Израелски одбрамбени сили (IDF)

„Уау, го погодив!“ Израелски снајперист без причина застрелува невооружен Палестинец (ВИДЕО)

На интернет се појави видео што наводно покажува израелски снајперист што смртно застрелува невооружен Палестинец во окупираното село Силвад на Западниот Брег.

Се гледа како војникот нишани кон далечна фигура, а потоа одѕвонува истрелот и фигурата паѓа.

„Го погодив! Уау, го погодив. Го имам и на видео!“, наводно вели снајперистот на хебрејски јазик.

Според израелскиот веб-сајт Мако, војниците во видеото се од баталјонот Хереди Нецах Јехуда на бригадата Кфир, кои пред неколку дена беа вмешани во контроверзии со прекумерна употреба на сила во близина на бегалскиот камп во Рамалах, пренесува Раша тудеј.



Израелскиот веб-сајт Мако го цитира портпаролот на израелските сили, кој вели: „На видеото се гледа снајперски оган кон долниот дел од телото на провокатор во насилно и нелегално нарушување на мирот, кое се случи во селото Силвад, североисточно од Рамалах. Пукањето беше со дозвола од командантите на секторот откако осомничениот фрли запалива направа и камења кон силите на самото место. Пукањето беше снимено по инструкции на командантите на секторот заради документација и потврда.“

Сепак на видеото од 7 секунди не се гледаат никакви знаци на нешто што би можело да доведе до пукање.

Невозможно е да се идентификува жртвата, ниту дали лицето било вооружено. Ветеранот-полковник со кој разговарал порталот Мако под услов на анонимност рекол дека „целта не претставува закана за војниците во областа на начин за кој е потребно ангажирање снајперист, според воените процедури.“

„Вообичаено е да се постават снајперисти на контролни точки и тие имаат мошне специфична улога: да го лоцираат и да го уништат секој вооружен човек што им се заканува на силите, ако таква личност се појави меѓу демонстранти, или за да елиминираат јасна закана и опасност за животот на силите што се на терен... за жал, не изгледа дека таква била ситуацијата снимена на конкретниот филм“, рекол тој откако му било прикажано видеото.

Полковникот, исто така, се фокусира на штетата што видеото може да му ја нанесе на угледот на Израелските одбранбени сили: „Протекувањето на ваквите материјали на интернет е особено сериозно“, продолжува тој. „На овој начин може да видите како функционира војската, тие се изложуваат на правни проблеми и она што тие не го разбираат е дека ова може да ја 'испржи' целата земја. Штета на глобално ниво. Ова е само глупавост“.
http://www.mkd.mk/svet/vesti/uau-go-pogodiv-izraelski-snajperist-bez-prichina-zastreluva-nevooruzhen-palestinec-video

Се се гледа,100% е невооружен,невин,мирен,и поштен.