Нападната полициска патрола на влезот на селото ЧифликВооружена престрелка меѓу полицијата и непознато лице се случила во петок вечер, половина час пред полноќ, на влезот на селото Чифлик, соопшти полицијата.
Според истиот извор, во полицијата било пријавено дека на влезот на селото се наоѓаат две сомнителни возила, „опел вектра“ и „ауди“, по што полицијата дошла да провери.
Во еден момент, лицето што било во „опелот“ испукало неколку истрели од огнено оружје кон нив, на што полициските службеници возвратиле. Истиот по испукувањето побегнал во непознат правец.
Нема повредени лица, а четирите лица од „аудито“ биле приведени во СВР Тетово и по извршениот разговор биле пуштени. Увид на местото на настанот извршила екипа од СВР Тетово.
Се преземаат мерки за пронаоѓање на сторителот и за целосно расчистување на случајот.
http://makfax.com.mk/crna-hronika/napadnata-policiska-patrola-na-vlezot-na-seloto-ciflik
______________________
Si vis pacem, para bellum
