Офицерките со два прстена и обетки до 8 милиметри!Тие мора да бидат уредно облечени, да имаат дискретна шминка, а од накит да носат само два прстена - веренички или венчален, ланец околу вратот кое нема да се гледа и обетки не поголеми од 8 милиметри во дијаметар. Најголемите ограничувања офицерките и жените-војници имаат кога е во прашање фризурата. Имено, косата не смее да биде фарбана во екстремни бои, ниту подолга од висината на крагната на задната страна од вратот. Доколку е подолга таа треба да биде собрана и на неа да нема украси кои ќе одвлекуваат внимание. Не се дозволени венчиња, светкави шноли и машни
Офицерките во АРМ се уште се ословуваат со госпоѓице или госпоѓо, во зависност од нејзината брачна состојба и покрај тоа што ЕУ-стандардите налагаат оваа сексистичка титула целосно да се укине или да се употребува само госпоѓа. За разлика од жените кои имаат чин, војниците од понежниот пол се нарекуваат по презиме и не се персираат. Ова правило, велат од АРМ, е општо прифатено и согласно новиот Правилник за односи во вршење на службата во АРМ каде се прецизирани и други одредби кои се однесуваат на изгледот и начинот на однесување на жените во униформа, но и на цивилниот персонал.
- Ние сме дел од општеството, така што доколку државата предложи или одлучи во официјалното обраќање жените да не се повикуваат како госпоѓи или госпоѓици, бидејќи, како што велите, се работело за сексистички титули, ние би го прифатиле тоа. Во моментов кон нашите колешки се обраќаме со госпоѓо или госпоѓице па потоа со нејзиниот чин, во зависност од тоа дали е таа во брачна врска или не, доколку ние познат тој податок или пак според сопствена процена. Се разбира подготвени сме и да се извиниме доколку погрешиме во процената, вели полковник Мирче Ѓорговски портпарол на Генералштабот на АРМ.
Брисел неодамна препорача за жените да се укине терминот "госпоѓица" од официјална употреба и во администрацијата на ЕУ почна да се спроведува, па од оваа секстистичка титула со декрет се огради и Франција а од неодамна и Србија.
Сепак, новите правила на однесување ги задржува чиновите во машки род, така што и во овие држави обраќањето кон жена капетан, на пример, би било "госпоѓо капетан".
Гласноговорникот на македонскиот генералштаб, полковникот Ѓорговски информира за воведување на повеќе новини кои согласно Правилникот се однесуваат на изгледот на припадничките на понежниот пол кои работат во армијата.
Тие мора да бидат уредно облечени, да имаат дискретна шминка а од накит да носат само два прстена - веренички или венчален, ланец околу вратот кое нема да се гледа и обетки не поголеми од 8 милиметри во дијаметар.
Најголемите ограничувања офицерките и жените-војници имаат кога е во прашање фризурата. Имено, косата не смее да биде фарбана во екстремни бои, ниту подолга од висината на крагната на задната страна од вратот. Доколку е подолга таа треба да биде собрана и на неа да нема украси кои ќе одвлекуваат внимание. Не се дозволени венчиња, светкави шноли и машни. Во однос на фризурата, таа не смее да биде трендовски потстрижена, ниту пак да има бричени делови на скалпот.
- На уредната фризура се инсистира поради тоа што треба да се овозможи непречено носење на капата или шлемот, појаснува полковник Ѓорговски.
Ноктите треба да бидат уредни, долги најмногу до 5 милиметри лакирани со дискретни бои и не смее да бидат дизајнирани.
Новите Правила на служба пропишуваат дека и жените кои не се во униформа да се придржуваат кон правилата кои велат здолништето да не биде пократко од колената, да не се носат фармерки или чевли со отворени прсти. Генерално, на сите не им е дозволено носење на пирсинг или тетоважа на деловите од телото кои се гледаат.
Во ЕУ, во октомври, лани беше објавен Правилник за родово неутрално ословување којшто мора да го користат европските политичари. Тие дури го укинаа и терминот госпоѓа и препорачаа жените да се викаат според нивните имиња. Со истиот правилник спортистите се нарекуваат атлети, а државниците политички лидери.
http://vecer.mk/?ItemID=C46F3AF73D3FDC4EBB75DDE4BC412CCF 
