15 години од НАТО бомбардирањето на ЈУГОСЛАВИЈАСРЈ тогаш беше нападната под изговор дека е виновна за неуспехот од договорот во Рамбује и Париз за идниот статус на Косово. Откако беше соопштена одлуката за неприфаќањето на странски трупи, и беше потврдена од страна на Собранието на Србија, која предложи силите на Обединетите нации да го надгледуваат мирното решение на конфликтот во Косово, НАТО на 24 март 1999 година во 19:45 започна со лансирање на воздушни напади со ракети и авијации на повеќе области на Србија и Црна Гора
[You must be registered and logged in to see this image.]Се навршуваат 15 години од почетокот на бомбардирањето на НАТО врз Србија, која започна со цел да се принуди Белград да ги прекине репресиите во Косово. Вчера беше ден на сеќавање на сите жртви кои настрадале во 78-дневното бомбардирање, кое беше одбележано со низа комеморативни собири ширум целата земја. За време на целото бомбардирање беа убиени најмалку 2.500 цивили меѓу кои 88 деца. Ранети беа повеќе од 12.500 луѓе.
Воздушните напади на НАТО врз Србија, тогашна Сојузна Република Југославија (СРЈ) почнаа на вчерашен ден пред 15 години. Погинаа 1.031 припадник на војската и српската полиција, потешко и полесно повредени беа 6.000 цивили, меѓу кои 2.700 биле деца. Ранети беа над 5 илјади војници и полицајци, а десетмина луѓе до ден-денес се водат како исчезнати, пишува "ртс.рс". Вкупната материјална штета се проценува на повеќе од десетина милијарди долари.
Одлуката за бомбардирањето на тогашната СРЈ за прв пат во историјата била донесена без одобрение од Советот на безбедност на УН, а наредбата, на тогашниот командант на сојузничката сила, американскиот генерал Весли Кларк му ја дал генералниот секретар на НАТО, Хавиер Солана, а Владата таа ноќ прогласи воена состојба.
Подоцна Кларк во книгата "Модерно војување", напиша дека поинтензивно започнале да се планираат воздушните напади против СРЈ во средината на јуни 1998 година, а истата година во август биле завршени.
СРЈ тогаш беше нападната под изговор дека е виновна за неуспехот од договорот во Рамбује и Париз за идниот статус на Косово. Откако беше соопштена одлуката за неприфаќањето на странски трупи, и беше потврдена од страна на Собранието на Србија, која предложи силите на Обединетите нации да го надгледуваат мирното решение на конфликтот во Косово, НАТО на 24 март 1999 година во 19:45 започна со лансирање на воздушни напади со ракети и авијации, на повеќе области на Србија и Црна Гора.
Деветнаесетте земји на Алијансата, започнаа со бомбардирање на бродовите во Јадранот, од четири воздухопловни бази во Италија, поддржани од стратешките бомбардирања кои полетаа од базата на западна Европа, а подоцна и од САД. Најпрво ги гаѓале касарните и единиците за противвоздушна одбрана на армијата на СРЈ, во Батајница, Младеновац, Приштина и други места.
Како што пишува "ртс.рс", речиси сите градови на Србија се нашле на метата на НАТО во текот на единаесетнеделното бомбардирање, каде биле оштетени 25.000 станбени објекти, онеспособени за возење биле 470 километри од патот и 595 километри од пругата. Оштетени биле 14 аеродроми, 19 болници, 20 здравствени домови, 18 градинки, 69 училишта, 176 споменици на културата и 44 мостови, додека 38 биле разурнати.
Во текот на бомбардирањето извршени се 2.300 воздушни удари на 995 објекти ширум земјата, а 1.150 борбени авиони лансирале приближно 420.000 проектили, со вкупна маса од 22.000 тона.
НАТО лансирал 1.300 крстосувачки ракети, и истрелал 37.000 касетни бомби од кои животот го загубиле 200 лица, а ранети биле повеќе од сто. Во текот на бомбардирањето тие го употребиле забранетиот осиромашен ураниум.
После единаесет недели, поради високите дипломатски притисоци, бомбардирањето е окончано со потпишување на Воено-технички договор во Куманово на 9 јуни 1999 година, за три дена подоцна да започне повлекувањето на силата на СРЈ од Косово. Тогашниот претседател Слободан Милошевиќ, на почетокот на јуни, го прифатил нивниот план за разместување на меѓународните трупи на Косово, а потоа тој договор е верификуван од Собранието на Србија. Така и бомбардирањето заврши на 10 јуни, бидејќи била донесена Резолуцијата 1244 на Советот на безбедност на ОН, пишува српски "курир". Последниот проектил паднал во селото Коколец во 13:30, а генералниот секретар на НАТО на 10 јуни дал наредба да се прекине бомбардирањето. На тој ден, Советот за безбедност на ОН ја усвои Резолуцијата 1244, во покраината беа упатени 37.200 војници на КФОР од 36 земји, со задача да го зачуваат мирот, безбедноста и враќањето на повеќе од сто илјади албански бегалци додека не се дефинира најширок степен на нејзина автономија.
Единицата на ВЈ се повлекла од Косово по донесената Резолуција на ОН, а првите меѓународни трупи стигнале на Косово на 12 јуни 1999 година, преку Грција и Македонија.
Инаку, според податоците на УНХЦР, од донесувањето на мировниот договор Косово го напуштиле околу 230.000 Срби, Роми и други народи, а во покраината се вратиле околу 800.000 од избеганите Албанци.
Излезе документарецот "Зошто"
Авторите на документарецот Зошто??, Србинката Јелена Милинчиќ и Американката Аниса Науаи, патувале низ поранешна Југославија во Белград, Косово и Црна Гора. Тие зборувале со луѓето што ги преживеале злосторствата и ужасите на војната и ги загубиле најблиските, и го направиле документарецот кој трае скоро половина час.
Осиромашениот ураниум ја коси СрбијаВо некои проценки на српските стручњаци се наведува дека во текот на бомбардирањето на територијата на Србија се искористени околу 10 тони осиромашен ураниум. После жесток притисок е добиено признание оти е користена муниција со осиромашен ураниум, но од претставниците на Западот, никој никогаш не ја потврдил врската со многубројните малигни заболувања. Како што пишуваше "глас Русије" кон крајот на 2012 година, се употребил осиромашен ураниум во текот на бомбардирањето иако тоа било забрането. Па така, од 2000 година, тоа прашање се покренува и надвор од границата на земјата, додека сега здравствените установи предупредуваат дека драстично е зголемен бројот на заболени од леукемија и различни видови на тумори.
- Во извештајот на Бакарија Кантеа се наведува дека бомбардирањето се случило во време на сеидба, а осиромашениот ураниум влијаел на квалитетот на воздухот, земјата, водата, што резултирало со последици на целиот синџир на исхрана. Како резултат на тоа, идните генерации се изложени на зголемен број на заболени од рак, леукемија, абортуси, деформирани новороденчиња - наведува "Експер".
