- Momak od Gjorce напиша:
БТР-70 МВР? прв пат слушам,иначе пред неполна година од украина дојдоа резервни делови заа 80-те заедно со неколку механичаре од некој ремонтен завот,баш тогаш почнуваше ратот таму
Во 2001 имаше доделено одреден број на седумдески за користење на полицијата. За ПС Тетово требаше да бидат доделени два (еден за ПС и еден за БПС) и за Јагуновце еден.
Отидовме во Идризово на обука во цивилни возила, бидејќи баш во тоа време беше најгустото на автопатот помеѓу Тетово и Скопје. Таму ни помина обуката и кога требаше да се вратиме, испадна дека имаат само два „исправни“ седумдески да ни дадат. Едниот требаше да отиде во Јагуновце, а вториот во Тетово.
За почеток, во цревото за претекување на гориво имало дизел, така да кога не танкуваа, добивме дваесетина литри дизел и остатокот бензин. Потоа баш кај Карпалак, бидејќи возевме преку перископи поради спуштените капаци на стаклата не приметивме дека ни пукнало цревото за ладење на едниот мотор, па тој ни зариба.
Успеавме да се довлечкаме до Петрол Компани со еден мотор, и таму го чекавмо БТР-70 од посебната да не одшлепа до Тетово. Кога тој дојде, и него му зариба едниот мотор (истиот дефект со пукнато црево за ладење).
Така на крај, со еден мотор го довлечкавме БТР-от до касарната во Тетово (такви инструкции добивме, демек има армиски механичари кои можат да го поправат, ама изгледа никој нив не им кажал), и не го видовме овој БТР до крајот на војната, кога го однесоа на влекач кон Скопје.
Ова го пишувам чисто да видите каков хаос беше кај нас во тоа време. Војната е далеку од организација, и воглавном најдобро поминува оној кој подобро импровизира и се снаоѓа.
Што се однесува до камп возилата кај тетовскиот стадион, точно е дека ги има, точно е дека скоро сите имаат сателитски антени на крововите, ама точно е и дека немаат никакви ознаки на телевизии на страните или позади возилата, така да не знам што може да е во прашање.
