МВР - новости

Реално имаме загинат полицаец. Тоа само по себе кажува дека и не е толку безопасна професија. Во делот на обемната документација и превземањето на одговорност повторно се враќаме на реобуката. Да појаснам: кога реков реобука не мислам само на боречки вештини, пукање и сл. Главната цел на реобуката е промена на менталниот склоп на полициските службеници за кој и самиот кажа дека е од еден друг систем. Од друга страна преку подобрувањето на индивидуалните вештини на полициските службеници ќе се зголеми и нивната самодоверба, рефлекси и брзина на одлучување што многу ќе им помогне во критични ситуации.

П.С Како што знам ти си студент на Факултетот за безбедност па како иден полицаец ти давам најдобронамерен совет: Секогаш биди подготвен за најлошата варијанта а доколку не се случи ништо не си во загуба.

Пред се благодарам за советот. Иако во поголем дел си во право, во последните неколку години имавме примери каде што полициски службеници, поради преземање на дејствија кои се дел од секојдневното полициско работење, а меѓу другото се законски пропишани како такви (пр. употреба на огнено оружје), завршија во затвор. Дали тоа беше поради нивна вина или поради притисок од медиумите и одредени политички ешалони врз и онака корумпираните правосудни органи, не би сакал да коментирам. Муабетот ми беше дека сите овие ситуации и медиумски хајки дејствуваат врз менталниот склоп на полициските службеници. Земи го примерот со полицаецот од Свети Николе кој уби возач во самоодбрана. Случајот доби енормно медиумско внимание, ако не се лажам имаше и некакви протести, искажување на гнев, разни дебати низ социјални мрежи и слично и на крајот полицаецот беше осуден на 3 години затвор. Направи споредба со случајот каде полицаецот беше убиен во Куманово, спомнаа на вести, спомнаа низ неколку електронски медиуми, сторителот е лишен од слобода и толку. Сега ги нема тие самопрогласени експерти низ медиумите и социјалните мрежи да млатат празна слама.

Го осудија полицаецот од Св. Николе!?

Полициски службеник загина при интервенција во Куманово

Полицискиот службеник Г.С. (36) од Куманово почина вчеравечер во болницата во Куманово од повреди кои ги доби од нож при интервенција за приведување на лицето Е.Б. (33) од кумановската населба Средорек.

Имено, на 30.07.2016 во 21.30 часот во СВР Куманово од страна на Итна медицинска помош било пријавено дека во во населбата Средорек, во куќата сопственост на М.Б., лицето Е.Б. (33) физички ги нападнал и повредил неговата мајка Р.Б. и неговата сеста Е.Б., кои биле пренесени на хируршкото одделение во болницата во Куманово. Веднаш потоа од полициската станица во болницата била упатена екипа за интервенција од двајца полициски службеници кои извршиле разговор со повредените. Од разговорот било констатирано дека се работи за лице со нарушено психичко здравје кое било многу агресивно. По насока на дежурниот во полициската станица екипата за интервенција се упатила да даде асистенција на Итната медицинска помош за обезбедување на Е.Б. и спроведување во соодветна медицинска установа. Со оглед на тоа дека се работело за агресивно лице со нарушено психичко здравје на местото на настанот била испратена уште една група за интервенција од двајца полициски службеници. На местото на настанот полициските службеници ги пречекал таткото на Е.Б. и им рекол дека е во куќата. Сите четворица полициски службеници се упатиле внатре, но поради тесниот пристап до влезот прв бил сега починатиот Г.С. , а по него останатите. Кога влегле внатре лицето E.Б. замавнал со стаклен предмет кон нив, но никого не повредил. Во тој момент Г.С забележал дека лицето има нож и им рекол на колегите да се повлечат. На излегување Г.С им рекол на колегите дека најверојатно е повреден со нож и дека имал крв на грбот. Повредениот полициски службеник со возило на итната медицинска помош веднаш бил префрлен во кумановската болница, каде како итен случај бил примен на хируршкото одделение каде започнала реанимација на градниот кош. Меѓутоа, по кратко време Г.С. им подлегнал на повредите.

Полициските службеници кои останале на местото на настанот по кратко време го совладале лицето Е.Б. и го привеле во СВР Куманово. Во присуство на Јавен обвинител, екипа на СВР Куманово изврши увид на местото на настанот. Телото на починатиот полициски службеник е предадено за обдукција на Институтот за судска медицина.

Инаку, лекар од Медицински центар Куманово во повеќе наврати барал асистенција од полицијата при укажување лекарска помош на лицето Е.Б. Истиот подолг период престојувал во психијатриската болница Бардовци во Скопје.
http://www.mvr.gov.mk/vest/2395

Слава му

Селекција за прием на кандидати за полициски службеници
http://www.mia.mk/mk/Inside/RenderSingleGalleryTest/133286095/1?month=8&year=2016&day=3&desc=0

3972 се борат за 600 места

И сеа кој ќе влезат, оние со најдобри резултати... или?