- Alvar напиша:
- Иако сега претпоставувам дека ќе го осудат за двојно убиство.
Ете ти!
ПО МАKИТЕ СО РАЗБОЈНИЦИТЕ ЗА ПЕНЗИОНЕРОТ ЌЕ СЛЕДУВААТ И СУДСKИ ПОСТАПKИ
Храбриот дедо од Kојково ќе одговара за убиство и за нелегално оружјеХрабриот пензионер од кратовското село Kојково, кој на свои 73 години успеа да се ослободи од јажињата со кои бил врзан во својот дом, а потоа со пушка да убие еден и да рани друг разбојник, кои го тероризирале него, а и сопругата, ќе одговара за три кривични дела. Тој е пуштен на слобода и се лекува во неговото село бидејќи од мачењето му биле нанесени повреди. Сепак, нема само повредите да ги донесе дома од овој драматичен настан. Против него се поднесени кривични пријави за убиство, за обид за убиство и за поседување нелегално оружје.
Инаку, како што информиравме, пред три дена Зоран З. (28) од селото Пантелеј и Б.И.(34) од селото Полаки, Kочанско, со такси-возило заминале за село Kојково. На таксистот наводно му кажале дека требало да се видат со нивен пријател. Со маски на главите и со ракавици на рацете влегле во куќата на Љ.М.(73), кој живеел со сопругата Ц.М.(73), која инаку е болна и неподвижна.
Тука почнал теророт. Им удирале тупаници и ги малтретирале за да им кажат каде се парите. Потоа со јаже му ги врзале рацете и нозете на пензионерот, кој бил упорен и не им кажал каде се парите од пензијата. Нервозни, разбојниците почнале да ја пребаруваат куќата. За тоа време дедото успеал да се одврзе, зел ловна пушка и ги начекал двајцата во моментот кога излегувале од куќата со украдените пари. Тој пукал кон двајцата, по што Зоран З. Бил погоден, паднал на самото место и починал.
Ранет бил и Б.И., но успеал да избега и дошол до такси-возилото што ги чекало на оддалеченост од околу 5 километри од местото на настанот. Тој сега е на лекување на клиниката за неврохирурхија. Против него е поднесена пријава за разбојништво.
Од полицијата ни рекоа дека во текот на судската постапка ќе се дознае дали пријавата за убиство против пензионерот ќе биде за убиство во нужна одбрана или, пак, убиство извршено во миг. С` зависи од тоа каде биле престапниците, дали во неговиот дом или тој пукал во нив додека биле на бегање.
Според адвокатот Даниел Георгијевски, убиство во миг се третира како привилегирано дело на лишување.
- Kарактеристична е силната надразнетост на сторителот, доведен во таква фаза без своја вина. Во случајов станува збор за малтретирање кое го довело во таква силна надразнетост.
Од правен аспект, за да се третира како убиство во миг, потребно е убиството да се изврши непосредно веднаш по нападот. Ваквото дело, се смета дека е умислено, односно сторителот дејствува со стеснета свест, одлуката е брза, изненадна, сторителот е свесен за дејствието и последицата, и се согласува со нејзино настапување - вели адвокатот.
Од друга страна, според него, кај нужната одбрана наместо одбивање на нападот, сторителот го лишува од живот напаѓачот во состојба на силна надразнетост, дури и кога завршил нападот.
- Ако станува збор за нужна одбрана, односно нејзино пречекорување, сторителот го одбива нападот со уверување дека единствено на тој начин може да го одбие - анализира адвокатот Георгијевски.
Сепак, покрај убиството и обидот за убиство, проблем со законот на пензионерот му направила и старата ловџиска пушка, која ја чувал дома и со неа ги одбрани домот и неподвижната баба. Токму поради таа пушка му е поднесена уште една пријава за нелегално поседување оружје.
http://www.dnevnik.com.mk/default.asp?ItemID=534C11A3932B3C47AB6D6AFEE5E9B9CB
