ПРАВИЛА НА ДВИЖЕЊЕ:Во движење, снајперскиот тим мора трајно да ги запамти следните правила:
а) Секогаш претпостави дека полето на движење е под непријателски надзор.
б) Движи се бавно. Снајперското движење се мери во сантиметри.
в) Немој да предизвикуваш тресење на трева, грмушки или дрва триејќи се од нив.
г) Планирај го секое движење и движи се во сегментот на рутата на време.
д) Застани, погледни и наслушувај често.
ѓ) Движи се при вознемирувачки звуци како што се огнени истрели, експлозии, бомбардирања, ветер или било што што би можело да го одврати вниманието на наперијателот или да го прикрие движењето на тимот.
ИНДИВИДУАЛНИ ТЕХНИКИ НА ДВИЖЕЊЕ:Индивидуалните техники на движење кои ги користат снајперските тимови се смислени така да им овозможат движење без да бидат откриени. Овие техники се снајперско ниско ползење, средно ползење, високо ползење, рака и колено ползење и одење, како што е прикажано на сликите :
а) Снајперско ниско ползење :
Оваа техника се користи кога сокривањето е многу ограничено, кога е во близина на непријателот или кога се бара позиција за дејствување.
б) Средно ползење :
Ваквото движење се користи кога движењето е ограничено а тимот мора да се движи побрзо од ниското ползење. Средното ползење е слично на ниското ползење кај пешадијците.
в) Високо ползење :
Високото ползење се користи кога сокривањето е ограничено но доволно да му дозволи на снајперистот да го подигне телото од земјината подлога. Ова движење е слично и кај пешадијците.
г) Рака и колено ползење :
Ваквото ползење се користи кога сокривањата се возможни а снајперскиот тим мора да се движи побрзо отколку кај средното ползење.
д) Движењето се користи кога заклонот е добар, непријателот не е во близина, а дозволена е брзина.
ДВИЖЕЊЕ И НАВИГАЦИЈА НА СНАЈПЕРСКИОТ ТИМПоради недостаток на персонал и огнена моќ, снајперскиот тим неможе да си дозволи себеси да биде откриен од страна на непријателот ниту пак да може успешно да му се спротивстави во блиска борба.
Кога тоа е возможно, снајперскиот тим би требало да биде во склоп на елементите на сигурност (вод или чета). Елементот на сигурност му овозможува на тимот да дојде до оперативната зона побрзо и посигурно отколку да оди сам. Плус, елементот на сигурност му овозможува на тимот додатна огнена поддршка во случај да биде откриен.
Снајперистите ги користат следните инструкции кога се во склоп на елементите на сигурност :
а) Снајперскиот тим е под команда на лидерот на елементот на сигурност се додека е во негов состав.
б) Снајперскиот тим секогаш се појавува како целосен дел од тој вод/чета.
в) Снајперскиот тим носи иста униформа и обележја како и елементот со кој патува.
г) Снајперскиот тим се држи до одговарачките претпоставки и позиции во сите формации.
д) Снајперската пушка се носи во линија и во близина на телото, сокривајќи ја нејзината надворешност и должината на цевката.
е) Сета опрема која е единствена за снајперистот се сокрива од другите ( оптика, камуфлажни одела, и се што е врзано за нивната опрема).
Еднаш кога ќе се влезе во зоната каде што се врши дејство, снајперскиот тим се одвојува од елементот на сигурност и дејствува сам.
Два примери кои се следад кога снајперскиот тим е одвоен се следните :1) Елементот на сигурност му обезбедува сигурност се додека тимот се припрема да тргне во дејство.
- Тимот облекува камуфлажно одело и се камуфлира себеси и опремата (ако мисијата така налага).
- Тимот ја проверува сета опрема и ја сокрива сета непотребна опрема ( ако мисијата така налага).
- Кога тимот е спремен, продолжува кон сокривачката позиција, а елементот на сигурност се одвојува и заминува од зоната на дејствување на тимот.
- Кога елементот на сигурност ќе се одвои, тимот чека на позиција онолку колку што треба за да се увери дека ни самиот тим, ниту елементот на сигурност не е откриен и загрозен. Тогаш, тимот се префрлува на позицијата од која ќе дејствува.
2) Елементот на сигурност раководи со краток сигурносен застој на границата на раздвојување. Снајперскиот тим застанува, утврдува дека има добра достапна сокривеност и се запознава со локацијата. Елементот на сигурност тогаш продолжува понатака оставајќи го снајперскиот тим зад себе. Снајперскиот тим останува на позиција додека елементот на сигурност не се повлече од областа. Тогаш, тимот се самоорганизира по задачите на мисијата и продолжува до својата позиција од која ќе ја изврши својата задача.
Кога се бира правецот на движење, снајперскиот тим мора да ги знае погодностите и мааните на тој правец односно траса.
Следните патокази треба да се употребат при избор на рута:1) Да се избегнат познатите непријателски позиции и препреки.
2) Да се побара терен кој нуди најдобар заклон и можност за сокривање.
3) Да се искористи предноста на тешките терени ( мочуришта, густи шуми итн. )
4) Да не се користат патишта, трагови од возила или места каде што водат нечии стапки.
5) Да се избегнуваат изградени или населени области.
6) Да се избегнуваат области со висока активност на непријателските сили.
Кога снајперскиот тим е во движење, секогаш мора да се води со претпоставката дека теренот е под непријателски надзор. Поради ова и поради големината на тимот, и огнената моќ која ја има, тимот користи исклучиво тип на формација која е карактеристична за снајперисти.
Карактеристики на формациите карактеристички за снајперисти се следните :1) Набљудувачот е на чело, а снајперот го прати.
2) Секторот на сигурност на набљудувачот е од 3 часот до 9 часот ( од десно на лево ), додека секторот на сигурност на снајперот е од 9 часот до 3 часот.
3) Визуелен контакт мора да се одржи дури и кога тимот се наоѓа во лежечка положба.
4) Растојанието помеѓу двата члена на тимот не треба да биде повеќе од 20 метри.
5) Лидерот на тимот ја одредува техниката на движење и рутата која се користи.
6) Лидерот на тимот го одредува збирното место.
Снајперскиот тим никогаш несмее да влегува во отворена борба со непријателот. Тимот мора да ги увежбава акциите и постапките додека не им станат рутина и не постанат нивна природна и моментална рекација во случај да дојде до неочекуван контакт со непријателот.
-----------------
СЛЕДИ : КОНТАКТ СО НЕПРИЈАТЕЛОТ
