1. Пешадиска Бригада

Најверојатно тие павијони не е користат?

Којзнае, башка стазава нема видено нов асфалт од кога е изградена касарната.

Катастрофа жива... мада ми се свиѓа вака фарбана стреа

Одбележување на 17-ти Септември, Денот на 2. механизиран пешадиски баталјон

Денес 17.09.2015 година во касарната „Јане Сандански“ Штип, со воена свеченост припадниците од 2. механизиран пешадиски баталјон (2.мпб) од составот на 1. механизирана пешадиска бригада, Здружена оперативна команда (ЗОК) го одбележаа 17 септември, Денот на единицата.

На свеченоста присуствуваа командантот на ЗОК, бригаден генерал Васко Ѓурчиновски, командантот на 1.мпбр, полковник Зоран Милески, градоначалници од зоната на одговорноста, претставници и директори на јавни и приватни претпријатија и други цивилни лица со кои баталјонот има соработка во зоната на одговорноста.

Пред гостите, пригодно обраќање имаше командантот на 2.мпб, потполковник Бранко Петкоски и командантот на 1.мпбр, полковник Зоран Милески. Притоа се даде краток осврт на историскиот развој на 2.мпб, нивната професионалната работа, високата мотивираност и покажаните вештини и обученост.

Во рамките на свеченоста беше положено и свежо цвеќе на спомен плочата на 14. Македонска младинска народно-ослободителна ударна бригада „Димитар Влахов“ (14 ММНОУБр) и на спомен обележјето „Македонија“ во касарната “Јане Сандански” - Штип во чест на припадниците од состав на единицата кои ги положија своите животи во конфликтот во 2001 година.

По завршување на официјалниот дел, единиците продефилираа пред присутните, беа прочитани стимулативни мерки за припадниците на 2.мпб и пред присутните гости беше презентирано оружјето и опремата со кои располага единицата. Првиот огнен вод од минофрлачката батерија беше прогласен за најдобар вод од составот на баталјонот.

http://www.arm.mil.mk/vesti/zok/2015/09/den_na_2mpb.html

ВП се овие

Знаев дека ќе утнам Прво на памет ми дојде 1.МПБ

Примопредавање на должност командант на 4.механизиран пешадиски баталјон

Денес, 21 септември (понеделник) 2015 година во касарната „Чеде Филиповски - Даме“ во Кичево, се одржа свеченост по повод примопредавање на должноста командант на 4. механизиран пешадиски баталјон (4.мпб) од составот на 1.механизирана пешадиска бригада (1.мпбр).

Должноста командант на 4.мпб од потполковник Благоја Мијакоски ја прими потполковник Боро Латкоски, кој досега ја извршуваше должноста началник на штаб-заменик командант во 4.мпб.

На свеченоста присуствуваа командантот на 1.мпбр полковник Зоран Милески, како и претставници од јавните установи и служби, претставниците на единицата на локалната самоуправа во зоната на одговорност и правни и физички лица со кои Армијата на Република Македонија има соработка.

На свеченоста се обратија командантот на 1.мпбр, полковникот Зоран Милески, кој се наврати на досегашните активности што единицата ги реализира во изминатиот период.

Досегашниот командант на 4.мпб, потполковник Благоја Мијакоски, се заблагодари на персоналот од единицата за укажаната поддршка во текот на извршувањето на должноста. Новопоставениот командант потполковник Боро Латкоски, истакна дека крајно совесно и одговорно ќе раководи со единицата.

Во текот на свеченоста се изврши официјално примопредавање на должноста како и свечениот чин примопредавање на военото знаме на единицата, после што следеше воено дефиле на потчинетите единици на 4.мпб.

http://www.arm.mil.mk/vesti/zok/2015/09/smena_komandant_4mpbn.html

Пуштен во употреба вториот мост во с. Порој

Денес, 29-ти септември 2015 година, во Порот, Тетово беше свечено пуштен во употреба мостот кој го изградија припадниците на иженерискиот баталјон на АРМ.

На свечениот чин во Порој присуствуваа: градоначалничката на Тетово Теута Арифи, заменикот на началникот на ГШ на АРМ генерал-мајор Мухамет Рацај, командантот на Здружената оперативна команда бригаден генерал Васко Ѓурчиновски, командантот на 1. механизирана пешадиска бригада полковник Зоран Милески, претставници на месната заедница од Порој и месното население.

Градоначалничката на Тетово, Теута Арифи искажувајќи благодарност до АРМ, ја потенцираше одличната соработка со Армијата, при што уште еднаш го истакна ангажирањето на припадниците на АРМ во тетовскиот регион по невремето.

Заменикот на НГШ на АРМ, генерал-мајор Мухамет Рацај, ја нагласи подготвеноста на АРМ за помош на цивилното население, во услови на елементарни непогоди, како една од нејзините редовни задачи, укажувајќи на фактот дека ова е најдобриот начин Армијата да биде поблиску до граѓаните.

Припадниците на инженерискиот баталјон во текот на месецов беа ангажирани за целосна реконструкција и изградба на двата моста кои ги поврзуваат жителите на Порој, а кои претрпеа големи оштеувања после поплавите изминатиот месец, при што првиот мост беше завршен и пуштен во употреба кон средината на месецов.

Мостот кој денес беше пуштен во употреба, беше целосно оштетен, а припадниците на АРМ го изградија со материјал набавен од месната заедница во Порој.

http://www.arm.mil.mk/vesti/pocetna/2015/09/potoj_zngs.html