МВР - новости

Полицаец фатен како се самозадоволува во полициско возило

Полициски службеник попладнево е фатен од штипската полиција додека се самозадоволувал во полициско возило, дознава Press24.
Настанот се случил во центарот на Штип. Полицајците биле вчудовидени кога забележале што прави нивниот колега, кој инаку не бил од нивниот град и го привеле, тврди новинскиот сајт.
Од МВР ја потврдуваат информацијата и додаваат дека случајот е испратен пред секторот за Внатрешна контрола и професионални стандарди.
http://plusinfo.mk/vest/100572/Policaec-faten-kako-se-samozadovoluva-vo-policisko-vozilo

 

Interesen tekst.

http://www.novamakedonija.com.mk/NewsDetal.asp?vest=122391055272&id=12&setIzdanie=21869

Според достапните информации, станува збор за „бисерот“ на израелската воена индустрија - автоматските пушки „Т.А.Р. 21“, кои беа развиени во програмата „дигитална војска“, која ја изведуваше специјализираната израелска фирма „Елбит системс“, а беа произведени од светски познатиот концерн „ИМИ“ („Израели милитари индустрис“). Овие пушки се стандардно формациско оружје на три елитни израелски единици, а своето огнено крштевање го имаа во „црните“ воени операции на израелската војска во Либан во 2006 година.

МВР годинава купи засега непознато количества комплети од оваа програма, кои, покрај автоматските пушки, содржат и специјални визири и миникомпјутери во специјално изработени елеци. Овие комплети нудат единствена можност на поврзување на базата со единиците на теренот преку радиоврска, визири со камера, што преку локална интернет-конекција на миникомпјутерот во елеците ја пренесува сликата на екрани во командниот центар, и навигациски уред, кој ја покажува локацијата на секој војник. Предностите на оваа програма се што во секој момент постои врска меѓу единиците на теренот, без разлика дали се во видно поле, и командниот центар, кој во секој момент може да го промени планот за акција и настапување поради новонастанати услови.

Инаку името „Т.А.Р. 21“ претставува скратеница од „јуришна пушка тавор - 21 век“. Перформансите на „тавор 21“ се повеќе од добри, барем така велат теоретичарите на воената балистика. Пушката е со „булпап“-систем, односно шаржерот со муниција се наоѓа зад чкрапалото. Таа може да се модифицира во десетина варијанти и може да користи муниција од неколку различни калибри, од 5,56 милиметри до 9 милиметри, која се стрела во три опции, полуавтоматска, автоматска и краткорафална. На „тавор 21“ може да се монтира снајпер, ласерски нишан и обележувач на нишан, придушувач и рачен минофрлач. Овие карактеристики беа пресудни македонските полициски специјалци да ги закачат старите и проверени „калашникови“ во магацините на неодредено време.

Од МВР потврдуваат дека нивните специјални единици ја добиле оваа опрема, но не даваат какви било детали, бидејќи станувало збор за информации од доверлив карактер.

Екипа на „Нова Македонија“ во неколку наврати имаше можност неформално и неофицијално да разговара со полициските специјалци и сите анкетирани едногласно ја пофалија новата пушка. Полесна е, прецизна, ефикасна, нема дефекти, беа само дел од нивните коментари. Запрашани дали им недостасува „калашниковот“ одговараа дека единствено се „носталгични“ за таа пушка, бидејќи „другарувале“ со неа од првите денови во обуката.

Старо е ова од 2008/9 мислам...

Да ама е описно.

Goust напиша:

Старо.. Повеќе немаат потреба од вакви испади, веќе имаат нов цивилизиран метод за добивање на "правата".

нешто добив инфо. дека деновиве има нови вработувања во МВР тоа ств е и ако да ...да ми кажете нешто повише за тоа.. фала

23.08.2013

МВР распишува јавен оглас за прием на 11 извршители

Врз основа на член 22 став 1 точка 1 од Законот за работните односи („Службен весник на РМ“ бр.62/05, 106/08, 161/08, 114/09, 130/09, 50/10, 52/10, 124/10, 47/11, 11/12, 39/12, 13/2013 и 25/2013), член 49 став 1 од Законот за внатрешни работи („Службен весник на РМ“ бр.92/09, 35/10, 36/11, 158/11 и 114/12), а во врска со Правилникот за начинот и постапката на селекција и избор на лица кои засноваат работен однос во Министерството за внатрешни работи („Службен весник на РМ“ бр.128/09)

МИНИСТЕРСТВОТО ЗА ВНАТРЕШНИ РАБОТИ

РАСПИШУВА

ЈАВЕН ОГЛАС



За прием на 11 извршители за работа во Министерството за внатрешни работи на неопределено време со или без работно искуство од кои:

-9 извршители со високо образование (факултет од областа на информатичкa технологии) и

-2 извршители со завршено средно училиште од областа на (електротехниката, информатиката електрониката или телекомуникациите).



1.Кандидатите треба да ги исполнуваат следните општи услови:

-да е државјанин на Република Македонија,

-да е полнолетен,

-да е здравствено и психофизички способен за работа и

-со правосилна пресуда да не му е изречена казна забрана на вршење професија, дејност или должност.

2.Кандидатите треба да ги исполнуваат следните посебни услови:

-познавање на англиски јазик на работно ниво;

-кандидатите кои имаат завршено средно образование при вработувањето ќе имаат предност доколку поседвуваат возачка дозвола за Б категорија.

3.Заинтересираните кандидати треба да ги достават следните докази за исполнување на потребните услови за работното место, во оригинал или копија заверена на нотар:

-уверение за завршено високо образование односно диплома за завршено средно образование во која задолжително ќе биде содржан просекот од образованието.

-уверение за државјанство,

-извод од матична книга на родените,

-доказ дека со правосилна пресуда не му е изречена казна забрана за вршење професија, дејност или должност,

-сертификати и дипломи за завршени стручни курсеви и обуки

-кратка биографија и мотивационо писмо.

4.Кандидатите за вработување потребно е помеѓу останатото да поседуваат одредени вештини и способности за работа во Министерството меѓу кои:

-одлични меѓучовечки вештини,

-способност за тимска работа,

-организациски вештини,

-способност за работа под притисок и почитување на крајно утврдените рокови,

-професионално однесување и позитивен однос кон работата

5.Постапката за селекција на кандидатите ја спроведува Комисија за селекција и избор на лица кои засноваат работен однос во Министерството за внатрешни работи формирана од страна на министерот и истата се спроведува согласно одредбите од Законот за внатрешни работи („Службен весник на РМ“ бр.92/09, 35/10, 36/11, 158/11 и 114/12) и Правилникот за начинот и постапката на селекција и избор на лица кои засноваат работен однос во Министерството за внатрешни работи („Службен весник на РМ“ бр.128/09).

Во постапката за селекцијата за избор, по извршената административна проверка се врши писмено тестирање, психолошки тест, интервју и здравствени прегледи.

6.По спроведената постапка за селекција со избраните кандидати ќе се склучи соодветен договор за вработување, согласно закон.

7.Здравствените прегледи во постапката за селекција за проверка на здравствените и психофизичките способности на кандидатите се спроведуваат од страна на Здравствена комисија формирана од министерот за внатрешни работи.

8.Пријавите со потребната документација, кандидатите се должни да ги достават лично до архивата на Министерството за внатрешни работи на ул.„Димче Мирчев“ бр.9 -1000 Скопје во периодот од 8,30 до 16,30 или по пошта со назнака до Секторот за правни работи и управување со човечки ресурси.

9.Рокот за доставување на пријавите изнесува 8 (осум) дена, сметано од денот на објавување на огласот (не сметајќи го денот на самото објавување).

10.Ненавреманата и непотполната документација нема да се разгледува.

http://www.mvr.gov.mk/ShowAnnouncements.aspx?ItemID=12607&mid=1367&tabId=358&tabindex=0

Не гледам посоодветна тема..

МАКЕДОНЕЦ – ДЕТЕКТИВ ВО ЊУЈОРК: ГО ФАТИВ НАРКОБОСОТ БЕЗ ДА ИСПУКАМ КУРШУМ

Kако во акционен филм во живо, американскиот детектив со прилепско потекло, Тони Петрески, секојдневно трага по наркобосови во Њујорк и во Њу Џерси во САД. Овој 40-годишниот Американец, од родителите Јонче од селото Алинци и Ангелина од Ивањевци кај Прилеп, го става животот на коцка во битка со американското подземје, пишува Дневник.

Сопругот на прилепчанката Наташа вели дека имал опасни мисии кога му висел животот на конец. Ги надминал тешкотиите и успеал да го зачува мотото на колегите, „со колку дупки ќе ја почнеш полициската кариера, со толку да се пензионираш“ поради стручноста и искуството од 16-те години во американската полиција.

Таткото на две малолетни деца секоја година го користи неколкунеделниот одмор во родната грутка на родителите. И брачната сопатничка ја нашол во градот под Марковите кули.

Демнат ризици

Полициската работа е опасна преку океанот во споредба со Македонија. Сепак, ризичниот амбиент не влијае на истрагите, кои му станале рутина. Тој оценува дека мали се шансите за несреќи, иако демнат опасности со милионите луѓе на тесен простор со многу криминал.

- Завршив полициски науки, па магистрирав криминологија. Посетував една година полициска академија. Првин бев во секторот за малтретирани деца. Искуствата беа страшни. Дури и денес имам кошмари. Во Бронкс видов бебе од три месеци на кое мајка му му го пукнала черепот оти плачело. Имав случај на дете од шест години со гонореја. Потоа ме распоредија во трговијата со украдени автомобили – кажува Петрески за дебито во полицијата.

Со македонската крв во жилите, храбриот инспектор бил и дел од специјалната агенција за борба со наркокриминалот – ДЕА. За младите Македонци во Њу Џерси вели дека ретко посегаат по пороците на современиот свет макар што тешко одолеваат на предизвиците оти не е лесно да се остане имун и да не се проба од забранетото овошје.

- Најопасна акција имав со специјалците, кои фаќаа наркобос. Ние инспекторите набљудувавме и во тие моменти водачот на криминалците успеа да побегне и тргна кон мене вооружен. Успеав да го соборам со оружје во раката и без да истрелам куршум од револверот му ги ставив лисиците. Kрупна мисија беше и запленувањето пет милиони долари валкани пари за перење и други драгоцености, донесени од колумбиската мафија во САД. Учествував и во акции во Флорида и на Порторико. Не е лесно, но сме ефикасни со постојаните вежби и надградувања. Најбитни се довербата и соработката со колегите – вели нашиот инспектор во САД.

Според него, во Њу Џерси е опасен хероинот. Младите почнуваат со силни лекови против болка, кои се даваат на рецепти во аптеките, а содржат наркотични соединенија. Kога ги снемува скапите апчиња, веќе стекнуваат зависност и наркоманите заминуваат во гето каде што на секој агол има дилери на хероин. Синтетичките дроги се многу страшни.

Полициската процедура е како во Македонија. Се собираат докази, се следат осомничени, се претресуваат домови и на крајот се апси осомничениот за да се донесе пред судија. При крајот се вклучуваат и обвинителите.

Пензија во Македонија

Тони планира да ја користи пензијата во Македонија по четири години. Би сакал да ~ пренесе дел од искуството на македонската полиција, и тоа без надомест, туку за демонстрација на љубовта кон татковината и за подобро утре на својата земја. Македонецот од САД се нервира од луѓето што ја критикуваат родната земја.

- Македонија е млада држава, која полека напредува секоја година. Потребна е трпеливост. Не треба многу државата да стане силна и стабилна. И Прилеп го менува ликот на поарно. Секое доаѓање забележувам разубавување. Градот личи на европски. Уживам да шетам со децата низ чаршијата. Не летувам во Грција, туку ја откривам Македонија посетувајќи го богатото историско наследство во Битола, Охрид, Скопје, Стоби… Мерак ми се манастирите, црквите, градени пред многу векови. Македонија има здрава душа со цврсти и амбициозни млади – ги пренесува впечатоците од градот инспекторот од САД, Тони Петрески, кој ја сака Америка, а дише македонски.

Kонтактира со нашите во САД преку црквите и ги одржува адетите, како што ги правела мајка му.

Родени во САД со срце македонско

Иако и тој и децата му се родени во САД, Петрески во срцето ја носи Македонија.

- Kолегите ме прашуваат кога би имало војна меѓу Македонија и САД, од која страна ќе бидам? Им велам дека ќе бидам неутрален. Тоа за Американците е недоволно. Треба комплетно да си предаден на САД. Друго ништо. Не можам да речам, само Америка, дека сум роден во Америка и дека децата се родени во САД. Срцето ми е македонско – вели Петрески.

http://grid.mk/read/news/505715263/4493486/makedonec-detektiv-vo-njujork-go-fativ-narkobosot-bez-da-ispukam-kurshum