Развод - причина за тројното убиство во Злетово?! Ќерката на убиените злетовци Илија и Јана се спасила од убиствениот поход на нејзиниот сопруг, професионалниот војник на АРМ, 40-годишниот Д.М., со кого се разведувала, бидејќи била во соседната соба. Во куќата каде живееле нејзините родители зетот ги убил дедото и бабата, а пред нив да ги убие го убил 50-годишниот Методи М., инспектор во Државниот пазарен инспекторат.
По тројното убиство, војникот избегал и полицијата го бара. Ќерката на убиените побарала помош од полицијата.
За еден месец ова е второ тројно убиство во Македонија. Пред две недели зет од Кавадарци ги уби дедото, бабата и сестрата на неговата сопруга. Тој беше уапсен следниот ден на градските гробишта во градот.
http://www.plusinfo.mk/vest/5451/razvod--pricina-za-trojnoto-ubistvo-vo-zletovoПрофесионален војник на должност ги убил тројцата во Злетово Штипската полиција трага по 40-годишниот професионален војник Д. М., кој е осомничен за тројното убиство што се случи изутринава во Злетово. Осомничениот зет во време на убиството бил на службена должност. Се претпоставува дека по убиството избегал во околните ридови. Осомничен е дека ги убил таткото и мајката на сопругата во нивната семејна куќа, а потоа застрелал и познаник.
Двојното убиство во семејната куќа го открила нивната ќерка, сопругата на убиецот. Засега се знае дека тројцата убиени се на возраст помеѓу 50 и 60 години, а неговата сопруга во времето на убиството била кај соседите.
http://plusinfo.mk/vest/5429/profesionalen-vojnik-na-dolznost-gi-ubil-trojcata-vo-zletovoВојникот убивал со службеникот „калашников“Со армискиот „калашников“ професионалниот војник на АРМ Д.М. утрово уби тројца во Злетово. Згора на се, тој имал и дебело полициско досие. Три пати бил пријавуван за семејно насилство и против него се воделе постапки пред Кривичен суд.
Пред убиството бил на работа, на стража во армиски објект, а по завршување на смената си го зел автоматот. Засега АРМ и Министерството за одбрана молчат за овој скандал и не известуваат зошто не бил суспендиран нивниот припадник.
Засега се знае дека убиени се родителите на неговата сопруга со која се разведувал и пазарен инспектор, исто така негов познаник. Низ Злетово се шират разни приказни за убиствата, но засега обвинителството не открива детали.
http://plusinfo.mk/vest/5461/vojnikot-ubival-so-sluzbenikot-kalashnikovАРМ го осуди тројното убиство, осомничениот бил психофизички здрав Министерството за одбрана и Генералштабот на АРМ остро го осудуваат тројното убиство во Злетово и потврдуваат дека осомничениот е професионален војник на АРМ.
МО и ГШ на АРМ им даваат целосна поддршка и асистенција на органите на МВР за што побрзо расветлување на причините и околностите, поради кои се случи трагичниот настан во Злетово.
„Согласно Правилото за обезбедување на објекти, материјални средства и луѓе во АРМ и неговата примена во однос на подготовката на припадниците на АРМ пред извршување на должноста, кај професионалниот војник од страна на лекар е утврдена добра здравствена и психофизичка состојба. Во досегашниот период, од претпоставените старешини и во системот на командување и контрола во АРМ, не е регистрирано кршење на воената дисциплина, ниту непочитување на правилата и прописите од страна на осомничениот професионален војник“, пишува во соопштението од МО и ГШ на АРМ.
http://plusinfo.mk/vest/5469/-arm-go-osudi-trojnoto-ubistvo-osomniceniot-bil-psihofizicki-zdrav 
