Совршена акција на специјалците на сосема погрешна адреса!
14.04.2015 | 18:58
Извор: Супермен
Две полициски комбиња, едно патролно возило, две цивилни полициски возила, најмалку 20 специјалци со панцирни елеци, шлемови, балистички штитови и хеклери. Сето тоа било изведено на беспрекорен начин за да се опколи една куќа во Загреб.
Но, единствениот проблем во овој случај е фактот дека тие ја утнале куќата, пренесува Јутарњи лист.
Хрватските специјалци ја опколиле куќата, брзо се распоредиле околу објектот, а соседите сосема збунето ја гледале целата таа акција. Една екипа се доближила до главната влезна врата, додека другата се качила на катот. Останатите ги покривале прозорците.
Првиот полицаец го држел балистичкиот штит, а вториот го покривал. Сите тие ја заземале својата позиција, а акцијата била изведена совршено – освен една мала "ситница". А тоа е фактот дека тие ја згрешиле адресата.
Пред пет години, како што пишува Јутарњи лист, дошло до промена на броевите на куќите во Бреганската улица, а вистинската куќа која ја барале полицајците била на 50 метра од првичната згрешена адреса. Наместо опасен криминалец, хрватските специјалци затекнале пар пензионери.
Тие им влегле во куќата со повици, "Чисто! Чисто! Сè чисто!".
Еден од специјалците кој ги проверувал споредните соби се сопнал и на канта со боја, бидејќи сопствениците кречеле.
"Дали сте сами? Има ли уште некој?", прашал еден од специјалците.
"Тука сме само ние. Сте ја згрешиле куќата", му одговориле збунетите пензионери.
Специјалците веднаш ја напуштиле куќата и заминале на вистинската адреса каде го затекнале мажот кој го барале. За целата ситуација да биде уште полоша, самата информација за бараниот човек била погрешна.
[You must be registered and logged in to see this link.]
