Вежби на АРМ

Што камиони се оние во позадина,прв пад ги гледам





Личи,а и највероватно е Oshkosh FMTV...





Вајда донација   

Тие се, само не знам дали се наши.
На времето добивме и донација на Stewart & Stevenson FMTV A1, кои се претходна верзија на Oshkosh-иве (бидејќи они го добија тендерот во САД за да продолжат со производството на овој камион).
http://www.pngmilitarymuseum.org/exhibits/equipment/vehicles/5_ton/FMTV_A1.html

Па би требало да се наши,зашто ова е од вежбата Мак. Блесок 10,на која учествува само АРМ,вајда е у склоп на онаа донација што УСА ни ја поклони во изминативе години

наши се ги има во кас.Илинден

Отварање на вежбата Брз Рис-14 во Кичево

Во период од 12 до 16.05.2014 година во касарната „Чеде Филиповски-Даме“ во Кичево ќе се реализира ситуационо-тактичката вежба на терен „Брз Рис 14“. На вежбата е планирано самооценување Ниво 2 на механизираната пешадиска чета во улога на чета за заштита на силите за борбената група на Европската Унија (ЕУБГ 2014-2).
Во текот на денешниот ден во Кичево се реализираше воена свеченост на која командантот на првата механизирана пешадиска бригада (1.мпбр), бригаден генерал Павле Арсоски официјално ја прогласи вежбата за отворена.
Исто така денеска во Куманово и Петровец се реализираа состаноци на командантот на ЕУБГ 2014-2 од Армијата на Кралството Белгија полковник Филип Буке, со заменикот на командантот на здружена оперативна команда бригаден генерал Мухамет Рацај и со командантот на 1.мпбр.
Главна цел на вежбата е создавање на реални услови во согласност со тековните безбедносни предизвици за промовирање на борбената готовност на механизираната пешадиска чета. Вежбата представува подготовка за учество на вежбата „Брз Лав 2014“ на која ќе се реализира оценувањето на борбената група на Европската Унија во период од 02-13.06.2014 година во Белгија на која ќе учествува и декларираната чета ЕУБГ на АРМ.
Вежбата создава опружување кое обезбедува услови за презентирање на способноста за исполнување на доделената мисија од страна на декларираната единица и нејзина способност за непречена интеграција во состав на операции предводени од ЕУ.

http://www.arm.mil.mk/vesti/zok/2014/05/vezba_brz_ris.html

Леле сите на просечното ниво на висина за во АРМ 1.75  и фитнес почнувајки од лево 2-риот , 3 -тиот , 4-твртиор     (1 слика )

Некако АРМ по активни се,можеби МВР не ставаат слики,не знам

На вежбата „Брз Рис 14“ оценување на четата за заштита на сили ЕУБГ 2014-2

На, 14 мај 2014 година во касарната „Чеде Филиповски Даме“ во Кичево, во рамките на вежбата „Брз Рис 14“ започна Самооценувањето Ниво 2 на чета за заштита на сили (чЗС) ЕУБГ 2014-2.
Активностите започнаа со брифинзи од страна на командирот на чЗС ЕУБГ 2014-2 , директорот на тимот за оценување и директорот на вежбата на командантот на ЕУБГ 2014-2 полковник Филип Буке од Армијата на Кралството Белгија на кои беше извршено запознавање со спецификацијата и планот на вежбата.
За време на посетата командантот на ЕУ БГ ги обиколи и детално се запозна со состојбата во четата како и со формираните команди за реализација на вежбата.
По предавање на рапорт од страна на командирот на четата на лидерот на оценувачкиот тим започна и инспекција на опремата, магацините и работните простории на четата. Пред ЧЗС чета и се обрати и полковникот Буке при што изрази благодарност до АРМ за придонесот во формирањето на борбената група. Исто така истакна дека искуството стекнато при извршуање на операции за подршка на мирот во Авганистан се добродојдени и му дават уште поголема доверба за извршување на евентуалната мисија.

Вежбата ќе продолжи со издавање на Фрагментарна наредба на командирот на четата, со што единицата ќе ја запоседне предвидената база каде во наредниот период ќе се обезбедува командата на ЕУБГ, решавајќи повеќе настани и инциденти.
Оценувањетo ќе продолжи и во наредниот ден според планираното сценарио.

http://www.arm.mil.mk/vesti/zok/2014/05/ocenuvanje_brz_ris.html

Извежбување на припадниците од 3.механизиран пешадиски баталјон за мировни операции

Во период од 12.05 до 14.05.2014 година припадниците од 3.механизиран пешадиски баталјон (3.мпб) од составот на 1.механизирана пешадиска бригада реализираа ситуационо-тактички вежби (СТВ) со теми од мировни операции.
Вежбите кои беа реализирани на полигонот за обука во касарната “Н. Х. Кузман Јосифовски-Питу“ во Тетово и на полигоните за обука во зоната на одговорност на 3.мпб, опфатија веќе подготвени реалистични сценарија во кои припадниците на 3.мпб решаваа задачи за обезбедување на база, воспоставување на контролна точка, спроведување на патрола, обезбедување на конвој, реакција на импровизирани експлозивни направи и друго.
Со реализацијата на СТВ, припадниците на 3.мпб ја потврдија подготвеноста за справување со предизвиците кои ги налага современиот начин на војување и покажаа дека се подготвени да се носат рамо до рамо со армиите на земјите членки на НАТО алијансата.

http://www.arm.mil.mk/vesti/zok/2014/05/izvezbuvanje_3mpbr.html

Продолжува оценувањето на четата ЕУБГ на вежбата „Брз Рис 14“

На ден 15 мај 2014 година во касарната „Чеде Филиповски Даме“ во Кичево во рамките на вежбата „Брз Рис 14“ продолжи оценувањето на четата за заштита на сили ЕУБГ 2014-2 .
Во утринските часови вежбата продолжи со запоседнување на базата од страна на четата ЕУБГ. Реализацијата на редовните задачи, патролирање во определената зона и контролата на влез и излез во класифицираните зони се активности кои можат да се воочат деновиве во замислената база, каде е сместена Командата на ЕУБГ 2014-2.
Еден вод од четата беше ангажиран и за ескортирање на конвој составен од неколку возила со хуманитарна помош за раселените лица предвидено со сценарио на вежбата.
Активностите продолжуват со предвидената динамика и во попладневните и ноќни часови. Раздвиженоста на персоналот и техниката дава чуство на реални услови како да е некаде далеку од Република Македонија каде нашите мировници придонесуват за одржување на мирот.
До крајот на денот беше реализиран и проектот од доменот на цивилно-воената соработка за донацијата која се состои од една целодневна ужина од прехранбени продукти на дневниот центар за лица со посебни потреби во Кичево.
„Големината е во хуманоста“ беше пораката која со големи букви стоеше на еден од ѕидовите во центарот. Насмевката на лицето на децата згрижени во центарот даваа чувство на задоволство за самата донација, со што се потврдува хуманоста на припадниците на АРМ.

http://www.arm.mil.mk/vesti/zok/2014/05/prodolzuva_ocenuvanje_ris14.html