Воздухопловен "ВИНГ"

Реализирани првите летови со новите пилоти

Во воздухопловната бригада (вбр) од составот на Здружената оперативна команда новопоставените пилоти со успех ги реализираа своите први летови со транспортните и борбените хеликоптери во составот на АРМ.

Пилотите со чин поручник Стефан Ѓорѓиев, Ива Матиќ, Дејан Славевски и Трајче Јовковски распоредени во сквадронот за транспортни хеликоптери (стх) и сквадронот за борбени хеликоптери (сбх) пред да ги реализираат своите први летови имаа долготрајна теоретска обука и обука во симулатори.

Пилотите, најпрво ја следеа наставата во техничка училница при што ги совладаа правилата и постапките при летање, упатство за користење на хеликоптерите и инструкции на аеродромот.

По завршување на теоретската настава се спроведоа испити на кои се провери нивното знаење. По успешното завршување на испитите се започна со обука на симулаторите, по која се преминува на летање на хеликоптерите.

Пилотската обука бара истрајност и одлучност како и многу голема посветеност за да се дојде до моментот да се употреби наученото во летање со хеликоптерите. Понатамошната обука ќе биде за нивно надоградување и усовршување на техниката на пилотирање.

Реализирање на првите летови претставува претставува голем ден не само за пилотите, туку и за вбр и за АРМ која се здоби со нов пилотски кадар.

http://www.arm.mil.mk/vesti/zok/2015/02/prv_let_novi_piloti.html

Да не си помошал некоја брзина

Momak od Gjorce напиша:

Да не си помошал некоја брзина

Малку.Нека премести некој во темата на МВР.

Тактичко извежбување за воспоставување на систем за воздушно набљудување и противвоздушна одбрана

Во период од 20.04. до 24.04.2015 година персонал од баталјонот за воздушно набљудување и јавување (бВНЈ) и баталјонот за противвоздушна одбрана (бПВО) со успех реализира извежбување на тактичките процедури и постапки во воспоставување на систем за воздушно набљудување на воздушниот простор (ВоП) на Република Македонија и противвоздушна одбрана на дел од територијата на Република Македонија – согласно зададеното сценарио.

Според сценариото, системот за набљудување на ВоП и известување за ситуацијата во ВоП се воспостави преку откривање на воздухоплови со примарен набљудувачки радар од страна на радарската чета (РЧ).

Понатаму податоците се доставуваа на обработка и идентификација во Центарот за командување и контрола (ЦКиК), со користење и на секундарните набљудувачки радари од цивилните структури и соседните центри и проследување на известување за состојбата во ВоП до бПВО.

Притоа персоналот на бПВО успешно ги совлада сите постапки и активности неопходни за успешна реализација на противвоздушна одбрана на единици, објекти и настани од витално значење

Во истиот временски период штабот на бВНЈ и бПВО ги извежбуваа постапките од процесот на донесување на одлука. Изготвена беше оперативна наредба со тежиште на проценка, избор и запоседнување на радарска позиција со мобилен радарски вод, со цел овозможување на најдобра радарска покриеност на националниот ВоП во зоната каде се одвиваа копнените операции и очекувачките правци за влез на противничката авијација.

Резултатот од вежбата покажа дека персоналот од бПВО и бВНЈ е обучен за извршување на мисијата чија крајна цел е заштита на суверенитетот на Националниот ВоП и рано предупредување за напади од воздух. Притоа до израз дојде високото ниво на соработка и координација на единиците во рамките на воздухопловната бригада.

http://www.arm.mil.mk/vesti/zok/2015/04/vezba_bvnj.html

Пилотите од воздухопловната бригада покажаа висока обученост при реализација на редовните вежбовни активности со хеликоптерите Ми-8 и Ми -24

Во склоп на редовните годишни плански активности за обука на единиците во состав на здружената оперативна команда, во период од 11 до 14.05.2015 година на АП „Криволак“ се реализира гранатирање ракетирање и бомбардирање (ГРБ) со хеликоптери од типот Ми-8 и Ми-24B од составот на воздухопловната бригада (вбр).

Активноста е дел од редовната обука на пилотите од вбр каде од хеликоптерите се гаѓаат цели на земја со ненаведувани ракети, што претставува комплексна процедура бидејки големо влијание на прецизноста имаат брзината на хеликоптерот и временските услови.

Пред реализација на ГРБ пилотите најпрвин изведуваат теоретска обука, по што следува фиктивно ракетирање и гаѓање и на крај се пристапува кон изведување на боево ракетирање и гаѓање.

Активноста се изведува под надзор на искусни пилоти кои учествуваат во целиот процес на планирање и изведување на гаѓањето. По заршеток на гаѓањата се анализира целиот процес и се извлекуваат заклучоци и научени лекции од активноста.

Со изведување на постојана обука и тренинг пилотите од составот на вбр се оспособуваат за извршување на најкомплексни задачи кои произлегуваат од намената на единицата.

http://www.arm.mil.mk/vesti/zok/2015/05/obucenost_piloti.html

Поглед преку прозорецот.

http://tangosix.rs/2015/14/05/analiza-sa-cime-raspolaze-makedonsko-ratno-vazduhoplovstvo-danas/