Честито полнолетство, специјалци!Полкот за специјални операции - пСО на АРМ денеска ја одбележа својата полнолетност. Пред точно 18 години беше формирана првата професионална единица во АРМ, единицата Волци". Неколку години подоцна, од единицата Волци" се разви Полкот за специјални операции во чиј состав е и ренџерскиот баталјон.
Специјалната единица е елитна, составена од психички и физички најподготвени момци и девојки кои за да станат специјалци мора успешно да поминат тешки и исцрпувачки обуки, да умеат да работат во тим, да познаваат барем еден странски јазик.
Тоа се екипи кои се дел од мисиите во странство, пред се во кризните жаришта во Ирак и во Авганистан од каде се враќаат со највисоки оцени и со ордени за заслуги. Тие станаа синоним за современиот и врвно обучен војник на АРМ, кој денес ужива висока почит кај партнерите во НАТО Алијансата. Специјалците дадоа силен печат во професионализацијата на АРМ, при што успеаја да изградат традиција и култ на својата единица, достојни за почит.
Знаат да пливаат, нуркаат, да се качуваат и симнуваат по планини, да скокаат со падобран, а од оружје нема што не знаат да употребат. И голите раце им се доволни ако е потребно. За да се дојде до ова, кога храброста станува рутина, а опасноста е реалност, поминати се илјадници часови тренинг за кои не е потребна само физичка подготвеност, туку пред се железна волја, психичка стабилност и секако ум за да се надмудри непријателот. Нивниот работен ден не е обичен. Напротив тоа се вежби исполнети со адреналин, а полигон за обука им е целата држава.
По повод роденденот на елитните, денеска во 11 часот, во касарната "Илинден" ќе се одржи свеченост на која ќе присуствуваат министерот за одбрана Фатмир Бесими, началникот на ГШ на АРМ генерал-мајор Горанчо Котески, високи претставници од МО, командантите на потчинетите команди и единици на ГШ на АРМ, претставници од локалната самоуправа од општините и градот Скопје и други високи гости.
Припадниците на пСО, во чест на денот на единицата, во текот на месецов организираа акција за доброволно дарување на крв, хуманитарна акција за донација на прехранбени артикли на социјално загрозени семејства и натпреварувања во повеќе спортски дисциплини.
http://vecer.mk/?ItemID=00C8AE0CC483CC449810E6A3F9703503Јак текст,честито момци,уште многу години да го славиме овој ден...
Искрено ми е чест да бидам дел од ваков форум :<3: 
Немаат некоја поврзаност ама колку што знам при процесот на нивното расформирање дел од нив преминаа и во секторот на одбрана.
Малце да ве застрвам 
