Антитерористичка акција на МВР: Во Скопје, Струга и Куманово се апсат припадници на ИСИСМакедонската полицијата во моментов спроведува голема антитерористичка акција на повеќе локации во Македонија против припадници на ИСИС во земјава.
Според првичните информации, акцијата е насочена и против лица кои учествувале во врбување на македонски државјани за учество во паравоени формации. Полицијата врши претреси и апсења во повеќе градови. Во Скопје, Струга и Куманово уапсени се неколку лица, но во тек се и претреси во објекти во Гостивар и други локации.
Полицијата влегла и во придружни објекти на џамија во Скопје која веќе подолго време не е под контрола на Исламската верска заедница.
Од МВР ја потврдуваат акцијата, но повеќе детали најавуваат во текот на денешниот ден по завршувањето на големата акција.
http://kajgana.com/antiteroristichka-akcija-na-mvr-vo-skopje-struga-i-kumanovo-se-apsat-pripadnici-na-isisВо Македонија се апсат припадници на ИСИС, голема антитерористичка акција на МВРПривршува големата антитерористичка акција на македонската полиција на повеќе локации во земјава, која почна рано утрово во 3.30 часот. Акцијата е насочена против лица што учествувале во врбување македонски државјани за учество во паравоени формации. Дел од уапсените се и директни учесници на боиштата во Сирија и Ирак.
Полицијата вршела претреси и апсења во Скопје, Струга, Куманово, Гостивар и други локации. Уапсени се неколку лица. Граѓани на Куманово потврдувааат дека од утрово се слушаат пукотници и надлетување на хеликоптери. Засега нема информации за жртви.
Во Скопје акцијата се одвиваше во скопските населби Гази Баба, Дижонска и Серава. Полицијата извршила претрес и во придружните објекти на џамиите Тутунсуз и Јаја Паша, за кои од ИВЗ добила информации дека не се контролирани од таа верска институција.
Според првичните информации, во акцијата е приведен имамот на џамиите Тутунсуз и Јаја Паша, Реџеп Мемиши.
Од МВР повеќе детали најавуваат во текот на денешниот ден, по завршувањето на акцијата.
http://www.mkd.mk/makedonija/politika/vo-makedonija-se-apsat-pripadnici-na-isis-golema-antiteroristichka-akcija-na-mvr 
