Мистериозни кругови во Јадранот: Воени експерименти или вонземјани? (ФОТО)
Мистериозна појава на правилни кругови во близина на неколку острови во Јарданското Море во изминатите неколку дена ја заинтригирала Хрватска, но и светската јавност и експертите кои се обидуваат да ја најдат причината за несекојдневната појава.
Покрај брегот на островот Дуги биле забележани дури 28 правилно распоредени кругови, со пречник од околу 50 метри а не е исклучени ни да ги има повеќе, но не можат да се видат поради одблесоци од сончевата светлина, пренесува Индекс.
Појавата на таинствените кругови во Јадранското Море во моментов е омилена темана сите љуботели на мистериозни појави.
„Дали хрватското приморје го посетиле вонземјани, станува ли збор за природни сили или пак ловокрадци со динамит ги направиле круговите? Сето тоа се можни објаснувања за круговите кои биле забележани во областа на островите Дуги, Унија и Сракана“, пишува Индекс.
Биологот Мосор Праван од здружението Сонце изјавил дека не е познато што го предизвикало создавањето на мистериозните кругови, но дека е убеден дека станува збор за последици од човечко влијание. Тој истакнал дека е во контакт со неколку експерти но дека сѐ уште нема објаснување и додал дека не смета дека појавата била предизвикана од бактерии или отровни материи кои ја уништуваат морската трева.
„Кога би требало да нагаѓам, би кажал дека станува збор за воени експерименти. Тревата посидонија расте бавно, само два до три сантиметри годишно, а меѓу експертите владее теорија дека кога еднаш вака ќе се отстрани никогаш повеќе нема да расте на тоа место. Што и да е причината, можело да се случи пред многу години. За да се утврди што ги предизвикало, најпрвин треба да се утврди колку се стари овие кругови“, објаснил Праван.
Биологот прецизирал дека сите кругови се големи 50-тина метри и единственото нешто што варира од остров до остров е нивната меѓусебна раздалеченост. Инженерите по геологија, нафта и рударство тврдат дека не станува збор ни за нафтени истражувања, бидејќи тие не оставаат такви траги и дека никогаш не се изведуваат паралелно со брегот.
„Тие ја отфрлиле и можноста да биле предизвикани од експлозив бидејќи количеството експлозив потребно да се предизвика таква штета требало да биде огромно, а таквите експлозии локалното население долго би ги памтело“, истакнал Праван и додал дека добиле информации дека нешто слично постои во Австралија, а било создадено при истражување на морското дно за потреби за изграба на нуклеарна централа.
За необичната појава се заинтересирал и британскиот портал Машејбл, кој покрај анализа на можните причини, потсетил дека сличен случај со мистериозни прстени во морската трева имало во Данска.
Научниците во јануари годинава објасниле дека тие кругови се последица на отровна супстанца која ја убивала морската трева, оставакќи кружни траги. Меѓутоа, во јадранскиот случај круговите се поголеми и поправилни и според обликот и според шемата по која се појавуваат.
http://www.mkd.mk/svet/nauka-i-tehnologija/misteriozni-krugovi-vo-jadranot-voeni-eksperimenti-ili-vonzemjani-foto
,шала на страна ова е нивната јуришна пушка VHS 5,56mm(првата верзија),се уште не им е целосно воведена во употреба,уште користат калаши од раслични потекла.
