1. Пешадиска Бригада

Вежбовни активности на тенковскиот баталјон

Припадниците од тенковскиот баталјон од составот на 1. механизирана пешадиска бригада - Здружена оперативна команда, реализираа подготвителни гаѓања со вооружување на Оклопно Механизираните Единици (вОМЕ) на тенк Т-72 на стрелиштето за гаѓање со вОМЕ на Армискиот пологон Криволак.

Гаѓањето претставува континуитет на планираната обука и вежби со новопоставениот персонал во тенковскиот баталјон и притоа беа реализирани подготвителни гаѓања на реден број 9 и 10 со противавионски митралез НСВ 12,7 мм, во согласност со Упатството и програмата за гаѓање со вооружување на ОМЕ

Предвидените гаѓања беа успешно реализирано и беа постигнати завидни резултати со што уште еднаш беше потврдена сплотеноста на припадниците од тенковскиот баталјон со тенкот Т-72.

http://www.arm.mil.mk/vesti/zok/2015/05/vezba_tenkovski_bataljon.html

Убави слики .
Уште да се во друштво на БВП-2 и Мб-лт.

Одбележување на “Ден на тенковскиот баталјон“

На ден 02.06.2015 година со почеток во 11.30 часот во касарната „Чојлија“ во гарнизонот Петровец, со воена свеченост припадниците од тенковскиот баталјон (тб) го одбележаа 2 јуни, Денот на единицата.

Со указ на Претседателот на Република Македонија 2ри јуни е одреден за ден на тенковскиот баталјон, како носител на традициите на денот кога за прв пат во АРМ, е формиран тенковски вод од родот ОМЕ (Оклопно Механизирани Единици) во составот на тогашната гардиска бригада.

На свеченоста присуствуваа: командантот на 1.мпбр, претставници од Сојузот на борците, команданти на бригади и баталјони од составот на АРМ, поранешни команданти и припадници на единицата како и претставници од локалната самоуправа, верски заедници, јавни и приватни претпријатија и други гости.

Пред присутните, пригодно обраќање имаа командантот на тб и командантот на 1.мпбр. Од страна на командант на тб, потполковник Тони Седмаков, се даде краток осврт на историскиот развој на единицата, професионалната работа на тенкистите, високата мотивираност и покажаните вештини и обученост.

На свеченоста, по завршување на официјалниот дел, единиците продефилираа пред присутните, се соопштија стимулативни мерки за припадниците на тб, а за најдобар вод беше прогласен вториот тенковски вод од првата тенковска чета од составот на баталјонот.

http://www.arm.mil.mk/vesti/zok/2015/06/den_na_tenkovski_bataljon.html

Одбележување на 14 годишнина од загинувањето на припадници од АРМ во 2001 година

Денес, 05 јуни 2015 година во касарната Н.Х. “Кузман Јосифовски-Питу“ во Тетово со воена церемонија се одбележаа четиринаесет години од трагичното загинување во 2001 година на постар водник 1 класа Исак Руфати и војниците Николче Китанов, Блашко Толев, Златко Миленковски, Благоја Сиљановски и Пеце Матичевски, припадници на АРМ од гарнизон Тетово.

На церемонијата пред построените единици и гости заменикот на командантот на 3. механизиран пешадиски баталјон (3.мпб) одржа пригоден говор. Во продолжение на активноста, пред спомен одбележјето на загинатите беше положено свежо цвеќе од страна на делегации на Армијата на Република Македонија, сојузот на борци од Тетово и здруженија на граѓани.

Со денешното чествување, како и на останатите загинати припадници на АРМ во изминатиот период, припадниците на АРМ уште еднаш им оддадоа почит на загинатите за нивната храброст, несебичност и пожртвуваност и кои за одбраната на територијалниот интегритет и суверенитет на нашата татковина, Република Македонија, несебично го положија и својот живот.

http://www.arm.mil.mk/vesti/zok/2015/06/odbelezuvanje_14_godisnina.html

Посета на единици на АРМ од страна на претставници на Амбасадата на САД во Република Македонија

На ден 05.06.2015 година претставници на Канцеларијата за соработка во одбраната при Амбасадата на САД во Република Македонија остварија посета на гарнизонот Кичево.

Ова е последна од серијата на планирани посети на единиците на 1. механизирана пешадиска бригада (1.мпбр) од составот на Здружената оперативна команда кои се сместени во гарнизоните Тетово, Штип, Куманово и Кичево.

Во состав на делегацијата од Амбасадата на САД покрај одбранбеното аташе на САД во Р. Македонија полковник Томас Батлер, беа и останатите припадници од канцеларијата за воена соработка, придружувани припадници од командата на 1мпбр, и главните подофицери во ГШ на АРМ од ЗОК и 1.мпбр.

Целта на посетите е запознавање со статусот на опремата која е набавена преку ФМФ фондот на САД, како и со припадници од единицата кои се школувани по ИМЕТ (International Military Education and Training) програмата.

За време на посетите делегацијата покрај останатото имаше можност да се запознае и со улогата, задачата и мисијата на единиците. Во продолжение беа одржани оделни состаноци со претставници од единицата.

На крајот на посетите се реализираа ТТ-зборови од средствата кои се обезбедени преку ФМФ фондот и останатите средства од американско потекло при што делегацијата се запозна и со познавањето на припадниците од единиците со намените и особините на средствата.

http://www.arm.mil.mk/vesti/zok/2015/06/poseta_ambasada_sad.html

Посета на чАБХО од страна на помошникот на одбранбеното аташе на Руската федерација

На ден 18.06.2015 година (четврток) се реализира посета на помошникот на одбранбеното аташе на Руската федерација, мајор Виталиј Суханов на четата за Атомска Биолошка Хемиска Одбрана (чАБХО) од составот на 1. механизирана пешадиска бригада (1.мпбр), Здружена оперативна команда.

Целта на посетата која се одвиваше во просториите на 1.мпбр во касарната „Страшо Пинџур“ во Петровец, беше искажаното барање на претставниците на Руската федерација за посета на четата АБХО и запознавање со можностите на истата.

Од страна на командирот на четата, мајорот Зоран Сандев гостите беа запознаени за структурата, мисијата и задачите на четата. За време на посетата, беше прикажан тактичко-технички збор на кој беа изложени средствата за лична и колективна АБХ заштита со која располага единицата.

http://www.arm.mil.mk/vesti/zok/2015/06/poseta_rusko_atase.html

Вежба на командно место - „ЈУНИ-2015“

Во време од 23.06. до 25.06.2015 година командата и штабот на 1.механизирана пешадиска бригада (1.мпбр) и штабовите на потчинетите единици реализираа Вежба на командно место - „ЈУНИ 2015“.

Цел на вежбата е извежбување на персоналот од командата и штабот на 1.мпбр и штабовите на потчинетите единици во прикажување на оперативната ситуација на карта, одлука на штабот во тимска работа во процес на донесување на воена одлука, размена на информации помеѓу секциите на штабот, изработка на оперативен план и симулирање на истиот на карта.

Вежбата се реализираше во 4 фази и тоа: подготовка за изведување, изведување на вежбата, поседнување на реоните за употреба во кругот на касарните и враќање во своите мирновремени локации. Сценариото е базирано на фиктивен настан и нема поврзаност со настани кои се случиле или ќе се случат во иднина.

Во подготовките за изведувањето на вежбата со персоналот од командата и штабот се формира тим кој го изработи сценариото и концептот на операции и беше обработена темата „Процес на донесување на воена одлука“.

По отпочнување на динамиката, командата на бригадата во оптимално време донесе одлука и ги изработи потребните борбени документи. За кусо време единиците се дислоцираа во реонот на употреба и се пристапи кон решавање на инциденти од страна на раководството на вежбата. По успешното изведената операција и воспоставување на мирот, учесниците на вежбата ја реализираа и последна фаза од вежбата, а тоа е успешно враќање на штабовите во своите мирновремени локации.

Од извршената анализа на вежбата, произлезе заклучокот дека целта на вежбата е целосно реализирана, прикажан е висок степен на професионалност и извежбаност на командатa и штабот на бригадата и штабовите на потчинетите единици како и успешно вградени искуствата и знаењата стекнати од учеството на голем дел од персоналот на планирачки конференции и мултинационални вежби во земјите на НАТО алијансата.

http://www.arm.mil.mk/vesti/zok/2015/06/vezba_komandno_mesto.html

море агресивен нашиов батка...се шалам,супер е.

Малку старо ама мислам го немаше никој постирано.

Заедничка обука на припадниците од АРМ со Територијалните противпожарни единици во Куманово и Кичево

На ден 26.06.2015 година во касарните „Боро Менков“ во Куманово и „Чеде Филиповски-Даме“ во Кичево се реализира заедничка обука на припадниците на АРМ од овие гарнизони со припадници од територијалните противпожарни единици (ТППЕ) од Куманово и Кичево на тема: „Против пожарна заштита, пристап и гаснење на пожар, употреба на против пожарни апарати и средства за гаснење на пожар“.

Заедничката обука со ТППЕ од гарнизоните каде се сместени единиците на АРМ се организира врз основа на цивилно воената соработка и плановите за обука на 1.механизиран пешадиски баталјон и 4.механизиран пешадиски баталјон од составот на 1. механизирана пешадиска бригада.

Обуката првенствено е наменета за противпожарните екипи на АРМ од касарните, а се состои од теоретски и практичен дел. Во теоретскиот дел на обуката од страна на професионалните пожарникари се презентираа опасноститте што ги предизвикуваат пожарите и преземање на превентивни мерки и заштита од пожари, додека на практичниот дел од страна на пожарникарите беа покажани постапките на гаснење пожар со против пожарно возило, преземање мерки и гаснење на пожар до доаѓање на противпожарно возило итн.

Целта на обуката која се реализира пред почеток на летната сезона, кога опасностите од пожари се зголемени е извежбување на припадниците на АРМ со потребните постапки при гасење на пожари, со што секоја потенцијална појава на пожар во круговите на касарните или надвор од неа ќе биде професионално и навремено спречена.

http://www.arm.mil.mk/vesti/zok/2015/06/pp_obuka_kicevo_kumanovo.html