Албанската мафија ги киднапира и мачи емигрантите кои низ Македонија се движат кон Србија Албанската мафија во Македонија ги киднапира емигрантите кои секојдневно минуваат низ нашата земја и Србија на патот кон западна Европа, ги држат во една куќа во селото Ваксинце, ги тепаат и за нив бараат откуп, јавува британски Ченел 4.
Емигрантите авганистански шверцери ги внесуваат во товарни возови на граничниот премин со Грција во близина на Гевгелија и ги превезуваат со вагони без прозорци во кои е жешко како во печка.
Во овој дел од Европа развиена е авганистанската шверцерска мрежа, истакнува британскиот ТВ канал.
Но, секоја недела стотици од нив не стигнуваат во Србија како што е планирани, бидејќи возовите ги киднапира албанската мафија.
Ги чекаат вооружени со стапови и ножеви и кога преморени ќе излезат од металните вагони, често едвај дишејќи, во паника и жедни, ги проморуваат да одат два часа кон свеер до малото албанско село Ваксинце.
Во тоа село се наоѓа куќа во која ги држат заробените емигранти – неколку помали соби во толку луѓе едвај можат да дишат, а кога спијат, лежат едни преку други.
Невозможно е да се избега, бидејќи околу куќата 24 часа кружи патрола на вооружени мажи. На една од видео снимките која стигнала до јавноста се гледа како чуварите ги тепаат емигрантуте. Сите киднапери се вооружени со ножеви, а некои дури и со мачети.
Единствениот излез е да платат откуп од 500 до 1.000 евра и потоа можат пешки да се упатат кон Србија. На Сиријците им се наплаќа повеќе од другите бидејќи ги сметаат за побогати.
Илјадници емигранти секоја недела се заробени во куќата, од која единствениот излез е плаќање на откуп.
Новинарите на британски Ченел 4 ја информирале македонската полиција за своите откритија, каде им било ветено дека случајот ќе биде истражен.
http://www.mkd.mk/makedonija/albanskata-mafija-gi-kidnapira-i-machi-emigrantite-koi-niz-makedonija-se-dvizhat-kon
______________________
"Through discipline comes freedom"
