Pilot Training Center - Macedonia

КВАЛИТЕТ И ПОСВЕТЕНОСТ ВО ЦЕНТАРОТ ЗА ОБУКА НА ПИЛОТИ: ОБЈАВЕН ТРЕТИОТ КОНКУРС „БИДИ ПИЛОТ“

„Ова е трет циклус за селекција во Центарот за обука на пилоти, каде имаме можност да ги избереме четворица најдобри пријавени кандидати. Нашата интенција е овој Центар да прерасне во меѓународен тренинг центар, за што правиме напори кај сите соодветни меѓународни институции“, посочи министерот за одбрана на Република Македонија, Талат Џафери, на денешната прес-конференција по повод објавата на Третиот Конкурс за пријавување на слушатели во Центарот за обука на пилоти.

Воедно, директорот на Центарот и еден од инструкторите со екстензивно летачко искуство, Јаари Шрага потенцираше дека дел од активностите на ЦОП е обука со напреден симулациски систем на хеликоптерите Ми-17 и Ми-24 кој се користи не само во Источна Европа, туку и во НАТО-контекст. „Ние работиме според еден многу професионален процес на обука и затоа сакам да ги поканам сите талентирани лица да ја искористат оваа уникатна прилика и да се пријават на Конкурсот, без разлика дали имаат претходна поврзаност со професијата“, додаде директорот Шрага.

На новинарско прашање поврзано со етничката припадност на кандидатите, министерот Џафери посочи дека правичната застапеност е запазена и дека има пријавени лица од албанската етничка заедница, но и дека од големо значење се критериумите за прием кои, согласно одговорноста на професијата, се многу големи. Истовремено, имајќи предвид дека во првиот Конкурс, процесот на селекција го помина и една девојка, министерот Џафери истакна дека Министерството за одбрана како носител на имплементацијата на резолуцијата 1325, посветува внимание и на половата рамноправност и перспектива, повторно имајќи ги на ум поставените критериуми.

Во контекст на искуството на пријавените лица, еден од кадетите пријавени во првиот циклус, Дејан Славески, повикувајќи ги сите да ја искористат шансата и да се стекнат со знаење од една многу атрактивна професија, истакна дека процесот на селекција е извршен од меѓународни експерти од разни полиња соодветни на потребите, како и дека побарувањата од кандидатите се големи, но и дека наградата и задоволството кои следуваат се огромни.

Центарот работи по принципот јавно-приватно партнерство, а истиот е формиран во соработка со добро познатата израелска компанија, „Елбит“. ЦОП функционира согласно договорот потпишан помеѓу компанијата и Владата на Република Македонија, и за него се издвојуваат соодветни средства во сооднос 50%-50%.

Со проектот „Центар за обука на пилоти“ се обезбедува сопствен капацитет за обука на пилоти кој значително ќе ги подобри вештините, квалитетот и професионализмот на идните пилоти. Се работи за уникатен пристап на обуката базиран врз израелските искуства, по највисоки стандарди компатибилни со оние на НАТО-алијансата.




http://www.morm.gov.mk/

Два нови Белл 206 во нашето скромно ВВ и ПВО... 

Четвртиот кога ќе долета ?

Браво! Ајде со господ напред долго да ни служат!    

Единствен светол проект во АРМ.

Frogfoot напиша:

Браво! Ајде со господ напред долго да ни служат!    

Единствен светол проект во АРМ.

Па кога израелците го водат проектот...43 милиони евра е нивниот капитал,а нашиот 5,3 милиони евра...со тие пари на стајанката беканот плочки се поставени...   

да го водевме ние до сега уште ќе бевме до текстови и натписи во весници,и шпекулации...

Не е лоша вака израелциве да ни помагаат во секој проек,ке ни ја опраат армијата не за друго...

РИС напиша:

Четвртиот кога ќе долета ?

Ќе биде и тоа,највероватно догодина...