„Во Македонија се обучуваат исламски терористи за самоубиствени напади“
Во Македонија се обучуваат исламски терористи за самоубиствени бомбашки напади. Босна, Албанија, Косово, Македонија, јужниот дел на Србија и на Црна Гора во иднина треба да станат обединета исламска држава. Ова е првата фаза од окупацијата на Европа во смисла на исламистичкиот план „Европа 3000“. Терористичките обуки се вршат во „безбедните албански области“, односно во Албанија, Косово и еден дел од Македонија. Тие оперираат под заштитниот чадор на Албанската национална армија (АНА или АКШ), организацијата – наследник на УЧК, објавува државното руско радио „Гласот на Русија“ повикувајќи се на руски разузнувачки служби.
Се регрутираат и обучуваат Босанци и Албанци со словенски изглед за извршување терористички активности. Овие борци тогаш би можеле да патуваат низ целиот свет без да разбудат сомнеж кај полициските и разузнавачките служби. Исто така тие би можеле да пристигнат и во регионот на северен Кавказ. Овие терористи се нарекуваат „бели ѓаволи“. Тие добиваат најдобра обука и се подготвени за Џихад во цела Европа и Русија. Но, најпрво овие борци со словенски лица се чуваат како резерва. Тие се подготвени за изведување на самоубиствени напади, односно „маченичка смрт“ во името на Коранот.
Јадрото на оваа група го сочинуваат босански муслимани како и регрути од Чеченија и останатите кавкаски региони, објавува радиото „Гласот на Русија“.
Во продолжение во целост Ви го пренесуваме текстот со наслов:
„Босна како област за почеток на маршот: План „Европа 3000“
Кон крајот на август 2003 година водачите на радикалните исламисти заклучија дека е важно да се воспостави терористичка инфраструктура за да се донесе терористичката војна во Европа, Русија, Израел, а подоцна и САД. Авганистанскиот борец, близок до Талибанците и Алкаеда, Сахид Емир Муса Ајзи, е одговорен за реализација на овој план. Тој има задача да мобилизира регрути со „бел, европски изглед“.
Босна, Албанија, Косово, Македонија, јужниот дел на Србија и на Црна Гора во иднина треба да станат обединета исламска држава. Ова е првата фаза од окупацијата на Европа во смисла на исламистичкиот план „Европа 3000“. Според него, Европа треба да стане муслиманска земја – од Урал, па се’ до Велика Британија. Планот треба да се реализира во повеќе чекори, применувајќи ја тактиката „насилство и омраза“. Во предградијата на големите европски (и руски) метрополи треба да се создадат големи муслимански енклави. Целта е овие енклави да се обединат во еден исламски центар во подалечна иднина.
Вториот дел на овој план се вика „Кавказ 2000“. Неговите автори тргнуваат од претпоставката дека НАТО – во рамките на проширувањето кон Исток – под своја контрола ќе го стави Каспиското Море. На овој начин Каспиското Море воено и политички ќе се најде под влијание на Турција. Вашингтон и Истанбул на овој начин би го имале муслиманскиот свет под постојана контрола. Тоа практично значи контрола врз поголемиот дел од светските нафтени резерви и транспортните патишта кон Европа и Америка. Русија и Кина би се претвориле во „зелен појас“. Турција, којашто САД треба да ја направи воено најсилната земја во регионот, тогаш би била врската со Европа.
Освен тоа, било заклучено да се регрутираат и обучат Босанци и Албанци со словенски изглед за извршување терористички активности. Овие борци тогаш би можеле да патуваат низ целиот свет без да разбудат сомнеж кај полициските и разузнавачките служби. Исто така тие би можеле да пристигнат и во регионот на северен Кавказ. Овие терористи се нарекуваат „бели ѓаволи“. Тие добиваат најдобра обука и се подготвени за Џихад во цела Европа и Русија.
Но, најпрво овие борци со словенски лица се чуваат како резерва. Тие се подготвени за изведување на самоубиствени напади, односно „маченичка смрт“ во името на Коранот. Јадрото на оваа група го сочинуваат босански муслимани како и регрути од Чеченија и останатите кавкаски региони.
Терористичките обуки се вршат во „безбедните албански области“, односно во Албанија, Косово и еден дел од Македонија. Тие оперираат под заштитниот чадор на Албанската национална армија (АНА или АКШ), организацијата – наследник на УЧК.
Некои „хуманитарни организации“, коишто се наоѓаат на американската терористичка листа, се’ уште денес активни во Босна – иако не официјално. Тие се „Идеална Будуќност Босне“, „Ал-Харамајин“, „Фонд ал Нашаб ал-Акса“ и „Џемијат ал-Фуркан Тајибах ал-Фуркан“. Босанските тајни служби ги игнорираат овие организации. Има се’ повеќе „хуманитарни организации“, коишто се финансираат од исламистичките пари. Годишно на нивните сметки се слеваат стотици милиони долари. Овие пари се доволни за плаќање на вработените, да се привлечат нови приврзеници како и за основање на воени и религиски центри.
Парите за конфликтните региони доаѓаат од трговијата со дрога и оружје. Во централна Босна има околу 2.000 исламистички борци. Во камповите од подземјето младите муслимани минуваат низ тримесечна религиска, воена и терористичка обука.
Обучените терористи во странство стигнуваат организирано преку туристички агенции и „хуманитарни организации“. Исламските екстремисти од Босна и Херцеговина заминуваат во Кавказот и Авганистан, но исто така одат и во Европа и САД за легално да живеат таму.
[You must be registered and logged in to see this link.]
