Вежби на АРМ

Продолжува вежбата „Брз Лав 14“

На ден 06.06.2014 година продолжуваат активностите на вежбата „Брз Лав 14“ со учество на четата за заштита на силите од борбената група на Европската Унија (ЕУБГ 2014-2).
Во текот на денот од страна на четата од составот 4 механизиран пешадиски баталјон на 1.механизирана пешадиска бригада во согласност со замисленото сценарио на вежбата реализираа активности во согласност со листата на суштински задачи од мисијата во рамките на ЕУБГ 2014-2 (пронајдена изгубена муниција и начин на реакција, прием и ескорт на ВИП личности, барање за средба со високи претставници, недозволено фотографирање и сл).
Штабниот персонал од составот на АРМ, како составен дел од командата на ЕУБГ 2014-2, на своите должности продолжија да ја презентираат способноста за справување со предизвиците на оперативното планирање, а со тоа и придонесуваат за успешната сертификација на штабот на ЕУБГ, што е и примарна задача на вежбата Брз Лав-14.
Посебно би требало да се нагласи и исклучителната реакција на патролата од составот на четата при реално пронаоѓање на сомнителен ранец во близина на базата кој од страна на тим за разминирање (ЕОД тим) од белгиската армија беше уништен со експлозив.
Во истото време припадниците од останатите земји учеснички: (Холандија, Луксенбург, Шпанија, Германија и Белгија) го дадоа својот придонес и учество на вежбата со реакција на различни настани и инциденти.
Во текот на наредниот ден продолжуваат активностите на вежбата и обиколката на командантот на борбената група на сите единици кои учествуваат на вежбата.

http://www.arm.mil.mk/vesti/pocetna/2014/06/brz_lav_prodolzuvaat_aktivnostite.html

Ај една и од мене.. т.е. од друг агол првата слика.   

Официјално заврши оценувањето во рамките на вежбата „Брз Лав-14“

На ден 10.06.2014 година и официјално заврши оценувањето во рамките на вежбата „Брз Лав-14“, во Кралството Белгија.

Во текот на денешниот ден се реализира и најголемиот предизвик и ангажирање на персоналот на четата во инцидент при кој ги покажаа постапките при демонстрации на цивилно населени и формирање на кордон.

Со овој инцидент и официјално заврши оценувањето на штабот и единиците по што беше реализирана парада со единиците учесници на вежбата.

На денот на завршувањето на вежбата, во областа Сен Хубер (Saint Hubert) во Белгија, во обиколка на вежбата беше и високиот претставник на Република Македонија при НАТО и ЕУ, бригаден генерал Бранко Дракалски.

Генералот Дракалски беше пречекан од највисокиот национален претставник на вежбата, потполковникот Ѓоко Максимов и командантот на четата за заштита на силите ЕУБГ 2014-2, мајор Оливер Данилоски.

На ден 12.06.2014 година во рамки на вежбата „Брз Лав-14“ е планиран Ден на високи гости, каде ќе се презентираат постапки и активност, а ќе се дадат и тактичко технички карактеристики на дел од опремата која е во состав на единиците.

http://www.arm.mil.mk/vesti/pocetna/2014/06/brz_lav_zavrsuvanje_ocenuvanje.html

Фино ги извалкале... не вежбаат како кај нас со пластични шишиња.  

Alvar напиша:

Фино ги извалкале... не вежбаат како кај нас со пластични шишиња.  

И со 100 души специјалци,15-20 "хулигани"

MИА

Крај на мултинационалната вежба “Брз Лав 14”
http://www.mia.mk/mk/Inside/RenderSingleGalleryTest/4391/1?month=6&year=2014&day=12&desc=0

Припадниците на АРМ кои учествуваа во мисијата „Брз Лав-14“ пристигнаа во Македонија

Припадниците на АРМ кои учествуваа во мисијата „Брз Лав-14“, како дел од четата за заштита на силите од борбената група на Европската Унија (ЕУБГ 2014-2) во Кралството Белгија, денеска се вратија во Република Македонија со највисоки оценки. На вежбата, припадниците на АРМ, учествуваа во оценувањето на штабот на ЕУБГ 2014-2 со фиктивни сценарија за хуманитарна мисија за поддршка на раселени лица и бегалци, како и за пребарување и затворање на лица осомничени за воени злосторства.

Предизвик на вежбата претставуваше заедничката работа на 6 различни земји ( Република Македонија, Kралството Холандија, Луксембург, Kралството Шпанија, СР Германија и лидерот Kралството Белгија) со персонал од околу 2500 војници во една борбена група.

         На оваа вежба АРМ уште еднаш ја покажа својата обученост и интероперативност.

http://www.arm.mil.mk/vesti/pocetna/2014/06/pristigna_brz_lav_makedonija.html


















---

Припадниците на полкот за специјални операции на мултинационалната вежба „Платинест волк 2014“

Во периодот од 30.06.2014 до 10.07.2014 година припадници од Ренџерскиот баталјон од составот на полкот за Специјални Операции учествуваат во мултинационалната вежба „Платинест волк 2014“ која се реализира во Република Србија.

На вежбата покрај припадниците на АРМ учествуваат и припадници од вооружените сили на Србија, Бугарија, Романија, Азербејџан, Хрватска и Соединетите Американски Држави. Цел на вежбата е промоција на употребата на несмртоносните оружја во мировните мисии и зголемување на партнерските капацитети на земјите учеснички.

Вежбовните активности се одвиваат во две фази и тоа во првата ќе се врши запознавање со можностите на несмртоносните оружја и нивно користење, додека во втората фаза ќе се обработуваат теми од мировните мисии како што се патрола, контролна точка итн.

Мултинационалните вежби се одлична можност за размена на искуства, зголемување на способностите на единиците, интероператибилноста како и градење на меѓусебни односи.

http://www.arm.mil.mk/vesti/pso/2014/07/vezba_platinum_vulf.html

„Платинест волк 2014“