Генерално според ова што го гледам во делот Special forces school нема голема разлика во обуката кај нашите специјални единици со овие. Сето она што е наведено овде го имаат и нашите единици. Е сега разликата е во задачите кои ги извршуваат па според тоа се прилагодува и обуката. Со оглед дека овде станува збор за воена веб страна, а со тоа и за воени единици споредбата може да ја направиме со бСН.
1. Тактичкото пукање е основата на сите специјални единици без разлика дали станува за воени или полициски.
2. Планинарската обука особено во делот на алпинизмот е дел од обуката на бСН. Како илустрација на ова во бСН постои посебен тим кој е специјализиран за оваа намена.
3. Ова Аirmobile не можев да го преведам, па го разбирам како користење на воздухоплови при извршување на акциите ( поправете ме ако грешам ). Секој кој и малку има познавање од воената доктрина знае дека употребата на воздухопловите се незаобиколен дел од ТТП ( тактиките, техниките и процедурите на работа ) на специјалните единици.
4. Воената топографија исто така претставува основа на сите специјални единици кои во својот делокруг на работа имаат извршување на задачи надвор од урбаните средини.
5. Тактичка обука ја имаат и основните единици во војската и полицијата, а за специјалните единици таа претставува секојдневие. Од клин, линија, колона, змија до упад во објекти, чистење на објекти итн. сето тоа е дел од секојдневието на специјалните единици.
6. Медицинска обука или обука за прва помош и самопомош ја посетува секој припадник на специјалните единици. Во понатамошната специјалистичка обука се одредуваат тим болничари кои поминуваат поопсежна обука.
7. Врски. Секој припадник поминува обука за употреба на средствата за врски со кои се служи едницата.
8. Инженерска обука во делот на поставување на МЕС (минско-експлозивни средства ) исто така е дел од обуката на секој припадник. Во понатамошната специјалистичка обука се одредуваат МЕС кои поминуваат поопсежна обука.
9. Командна обука во делот на тим лидери, подофицери, офицери е во општата обука. Команда обука во делот на издавање на команди е веќе дел од обуката ( овде спаѓа обука за визуелни команди односно со раце )
10. Физичкиот тренинг нема потреба да го образложувам.
11. Претходново важи и за боречките вештини.
12. Подготовка на специјалисти е веќе специјалистичката обука како на пример: снајперисти, МЕС, болничари, тим лидери итн.
Најголемиот дел од овие обуки важат и за ЕСЗ, ЕБР и пСО. Со оглед на задачите кои се поставени пред нив тоа е и разбирливо бидејќи во еден дел задачите се поклопуваат. Разликата во обуката е во специјализацијата на единиците и нивната општа намена.
Се надевам дека си задоволен од одговорот.
______________________
Потта штеди крв!
