оваа беше 11. контингент што се врати од мировна мисија, а е од гарнизонот Тетово. На мисија во Авганистан тргнаа и се вратија 149 војници и старешини. Тоа беше и 21 ротација на македонските војници во мисијата ИСАФ. Во следните шест месеци на нивно место ќе бидат нивните колеги од касарната во Кичево.

На денешната свеченост во касарната „Кузман Јосифовски Питу“ во Тетово присуствуваа и заменик началникот на ГШ на АРМ генерал-мајорот Насер Сејдини и командантот на Здружената оперативна команда на АРМ, бригадниот генерал Методија Величковски.










http://www.morm.gov.mk/portal/?mainnews=svecenosta-po-povod-vrakanjeto-na-kontingentot-na-arm-od-misijata-isaf-vo-avganistan&lang=mk