АРМ - новости

Legija91 напиша:

За откривање на мини ако не се лажам.
Само што ова ми личи на ептен стар модел ..   
Другите армии ваквите машини ги имаат покриено со оклоп или пак ги имаат закачено на тенкови ваквите справи.

Не е за откривање на мини туку за деминирање на простор,и зашто му е оклоп кога ова возило се контролира со џоестик,значи при негов напад или активирање на неуништена мина се исклучува можноста од човечка жртва.

Тие што ги прикачуваат на тенк се сосема други,се прикачуваат на гасениците од тенкот(зашто мината би се активирала само ако гасеницата од тенкот помине над мината),и се во друга форма,не се со синџири(кој ротираат),туку повеќе тркалца...

http://anzacsteel.hobbyvista.com/Armoured%20Vehicles/Images/mcrs07.jpg

На џоистик ?
Не сум знаел, пошто гледам во АРМ -темата така да џоистик не ми ни падна на памет.
  

Обука во зимски услови во 1.мпбр

Оваа ми е многу подобра униформа од оваа новата.

Продочжува делењето на армискиот имот...

http://www.morm.gov.mk/content/?ID=2F17CF7C46C22C061B70A58E71BB8BEF291F7FF3&lang=mk#.UvgWFc6a98E

Овој имот е оттуѓен уште од заминувањето на АРМ од касарната во Охрид,ако помните,имаше мадиумска прашина дека крадци на железо украле цел тенк,да украле,ама распарчен М-8 грејхаунд оставен како мета од ЈНА,распарчен до таа мера до непрепознатливост за кој тип станува збор.(Шерманот и уште еден М-8 Грејхаунд беа повлечени и постојат слики од нив)Ова што сега пак се актуелизира е ништо освен реклама,во недостаток на проекти.

Обука на противпожарната бригада на град Скопје од страна на припадници од четата АБХО од 1.мпбр

Како дел од одличната соработка помеѓу АРМ, Дирекцијата за заштита и спасување и Противпожарната Бригада на град Скопје во период од 10.02. до 14.02.2014 година од страна на четата за АБХО од составот на 1.мпбр се спроведе обука на Противпожарната Бригада на град Скопје со цел подобрување на ефикасноста и ефективноста во спроведувањето на активностите и мерките за заштита и спасување кога има радиолошка, хемиска и биолошка контаминација.
Како завршен дел од обуката денес 14.02.2014 година на полигонот на Противпожарната Бригада на град Скопје во 12.00 часот од страна на искусни инструктори од четата за АБХО се реализира показна вежба по сценарио : „ Справување со инцидент со опасни непознати материи и спроведување лична и колективна деконтаминација“ при што од страна на инструкторите од четата АБХО беа покажани на дело постапките и процедурите кои се применуаат при сообраќаен инцидент кога има истекување на опасни хемикалии.
На презентацијата покрај заменик на командантот на 1.мпбр полковник Велин Стојановски присуствуваше и директорот на Дирекцијата за Заштита и Спасување , претставници од Воената Академија, Противпожарната Бригада на град Скопје и претставници од градот Скопје.
Претходно во изминатите денови обуката за радиолошка, хемиска и биолошка заштита со припадниците на Противпожарната Бригада на град Скопје и тим лидерите на тимовите за брз одговор за хемиска заштита од Дирекцијата за заштита и спасување. се реализираше според изработен план во кој беа опфатени следните содржини:

Карактеристики на НХБ оружје,
Средства за РХБ детекција и дозиметрија,
Средства за лична и колективна РХБ деконтаминација,
Постапки во АБХ услови со персоналот од Противпожарна бригада на град Скопје.

Ова претставува пример за одлична соработка помеѓу Армијата на Република Македонија со државните институции на Република Македонија и во иднина истата ќе се развива и продлабочува. Целта на обуката е припадниците на ППБ на град Скопје да се обучат во извршување на процедури и постапки во АБХ услови и со тоа да овозможат сигурност и навремена заштита на граѓаните на Република Македонија.

http://www.arm.mil.mk/vesti/zok/2014/2/obuka_abho_pp_brigada.html

Генерали и адмирали од ГШ на Вооружените сили на Република Турција во посета на МО и ГШ на АРМ

Висока делегација на Генералштабот на Вооружените сили (ВС)  на Република Турција, предводена од генерал-потполковник Мехмед Дајсал, од вчера претстојува во официјална тридневна посета на Република Македонија и АРМ. Делегацијата составена од повеќе генерали и адмирали од ГШ на ВС на Република Турција, посетата на АРМ ја остварува во рамките на студиското патување низ земјите од Балканот, при што денес реализираше посета на МО и ГШ на АРМ, каде домаќин беше началникот на ГШ на АРМ генерал-потполковник  Горанчо Котески.
Во МО и ГШ на АРМ генералот Дајсал оствари одвоени средби со министерот за одбрана Талат Џафери и началникот на ГШ на АРМ генерал-потполковник    Горанчо Котески на кои беа потврдени одличните билатерални односи на полето на одбраната, при што беше нагласено дека ВС на Република Турција претставуваат стратешки партнер за АРМ, заради што во наредниот период соработката помеѓу двете министерства и армии ќе продолжи да се развива во нагорна линија.
Денес, на средбата во ГШ на АРМ пред делегацијата на ВС на Република Турција, беше презентирана трансформацијата на АРМ, учеството во мировните операции, како и степенот на достигнатите реформи во одбраната.
Од страна на гостите беа искажани високи оценки за  достигнатиот степен на реформи, оперативните способности на АРМ и покажаните резултати при учеството во операциите предводени од НАТО. Во оваа прилика беше истакната подготвеноста за развој на нови проекти за соработка помеѓу двете армии, со кои ќе се зголеми компатибилноста и оперативната способност на АРМ, со што Република Турција ќе продолжи и понатаму со конкретната поддршка на Република Македонија, за нејзино активно членство во НАТО.
За време на посетата на Република Македонија гостите од ВС на Република Турција ќе ја посетат спомен собата на Кемал Ататурк во Битола, како и дел од културно-историските споменици во Ресен и Охрид.

Посетата на АРМ од страна на турските генерали и адмирали е резултат на традиционално добрата билатерална воена соработка помеѓу МО и АРМ и ВС на Република Турција, која се одвива на повеќе полиња.

http://www.arm.mil.mk/vesti/pocetna/2014/2/generali_r_turska.html

Леопардите одлично се снаоѓаат и во суровите зимски услови

Во период од 10 до 14 февруари 2014 година во „Зимскиот центар за обука Попова Шапка“ во реонот на Попова Шапка се реализира обука во зимски услови со оклопно-извидувачкиот вод од составот на 3. механизиран пешадиски баталјон (3.мпб) од 1. механизирана пешадиска бригада (1.мпбр), стациониран во гарнизонот Тетово.
Во текот на обуката во зимски услови, припадниците на оклопно - извидувачкиот вод од 3.мпб се обучуваа во изработка на објекти за престој во планина во зимски услови, давање на прва помош при различни ситуации, заземање на ставови за гаѓање со личното вооружување со скии и движење низ длабок снег. Како дел од обуката војниците изведоа и движење низ длабок снег на правецот од жичарата до Церипашино и обратно.
По завршената обука припадниците на единицата го потврдија високиот степен на професионализам и ентузијазам, како и подготвеноста на оклопно - извидувачкиот вод за извршување на задачи во зимски услови во зоната на одговорност на 3.мпб.

http://www.arm.mil.mk/vesti/zok/2014/2/leopardi_zimski_uslovi.html