Албанците во единицата „Тигри“ ниту 2 %, Ќамили недостапен
Специјалната единица „Тигри“ и понатаму е затворена за Албанците. Како што дознава Алсат застапеноста на Албанците во овие елитни полициски сили не достигнува ни два отсто. На прашањето за процентот ан Албанците, министерката Јанкуловска со одговор:
„Тие податоци не би можеле да ги споделиме со јавноста бидејќи составот на специјалните единици е класифицирана информација“, вели Гордана Јанкуловска, Министерка за внатрешни работи.
Нејзиниот заменик, Земри Ќамили, не врати ниту смс од неговиот личен мобилен телефон.
„Господине Земри, нè интересира застапеноста на Албанците, нивниот процент во специјалната единица „Тигри“. На ова прашање не ми даде одговор министерката Гордана Јанкуловска.“
Потсетуваме дека минатата недела лидерот на ДУИ, Али Ахмети, на медиумите им порача почесто да ги контактираат функционерите од оваа партија вклучувајќи го и Земри Ќамили за да добијат информација во врска со оваа прашање кое е од интерес на јавноста.
„Добро би било да ги интервјуирајте властите во МВР, таму Албанците од министрите, заменик-министерот за внатрешни, него треба да го побарате. Вие треба да воспоставите врски, тие не се непријатели, тие се Албанци, ги има во криминалистичката полиција, во судот, во обвинителството, во истражните органи и би ве замолил да воспоставите директни контакти за да ги објасните овие работи и да ги обелодените“, изјави Али Ахмети, лидер на ДУИ (31.10.2013).
Инаку, специјалната единица „Тигри“, од денеска на располагање има новите современи простории во рамките на воената касарна „Илинден“, а според министерката Јанкуловска на балканските натпревари годинава таа е прогласена за најспремна единица во регионот.
Валмир Кучи
Алсат-М
