- Momak od Gjorce напиша:
- Нека го кажат целото име и презиме
Македонецот Стефан врбувал војници за ИСИС, уапсен во Kелија
Извори од истрагата потврдија дека меѓу 9-те притворени во операцијата „Келија“ е и
Стефан Стефановски од Скопје кој неколкупати бил на боиштето во Сирија. На 31-годишниот Стефан судот му одреди 30-дневен притвор откако вчера заедно со уште 35-мина македонски државјани доби кривична пријава според член 322А од Кривичниот законик, со кој се предвидени казни за борците кои учествуваат во странски конфликти или пак организираат и врбуваат поединци за учество во терористички и паравоени формации.
Според истражните сознанија Стефановски неколкупати заминувал за Сирија и се враќал, а во Македонија имал задача да врбува нови борци. Претходно тој од христијанство преминал во исламот и добил муслиманско име. Од собраните докази утврдено е дека 31-годишниот скопјанец заминувал во редовите на ИСИС од идеолошки причини и поради верување во исправноста на целите на терористичката организација, а не како платен војник. За Сирија како и останатите припаднци на ИСИС патувал со фалсификуван пасош и најчесто преку Турција.
И вчера на прес конференцијата по акцијата „Келија“ министерот за внатрешни работи Митко Чавков изјави дека сите 9 уапсени се македонски државјани од различни националности. Полицијата трага по уште 27 осомничени, а за 20-тина од нив претпоставува дека се на боиштата во Сирија. Уапсен е и скопскиот имам Мемиши, а министерот Чавков изјави дека тој е еден од идеолозите на групата од акцијата „Келија“.
http://telma.com.mk/vesti/makedonecot-stefan-vrbuval-vojnici-za-isis-uapsen-vo-kelija
______________________
Si vis pacem, para bellum
