Воздухопловен "ВИНГ"

Баш интересна единица така да се остави ,тоа е има за споменици и др. глупости одбраната која е столбот на државата да проси за донации и одвај да се покрива со плати

Мислам дека во рамките на воздухопловната бриигада ,501 одред трбаше да се развива слично како оваа Германска единица
https://www.youtube.com/watch?v=ySP6cg-z4Kc

Zoran, ti na vistina mislis deka moze da se seta po kasarni vo Svedska?

Ни во Македонија неможе тукутака да се шета...

Za Makedonija znam deka ne moze :-) a za Svedska znam uste poveke deka ne moze. Me interesira zosto Zoran taka napisa.

Асоцијација на одбрамбени аташеа акредитирани во Република Македонија во посета на воздухопловната бригада

На ден 07.05.2014 година во посета на воздухопловната бригада (вбр) престојуваа членовите на Асоцијацијата на одбрамбени аташеа акредитирани во Република Македонија.
Во состав на делегацијата беа поголемиот број од резидентни и нерезидентни воени аташеа акредитирани во Република Македонија. По остварената средба со Заменикот на командантот потполковник Роберт Малезански во салата за состаноци беше одржана презентација за воздухопловната бригада, на која присуствуваа началникот на Штаб во воздухопловната бригада полковник Заим Шријељ, командантите на потчинетите единици на воздухопловната бригада како и началниците на секции.
Воените аташеа најпрвин беа информирани за актуелните активности во бригадата, како и за понатамошните планови за развој и модернизација на воздухопловите. По завршување на презентацијата следуваа прашањаод страна на воените аташеа и размена на искуства.

http://www.arm.mil.mk/vesti/zok/2014/05/asocijacija_odbrambeni_atasea.html

Работилница во воздухопловната бригада на тема: „ Процес на подготовка на декларирана едиица пред упатување во мировна мисија“

Во периодот од 05-09.05.2014 година во работна посета на воздухопловната бригада престојуваа пилоти од Националната Гарда на Вермонт од Соединетите Американски Држави при што беше реализирана работилница на тема: „ Процес на подготовка на декларирана единица пред упатување во мировна мисија“.
На работилницата беа обработени повеќе теми, меѓу кои: Планови на декларирана хеликоптерска единица пред упатување во мировна мисија, Упатување во мировна мисија, Планови и способности за одржување на ресурсите, изведување на мисии за медицинска евакуација и друго.
Исто така во текот на работилницата беа разменети меѓусебни искуства за изведување и подготовка за мировни мисии, како и можностите за соработка во понатамошниот период.
По завршувањето на работата, гостите остварија посета на потчинетите единици, каде им беа прикажани дел од воздухопловите како и плановите за понатамошна модернизација на истите.

http://www.arm.mil.mk/vesti/zok/2014/05/poseta_amerikanski_piloti.html

Шуќур нешто да мрдне...

Модернизација на хеликоптер Ми- 8 MT

Во изминатиот период тим од компанијата „Елбит“ од Израел работеше на проект на модернизација на хеликоптер Ми-8MT  од воздухопловната бригада (вбр).
Проектот опфаќа модернизација на колективните палки на хеликоптерот, модернизација на GPS и транспондер, модификација на кабината на хеликоптерот, инсталација на електрични и механички инсталации со цел вградување на современа опрема за ноќно летање ANVIS-HUD 24.
Како дел од Планот за интеграциите на АРМ во НАТО Алијансата вбр има превземено обврска за постигнување на соодветни стандарди од партнерските цели кои се однесуваат на воздухопловите.
Со модернизацијата уште на еден хеликоптер, вбр добива зголемена оперативна ефикасност, особено за летови во ноќни услови без употреба на светла. Се зголемува безбедноста при извршување на мисии и задачи, како и заштеда на финансиски средства во однос на набавка на нови хеликоптери.
Во изминатите неколку дена се работеше на тестирање на системот за ноќно летање ANVIS-HUD 24, реализација на пробни летови на хеликоптерот како и комплетирање на потребната документација и прием на хеликоптерот.

http://www.arm.mil.mk/vesti/zok/2014/05/modernizacija_helihopteri.html

Добро е што се модернизира , но грешка се прави што не се направен напор да се модернизираат сите транспортни МИ-8/17 хеликоптери одеднаш или исто со борбените МИ-24. Кога веќе е решено да се модернизираат тоа да се прави во пакет на сите одеднаш .Вака развлечена модернизација која трае веќе 10година не ги дава очекуваните резултати .

Обука на припадници од баталјонот ПВО за ЛПРС „Игла“ во Република Словенија

Во период од 14.05. до 29.05.2014 година во касарната во Церкље, Република Словенија 16 припадници од баталјонот за противвоздушна одбрана (бПВО) од воздухопловната бригада реализираа обука и усовршување за Лесен Преносен Ракетен Систем (ЛПРС) ,,Игла‘‘.
Обуката се реализира врз основа на билатералната соработка помеѓу армиите на Република Македонија и Република Словенија и се спроведува во две фази, и тоа: теоретска и практична обука.
Во практичниот дел припадниците на бПВО се обучуваа во: тренажни гаѓања на емитирани цели на симулатор „СИГЛА“ и на симулатор „SA-16“; нормирани работи со ЛПРС „Игла“, лансирање на реални цели на полскиот тренажер 9F635 и извршување на основните постапки за подготовка на системот и негова правилна боева употреба. Со дел од припадниците на бПВО, покрај обуката за ЛПРС „Игла“, беше реализирана и обука за ракување со полски тренажер 9F635.
На обуката беа постигнати одлични резултати кои беа потврдени со извршените тестирања (теоретски и практично) од страна на инструкторите од вооружените сили на Република Словенија. На учесниците на обуката им беа доделени сертификати за успешно завршената обука за стрелец против-авионец.
Во текот на престојот во Република Словенија (на 15.05.2014 година), припадниците на бПВО присуствуваа на свеченоста по повод денот на вооружените сили на Република Словенија во касарната во Крањ. Исто така, беше реализирана посета на касарната во Марибор каде беше одржан отворен ден на вооружените сили на Република Словенија.
Оваа обука и усовршување претставува дел од активностите кои претходат на вежбата ,,Предизвик 2014‘‘ која треба заеднички да се реализира на АП „КРИВОЛАК“ во Септември 2014 година.

http://www.arm.mil.mk/vesti/zok/2014/06/obuka_pvo_slovenija.html