„Коха диторе“: Седум косовски џихадисти доселени во скопскоСедум лица од Косово кои се бореле на страната на Исламската држава (ИД) во Сирија, се вратиле на Балканот и сега се сместени во неколку села во близина на Скопје, објави приштинскиот весник „Коха диторе“.
Весникот се повикува на разузнавачки служби, кои биле информирани за пристигнувањето на Лавдрим Мухаџери, Ридван Хакифит и пет други Албанци, членови на ИД.
Голем број старнски џихадисти почнаа да ја напуштаат Сирија откако Русија, почна со бомбардирање цели на ИД во Сирија.
http://a1on.mk/wordpress/archives/556437Коха диторе: Има сомневања дека Мухаџери се крие во Македонија
Косовскиот дневен весник "Коха диторе" објави информација дека има сомнежи дека познатиот терорист од Косово, Лавдрим Мухаџери кој војува на страната на терористите во Сирија се крие во Македонија.
Весникот во текст со наслов „Има сомнежи дека Лавдрим Мухаџери и Ридван Хаќифи се кријат во Македонија“ пишува дека седум терористи на ИС од Косово се вратиле од Сирија и се наоѓаат во земјите на Балканот. За Мухаџери и Хаќифи се наведува дека се кријат во некои скопски села.
Голем број странски џихадисти почнаа да ја напуштаат Сирија откако Русија, почна со бомбардирање цели на ИД во Сирија.
За Мухаџери неколку пати беше објавувано дека е мртов
Весникот пишува дека голем број борци на страната на Исламската држава ја напуштиле Сирија по нападите на Русија врз Сирија. Мухаџери кој потекнува од косовскиот град Качаник, е познат како „офицер за врски“ меѓу Исламската држава и Албанците од Косово и од Македонија.
По информациите дека е убиен, во јавноста се појавуваа повторно видеа на кои беше Мухаџери, но сè уште не постои сигурен доказ дали е жив или убиен.
Го привлече вниманието на јавноста по пропагандниот видео запис „Ѕвечкање на мечевите“, каде е прикажан како мавта со сабја над главата и извикува дека ќе ги освои Рим и Шпанија. После тоа, тој и негов пријател, Албанец, ги палат своите пасоши.
Јавноста беше згрозена кога на својот Фејсбук профил објави снимка и слики како му ја отсекува главата на момче од Сирија.
Мухаџери е харизматичен говорник и беше многу активен на социјалните мрежи, но откако се појавија гласините дека е убиен, исчезна од сајбер просторот и неговата Фејсбук страница веќе не постои.
Неговото место во редовите на ИС го зазел неговиот колега од видео записот на кое ги палат пасошите, Ривдан Хаќифи, за кого исто така косовскиот весник пишува дека се крие во Македонија.
Тој пак ја шокираше јавноста со наредбата да се убијат сите оние кои помогнале за враќањето на Косово на момчето чиј татко го однесе на боиштата во Сирија.
Дилемата дали Мухаџери е жив или мртов и ако е жив зошто се крие, аналитичарите ја толкуваат како можност Мухаџери да ги имитира високо рангираните терористи како Абу Бакр ал-Багдади и неговиот воен заповедник Умар ал Шишани за кои, неколку пати се тврдеше дека ги убиле Курдите.
Аналитичарите толкуваат дека нема сомнеж дека Мухаџери е интелигентен и искусен воен стратег. Тој работел во главната американска база на Косово "Bondsteel". Во 2010-тата година преку приватна компанија заминал во Авганистан каде работел во камповите на НАТО.
По враќањето во родниот Качаник се поврзува со независни исламски организации, пред да замине за Сирија и да пристапи во редовите на милитантите на Исламската држава.
Се верува дека прв пат во Сирија отпатувал во 2012-тата година, за по 12 месеци да се врати на Косово, каде е предмет на полициска истрага.
Набргу, засекогаш ја напуштил татковината и се вратил во Сирија, како еден од 500-те етнички Албанци од западен Балкан кои се борат на страната на Исламската држава.
http://tocka.com.mk/1/178827/koha-ditore-ima-somnevanja-deka-muhadzeri-se-krie-vo-makedonija 
