АРМ - новости

Alvar напиша:

Ајде, ајде... како ќе се челичи армијата, мислиш туку така во НАТО се влегува.

Ова се изгледа подготовки за источен фронт, ако се тргне на Русија некој ден.

Аха, да видам некоја армија од НАТО да издржи во вакви услови, ќе се жалат заради биолошко војување

Брифинг за борбената готовност на АРМ за 2015 година пред Претседателот на Република Македонија и Врховен командант на Вооружените сили д-р Ѓорге Иванов

Денес 26-ти јануари, во Генералштабот на АРМ во Скопје, пред Претседателот на Република Македонија и Врховен командант на Вооружените сили, д-р Ѓорге Иванов се одржа брифинг на Началникот на ГШ на АРМ, генерал-потполковник Методија Величковски за борбената готовност на Армијата за 2015 година. На брифингот присуствуваа: Министерот за одбрана Зоран Јолевски, Заменикот на министерот за одбрана Иљми Селами, Заменик претседателот на комисијата за одбрана и безбедност во Собранието на Република Македонија, Сашо Аќимоски, претставници од кабинетот на Претседателот на РМ, раководители во МО и ГШ на АРМ.

Претседателот Ѓорге Иванов од страна на Началникот на ГШ на АРМ, генерал-потполковник Методија Величковски, беше информиран за реализацијата на плановите и задачите во 2015 година, согласно функционалните области на АРМ. Во текот на своето излагање генералот Величковски ги истакна активностите кои ја одбележаа 2015 година како што се: ангажирање на дел од единиците на АРМ за поддршка на Министерството за внатрешни работи во справување со мигрантската криза, учеството на армијата во справување со елементарните непогоди, успешно извршување на меѓународните мисии надвор од Република Македонија и редовната обука и вежби на единиците на АРМ.

Како заклучок на анализата беше изнесено дека и покрај сите предизвици со кои АРМ се соочи во текот на изминатата година, сите задачи се потполно и квалитетно извршени со максимално залагање на персоналот на сите нивоа.

Претседателот Иванов оваа прилика ја искористи да им изрази признание на припадниците на Армијата на Република Македонија за нивната несебична посветеност при извршувањето на мисијата и задачите на АРМ потенцирајќи дека АРМ ја има најголемата доверба во општеството. Меѓу другото Претседателот Иванов ја истакна улогата на АРМ во справувањето со мигрантската криза и укажа на потребата за донесување на нова стратегија на одбраната која ќе претставува основа за изработка на Планот за одбрана со цел ефикасно справување со модерните безбедносни закани.

Министерот за одбрана Зоран Јолевски истакна дека во 2016 година приоритет ќе биде подобрување на условите за живот и работа на припадниците на АРМ, модернизацијата, опремувањето како максимална поддршка за подигнување на борбената готовност за успешното извршување на нејзините функционални надлежности.

Пред почетокот на реферирањето беше извршена презентација на публикации изработени во Командата за обука и доктрини, кои ќе бидат подлога за квалитетна и суштинска подготовка, образование на кадрите за одбрана и безбедноста, Воената академија и останатите универзитети во државата.

http://www.arm.mil.mk/vesti/pocetna/2016/01/brifing_bg.html

Знае некој што ќе се модернизира и со што ќе се опреми АРМ во 2016година ?

Ја разбрав дека ќе земале дополнителни количини на муниција, како и хемиско оружје.

Тоа оружје го конзервираа сега ке го деконзервираат ?

Koлку има во ова вистина не знам...има доста печатни грешки

МИНИСТЕРОТ ЈОЛЕСКИ ФАТЕН ВО ТЕНДЕРСКИ ПРОФИТИ ВО АРМ


Министерот Јолески, на ден 11.01.2016 година подготвувал набавка со директна спогодба за склучување на договори за: ремонт на хеликоптери, за склопни возила и нивно осовременување,  за логистички средства. Сето тоа во вредност не повеќе или помалку од околу 250 милиони евра. Се разбира дека набавките во областа на одбраната се одвиваат под посебен член од Законот за јавни набавки со што се овозможува манипулации. За да ја изврши набавката Јолески сакал да земе кредит од странска банка и истиот би требало да се враќа во маредните 10 години со камата од 100 милиони долари.

За да ја реализира набавката за ремонт на хеликоптери во АРМ форсирал фирма од Полска која и би требало да го добие тендерот според  математиките на Јолески. За чудо еден месец пред  да ја фаворизира полската фирма, нејзиниот контролен пакет го купува фирма од САД чиј што сопственик е близок на Јолески и со кого Јолесеки правел многу матни бизниси.

Јолески уште кога дошол во министерството единствен интерес покажал за тендерите. Веднаш почнал да им дава насоки на работните групи или тендерските комисии за 11 набавки при што со усмени наредби директно упатени до членовите на овие комисии вршел притисок која фирма да помине, која да се фаворизира, а доколку некој член се спротивставел истиот бил веднаш сменет.
Колкав е интересот на Јолески за тендерите покажуваат и следните факти:

1. за началник на Ј5  во ГШ го назначува Александар Велковски, кој му е главен координатор за сите тендери. За да биде наивноста уште поголема, веднаш после назначувањето за период од само 1 месец  Јолески го наградува Александар Велковски со парична награда за успешна работа во период од само еден месец. Инаку истиот не исполнува законски услови за работа.

2.најблиски соработници на Јолески веднаш стануваат: полковник Љубе Дуковски, против кого се води кривична постапка за  злоупотреби при набавка на сателитска опрема во вредност од 200.000 долари. Истиот ги исполнува условите за пензија но, Јолески бидејќи има потреба од соучесници во неговите криминали не го праќа во пензија, а испрати вредни  работници во пензија. И уште планира да го награди за претставник на Министерството за одбрна во мисијата во Њујорк;  втор најблизок соработник му станува Зоран Темелковски кој е поставен незаконски за шеф на инспекција во Министерство за одбрана. Истиот два пати паѓал на полагање на испит за ревизор, заради што од комисијата за полагање му е забрането понатаму да полага. Ама изгледа го положил испитот кај Јолески и за награда ја добил токму ревизорската работа во Министерство за одбрана.

http://centarnews.net/HQ/mk/index.php/news/mk/item/15211-ministerot-joleski-faten-vo-tenderski-profiti-vo-arm

ма нека прави и нека купува само,и онака армијата ни е каша,јас би се радувал кога би ремонтирале и би модернизирале,а па кога би купиле и нешто ново...тоа би било шлаг на тортата.

И не заборавајте чив портал е овој,ништо позитивно нема да слушнеме од нив за овие сегашниве,а нормално ни обратно,така да...

Momak od Gjorce напиша:

Тоа оружје го конзервираа сега ке го деконзервираат ?

Изгледа, и ќе го подгреат за полесно да се извади козмолинот.

JKD напиша:

ма нека прави и нека купува само,и онака армијата ни е каша,јас би се радувал кога би ремонтирале и би модернизирале,а па кога би купиле и нешто ново...тоа би било шлаг на тортата.

Па после олку години,и мене не би ми било криво ако некој дрпне пари а набави барем нешто,ако има вистина у текстов ремонт на хеликоптери оклопни возила и логистички средства,добро би дошле...