Ноќеска во Враништа вриеше, селаните се подготвуваат за барикади
Според сите достапни информации, синоќа во ова струшко село бил избегнат посериозен меѓуетнички инцидент. Приврзаници на ДПА и на ДУИ влегле во македонското село и викале „уа каури", „УЧК, УЧК", а претставници на ВМРО-ДПМНЕ и на ДУИ успеале да ги смират разбеснетите толпи.
Ако не беше полицијата, тука вчера ќе беше кланица. И тоа меѓу Македонците. Македонците-православци од Враништа и Македонците муслимани и Албанците од Велешта, Октиси и Лабуништа.
Вака неколку вранештанци ги опишуваат вчерашните сцени во селото.
„Ни влегоа во дворовите. Што требаше да правиме, да седиме дома и да се криеме. Се разбира дека и ние се организиравме и излеговме да го браниме селото“, вели еден од нашите двајца соговорници.
И двајцата велат дека сè почна откако колоните со возила, кои ја прославувале изборната победа за градоначалник на Струга на Зијадин Села од ДПА, минувале низ селото и од колите провоцирале. Селаните во тие моменти биле мирни и трпеливи и не провоцирале.
„Но гужвите почнаа кога неколку коли застанаа, кога почнаа да ги веат албанските знамиња, да викаат „УЧК, УЧК“, „Уа каури“, а и тоа не им беше доста, па почнаа да ги тепаат и децата што беа тука, пред продавницата, кај стадионот. Едното од нив го удрија со стол. А од колите извадија шипки, камења, секири... Се слушаа и истрели од пиштоли. Тоа значи дека тие дојдоа да направат инцидент, а не да слават. Се разбира и ние одговориме. Дојдоа наши и од Мислешево и од Струга. Се формираа две поголеми групи, кои беа на оддалеченост од стотина метри. Од заднината, од селото Велешта се слушаа и истрели од калашников“, вели нашиот соговорник.
Неговиот пријател додава дека иако веднаш ја повикале полицијата, таа дошла дури по 45 минути.
„Малку се смири работата кога дојде полицијата. Ама коли на симпатизерите на ДПА или на ДУИ и понатаму одвреме-навреме влегуваа во селото и со голема брзина и со кочење, вртеа сретсело. Еден од нив го препознавме. Познат престапник. Го пријавивме и полицијата нè извести дека го привеле во Струга. Потоа дојдоа специјалците, кои успеаја нивната толпа да ја оддалечат од селото. До три часот по полноќ беше навистина напнато“, вели младиот враништец.
Меѓу народот, секој кај „своите“ биле присутни и пратеникот на ВМРО-ДПМНЕ Влатко Ѓорчев и Тахир Хани, заменик-министерот за транспорт и врски од ДУИ. Присутните велат дека обајцата успеале некако да ја смират ситуацијата.
И двајцата наши соговорници од Враништа се согласни дека ова нема да се смири, дека напнатоста ќе продолжи и дека тие веќе се подготвуваат за организирање барикади за одбрана на селото.
Еве добар терен за партиските активисти на дело да ги покажат своите политички определби за соживот и економски просперитет.
МВР: Ги преземаме сите потребни мерки
„Секторот за внатрешни работи Охрид преку полициската станица во Струга навреме излезе со цел спречување на поголем конфликт и во текот на денот ги презема сите потребни мерки со цел расветлување на случајот и утврдување на инволвираноста на сите учесници“, изјави Стефан Димоски портпарол на СВР Охрид.
http://www.mkd.mk/makedonija/politika/nokjeska-vo-vranishta-vrieshe-selanite-se-podgotvuvaat-za-barikadiА зошто државава не им подели по едно формациско оружје по куќа, па кога веќе полицијата не превзема ништо... барем сами да се бранат.
